圖/文: 小瑟
前言 ~
上個月小瑟因為大家既毒文章, 而搵老友幫手介紹左隻平靚正既 NORTHWIRE比小瑟換左AMP, SUBWOOFER同拖板, 之後當然停唔到手, 梗係要換埋AV中最為緊要既源頭BLU-RAY機同埋LCD TV啦, 不過小瑟既TOSHIBA TV既電源線係”啤”死係電視機上既, 所以要換線就只可以同佢做手術, 同佢開刀換線勒
. 之前已經係網上請教左各位毒門門主剪線要注意既地方, 之後再問埋老友既電源相位處理, 就係呢晚, 小瑟終於都開工勒.
首先我就梗係例牌返來同個位新朋友影下寫真先, 等大家可以近距離同呢位 Ortofon銀俠打個招呼先啦, 你知啦, 當D線一入哂機, 如果唔係身痕既話, 基本上都冇咩機會再見到佢地 D真身架勒, 仲唔等依家未上位之前同佢地影返夠本先呀!!
因為自從上次NORTHWIRE之後, 其實我已經叫我既AV老友記同我留意下 LCD TV同 BLU-RAY PLAYER既電源線夠竟用邊隻好, 所以我都等左一輪先有回音, 因為係畫面上來講, 用銀錢既優化可以講話係最明顯, 如果用係畫面上用銀錢就絕對冇死錯人架勒, 不過銀線都好多隻, 究竟咩係好呢??? 呢隻”日本Ortofon 3900 Silver (Silver Plated OFC wires) 優質銅鍍銀線” 就係因為線身鍍上既銀左高質數既銀, 而銀線經過煲練之後, 更加係比冇煲有著好大既提升, 所以係性價比上, 搵Ortofon 3900 Silver來做 BLU-RAY同LCD TV既電源線就真係合哂何車勒!!!^^”
而因為小瑟既TOSHIBA LCD TV又要剪頭, 而 PANASONIC既 BD30又只可以用 8字頭, 咁就當然就要買埋其他”兄弟”幫我手完成呢件事情啦. 分別係 IEC”乸”既插頭同埋IEC轉8字頭轉插呢!!
好勒, 一切都攪掂哂當然就可以開工勒, 今次因為時間關係, 我又想可以另到大家都可以睇到插前同插後既畫面分別, 所以我就只會用一套BATMAN黑夜之神-英版 BLU-RAY電影來試效果同埋SET好腳架同用同一個ISO, 光圈快門組合去同一個畫面影個換線前同換線後既效果比大家睇, 不過真係好對唔住, 影完出黎, 我上返電腦睇先知道原來我停既位置係小小分別, 可能另大家都唔可以好充分咁睇得清楚, 係度小瑟同大家講聲唁好意思呢, 只好怪小瑟學藝不精呢….!!
好, 廢話小講, 小瑟先用左ISO100, 4秒快門, 13光圈 22mm焦距去影左原裝電源線都既畫面. 而BD30就咩 SETTING唔用, 用返NORMAL來做測試, TV就唔郁我之前既SETING.
好, 一開始就係先攪左個電視先, 因為我會想先向難既埋手先, 就算衰左都有時間整丫麻~~~哈哈!!!! 冇電視睇, 我怕我比人趕出街都有知呀~~哈哈XDDDD
好勒, 大家睇完原裝線既畫汁之後, 就要開始動工勒.
先拆開個IEC”乸”頭來睇下個樣先, 始終未做過, 難免有D擔心, 點知原來入面都好簡單, 我只需要認清(L)同(N)既位置就可以勒. 個IEC”乸”頭內都有清楚指示, 大家如果同小瑟一樣都要換既, 就要留意勒!!!
開緊要對返L係咩色, N係咩色, 千萬唔好攪錯, 攪錯左雖然唔係爆炸, 不過反左相始終都唔係咁好呢!!!
完成左之後, 就插上 Ortofon 3900 Silver銀線插上去, 以下就係完成圖勒!
之後整好當然就係要睇下畫面有咩分別啦, 小瑟影得唔係專業, 圖片只係比大家REFERENCE, 如果大家有時間, 可以 SAVE低D圖片來做比對呀, 而小瑟係現場睇既時候, 一開 TV都已經見到成個畫面都光左, 細緻度提升左, 畫面 SHARP左. 心諗未換BLU-RAY既線已經有呢個效果, 即時拿拿林影埋三張相之後, 就開始動工攪埋個 BD30先啦!!^^”
因為BD30係用上8字細頭, 所以無可避免會有”多隻香爐多隻鬼”呢個問題出現, 不過始終係用左好既線去優化電源, 所以就算多左個8字轉插都好, 都唔會太大影響呢!! 換呢個BD30方便好多, 一”蚊”一插, 攪掂, 之後就開機勒, 好緊張呀~~~XDDD 換上左新電源線既BD30, 好似變左另一部機一樣, 以前我硬係覺得黑位唔夠實, 色彩唔夠鮮, NOSIE比較重, 但換左線之後既BD30, 對比度同NOSIE都唔同哂, 立體感重左好多, 黑位明顯實淨左好多, 連NOSIE都小左, 係暗位既NOSIE都滑左, 冇咁粗呢, 而最明顯係就係畫汁既顏色比之前改進左好多, 鮮艷度升左幾級, 真係正, 之前要用 SETTING去就返個鮮豔度出黎, 但有時紅色又會太過”多”, 依家顏色就岩岩恰到好處, 唔會此起彼落, 真係估唔到原來換雹源線係BLU-RAY PLAYER上對畫汁既改善會咁大呢, 我諗大家如果係對畫汁有返小小要求既, 換電源線呢個行動, 真係事在必行呢!!!!^^”
以下就係BD30換埋線之後既畫面CAP圖勒!
果晚真係攪到忘哂形, 攪到10:30, 我竟然唔記得原來我仲未食飯, 之後整左個公仔面拿拿聲食完仲要睇多套IRON MAN, 感受一下鐵甲奇俠既質感呢!!!^^”
**以下之文章絕非專業之評論文章, 只係筆者之個人感覺, 敬請大家留意**
如果你都想同其他版友文流影音資訊, 請到我地既[高清家庭影院與硬件討論區]
http://www.post76.com/discuss/forumdisplay.php?fid=5
