2008年07月17日, 終於都上左小瑟最喜愛既英雄人物之一既 BATMAN第二集 THE DARK KNIGHT, 其實自從睇完Christopher Nolan導演既 BATMAN BEGIN之後, 我自己已經對 BATMAN之前既所有電影版, 已經忘記得一乾二淨, 之前既BATMAN只係一個卡通人物, 而 BATMEN BEGIN之後, BATMAN真係變左一個人, 我仲記得係 BEGIN中, BRUCE生日會當日佢同 RACHEL係門口傾完計之後, 即時飛身換衫去出動, 果一下, 我就知道, 呢個先係真正既 BATMAN, 同我地係好相似都係一個”人”既 BATMAN, 更加認定以後既 BATMAN都一定要係 Christian Bale做返先有神髓.
冇錯,今次劇情係比較覆習, 總片長亦都比較耐, 連小瑟呢個小 FANS都覺得有小小長左, 不過以一套咁沉長而又咁人物咁交錯既劇本來講, 導演拍到有條理, 佢講故事既能力真係好勁.
而今次 The Dark Knight比到我最大既觀能刺激, 一定係香港捉 LAU果幕, 佢夠膽, 有腦, 真係估都估唔到, 佢用個咁樣既方法離開香港, 小瑟雖然一個人係戲院睇,我都”譁”咁叫左出黎, 真係堅到呢~~~ 但 BATMAN亦都係一個悲劇, 佢都好想退下火線, 唔洗再帶住面具去保護哥咸城既人民, 但始終做唔到, 而佢十分寄望可以幫佢完成呢個使命既檢察官哈飛, 亦都比小丑令到佢黑暗既一面曝光, 成為原著中既雙面人, 我自己起初就以為呢個雙面人係要來為第三集而留下伏線, 點知又唔係…….呢個導演拍野真係估佢唔到呢!!!
如果大家用一般睇英雄電影既心態去睇本片, 一定會比較失望, 因為BATMAN其實都只係”人”, 人就一定有佢既弱點, 而今次小丑就係完全中正哂佢既弱點, 令到哥咸城既市民都非常惶恐, 仲將呢個惶恐既原頭, 怪左係 BATMAN身上……其實導演就係好想好想強調呢點, 強調人性既醜惡, 亦都另呢個英雄不再英雄…….但到最後, 一個犯人又將炸彈引爆器掉左落海呢幕, 又話比我地知, 人不可以貌面, 罪犯都唔一定會做出傷害人既事, 反而, 人D自命為好人既人, 先會做出傷害人既行為呢, 真係反完你一個高潮再反多你一個, 真係好野.
不過呢套戲唯一唔完美既就係女主角換左人, 另大家睇既時候始終都唔可以好完完全全投入到, 雖然呢位女主角已經同之前既 RACHEL好相似, 不過就始終唔係果回事呢!!!
不過無論點都好, 呢套戲既 BLU-RAY碟都一定會買來收藏, 唔知點解, 小瑟始終都係對呢位咁神秘既英雄, 有一份講唔出既祟拜感呢!!!!
##
