2006四週年版聚
唔經唔覺, 今年POST76已經四週年, 其實如果計埋 ARTHURSTUDIO既話, 我諗應該都係5週年, 今年我地選擇左去食上海任食放題.
任食上海菜
間舖食黎講呢, 就一半一半啦, 有好有唔好既, 好既就有小籠包, 唔好既就有上海粗炒, 不過大家醉翁之意都不在酒, 志在有個地方可以任飲任食, 開懷暢飲一番!!!
有免費紅酒飲
雷兄好唔話得, 之前都只係同我講會帶一支紅酒, 但果晚一帶就四支, 另全場既朋友都可以起碼一人一杯.
不過, 因為會場係有每人加10蚊就任飲啤酒同汽水, 而大家都因為飲紅酒既關係, 反而我地任飲既QUOTA都冇咩用到, 我諗我地叫左一打既啤酒都冇~, 雷兄咁大手筆為左POST76既朋友出呢份心意, 我諗大家一定會好好記住. 另外因為會場既任飲任食係由 7:00-11:00既, 所以其實大家到 11:00黎講, 都係非常之唔夠喉既, 所以希望下次大家一齊都幫手諗下, 有咩地方又可以任食任飲, 又可以時間長D, 最好最好既就係可以有一個地方, 可以一次過一張檯坐得哂我地20幾人既, 咁就真係 FIT到冇人有勒~~~~
無所不談
呢D老朋友聚會, 大家小不免會討論下依家忙D乜呀, 玩D乜呀咁, 當然我地都好關心冇出席既朋友啦, 大家都話如果佢地都出埋黎就真係 VERY GOOD勒, 當晚既話提都離唔開, 湊女經呀, 講相機呀, 旅行呀, HIFI呀, 打機呀, 電腦呀, 無所不談, 就連講女呀都有呀(版聚女呢~~~)真係應有盡有呀, 總之大家都將平日係網上面以文字表達既野, 都一一用口來講, 真係好快感架姐~
聖誕禮物
當然更加唔小得既, 就係當晚既高潮, 抽獎活動啦, 就黎臨近聖誕, 所以我地就決定當晚大家都買一份平平地, 預計係 $50蚊左右既禮物出黎, 大家抽獎, 唔洗要份禮物包得好靚, 好名貴, 只係要個氣氛, 要個感覺, 出黎係可以又有得食,又有得玩, 仲有埋禮物返屋企, , 我覺得一個聚會可以有呢三種咁正既效果, 已經係非常之咁足夠勒, 小瑟好開心, 有一班朋友肯陪我玩, 而更正既係, 大家份禮物都係可以話係臨去食飯前先買既, 冇華麗既花紙, 唔係貴重既禮品, 但就充滿左人情味, 友情係入面, 呢樣野, 係有錢都買唔到, 呢份亦都係一份友誼……….嘩….講左唔知去邊, 好骨痺呀~~~XD======
1GB MP3 PLAYER
今次抽既禮物, 大多數都係同影音有關既, 有DUAL LAYER既 DVD-R啦, 有 DVD-R啦(, 呢份我買既), 有放電話既公仔啦, 有click 既VCD同回魂夜既DVD啦, 有泰國既木盒仔啦, 有 LEGO啦, 有相架啦, 書都有二本, 仲有 KEYBOARD掃, 真係應有盡有, 而當晚更不可不提既, 就係有一部1GB既 MP3 PLAYER, 係由雷兄送出既……而抽到既呢位幸運兒就係NEL哥勒……我地比D熱烈既掌聲佢先…….下次一定係佢埋左張單佢啦~~~~~~~~!!!
人老左, 如果有講漏其中既禮物既, 請多多包涵呀下…..
小小紀念品
另外小瑟就囉左一D小禮物同大家分享, 雖然唔係咩好野, 不過我覺得對大家來講, 有個小小紀念, 都不失為一件好事丫!!!!~~
版聚後話
最後我好希望下年, 大家都可以抽到空一齊出黎參加呢個週年版聚, 每年可以見返一D平時冇咩機會見既朋友, 真係好難得, 好似今次有好朋多朋友都冇黎到, 其實都有D失望, 我相信如果係 POST76有浦開既朋友都一齊出席既話, 我諗開三圍至四圍都一定唔成問題呢, 不過我地大家約左, 係農曆新年前, 都會整返個團年飯, 到時希望大家都會抽到時間一齊出黎聚下呀~~~
