本身小瑟已經有部 PANASONIC BD-30 BLU-RAY PLAYER可以睇埋 DVD既, 不過呢部BD-30係 DVD上既表現可以用”廢”字來形容呀, 所以我只可以物色一部 DVD PLAYER來填補呢個空間, 之前已經諗過買 PIONEER既 DVD機, 因為 PIONEER既 DVD出哂名掂既, 所以本來都係諗 PIONEER為主………
點知, 東芝自從HD DVD衰左之後, 反而再研究係 DVD上做得更好, 就出左個 eXtended Detail Enhancement (XDE)既技術聲稱可以將原本只得 480P既 DVD, 升到 1080P, 仲可以有 24P功能添, 又講到個升頻可以達到HD級數, 就係咁, 小瑟就決定買呢部新技術既 DVD機來服侍返小瑟一櫃都係既 DVD勒!!!
PS: 係度一定要多謝導演兄既幫手, 等我可以用一個友誼價來買到呢部 DVD機先得呀!!^^”
(因為時間既關係, D相唔係好靚, 希望大家唔好介意!!^^”)
首先講講部機先, 真係好輕, 完全冇重量, 不過我諗依家既 DVD機全部都係咁呢.
配件方面, 就跟一線 HDMI線, AV線, 說明書同埋一隻BATMAN 黑夜之神既 DVD, 估唔到我依家買都仲係呢隻DVD, 哈哈!!!
(我只係得30分鍾左右既時間去試機, 暫時出住小小感受比大家先.)
廢話小講, 快D駁好開機睇下係咪真係咁堅先, 我就用左條普通既 HDMI線駁入我既 ONKYO 705上, SET好 VIDEO果D野, 行 1080P先, 之後搵左我最鍾意既港產片之一既”龍虎門”來試一試佢升頻既表現先.
我已經用哂三個MODE(Sharp, Colour, Contrast)來逐一慢慢睇下, 好可惜, 完全唔係我心目中既畫面, 唔好話高清, 我諗真係同一般 DVD PLAYER差唔多, 不過D聲又真係幾唔錯, 定位好好, D拳來拳往可以聽得出係邊個位停, 都幾好野………..當然我唔會就咁就話佢唔掂既, 所以之後我就用左”導火線”來試勒, 呢隻DVD既質素本身已經好高, 所以用佢來試就比較好, 當然, 一開場高爾夫球場一幕, 真係有料到, 畫面真係細緻左, 冇明顯既狗牙, 用 SHARP MODE來看會多 NOSIE小小, 之後轉 COLOUR就真係好鮮色, 仲要鮮過頭, 之後用 CONTRAST呢, 就黑位靚左, 好彩試到呢度都真係開始比較滿意返小小, 不過如果你話要同 PS3比較, 以我既記憶, XDE500真係好小小, 不過真係只係WIN個馬鼻, 唔可以話 WIN好多,XDE500只可以話係多左一份高清既味, SHARP方面好小小咁解. 不過我自己就唔鍾意佢冇得調校個 LEVEL, 如果3個 OPTION都可以再校埋 LEVEL, 呢部機對仲有好多 DVD既朋友來講, 一定值得購買.
另外值得一提既, 就係呢部機擁有既 1080/24p功能, 首要既條件係部 DVD機 VIDEO既 SETTING一定唔可以係 AUTO/PAL, 一定要用 NTSC先可以有呢個 1080/24P既功能, 而就我自己試過之後, 發覺用左呢個功能既話當PLAN畫面時, 係會有唔暢順既, 所以我就最尾都冇開到呢個 24P既功能勒.
最後, 如果大家希望買左呢部機返去可以做到同BLU-RAY差唔多或者係有 BLU-RAY ‘感覺’ 既話呢, 對唔住呢, 呢部機一定會另你失望, 請記住, DVD始終都係 DVD, 呢部機絕對可以做到現時來講, 性價比最高既優化DVD影像效果, 但係千萬唔好神化佢, 你只可以當佢做一部最好既 DVD PLAYER, 但絕對唔可以同高清相提並論呀~~~~
因為去到呢度, 已經係12點幾了, 小瑟自從做左爸爸之後, 時間真係買小見小, 仲係要非常之小, 所以暫時可以同大家分享既只可以去到呢度. 如果大家有興趣再一齊討論下既, 可以到以下網址同指教指教一下小弟架~~~
http://www.post76.com/discuss/viewthread.php?tid=9702&extra=
多謝大家收看, BYE BYE!!!
