前言
係市場上，算得上有質素既ＢＬＵ－ＲＡＹ機唔係太多，１０隻手指數得哂，一般都係大廠大牌子，有勁多既銀彈攻勢為產品做宣傳，攪發佈會，但近呢年，係美國影音ＡＶＳ Ｆｏｒｕｍ傳來左一個新品牌 ＯＰＰＯ 呢個新既藍光機品牌，細聽之下，原來就係我地國內研發既產品。仲要得到ＡＶＳ Ｆｏｒｕｍ既版友一致推崇為質素非常之唔錯既ＢＬＵ－ＲＡＹ影碟機，本來小瑟對國產既牌子都會第一時間，立即地，帶上有色眼鏡，以獨特既角度去睇國產既產品。始終，係以前既一眾國產牌子上既影音器材，可能都比到好多不快經歷大家，所以一提到中國品牌既影音器材，大家都會先先以懷疑既眼光去睇先。
最起碼，小瑟就一定係呢種人，但係ＰＯＳＴ７６既討論區上，竟然聽過不小網友既討論中，竟然係好多數都係十分正面既評價，更加係好多唔同既小道消息上，得知ＯＰＰＯ呢個品牌既藍光機，竟然連外國某某發燒級牌子原來都係用佢既內部結構，簡單Ｄ講即係ＯＥＭ自ＯＰＰＯ既，就係因為好奇心之下，小瑟就 ＥＭＡＩＬ去ＯＰＰＯ既網站，表明身份，希望可以有機會一借ＯＰＰＯ名下既三部ＢＬＵ－ＲＡＹ ＰＬＡＹＥＲ，分別係ＯＰＰＯ ＢＤＰ－８３ＳＥ，ＯＰＰＯ ＢＤＰ－８３，ＯＰＰＯ ＢＤＰ－８０，而今次呢個小小試後感，就會先試 ＢＤＰ－８３ＳＥ先。而其他既機種，就會由我地特攻隊既成員，或者係版友們，逐一同大家報告一下勒！！！
內部簡介
小瑟係官方回覆中，先瞭解左呢三部唔同ＭＯＤＥＬ既ＢＬＵ－ＲＡＹ機既分別先，同大家解釋一下，佢既級數應該係咁順序落既ＯＰＰＯ ＢＤＰ－８３ＳＥ ＞ ＢＤＰ－８３ ＞ ＢＤＰ－８０。
ＢＤＰ－８３ＳＥ既ＢＬＵ－ＲＡＹ機係基於ＢＤＰ－８３既一個升級。ＢＤＰ－８３用既係全新既模擬音頻組件以進行升級，形成了此ＢＤＰ－８３ＳＥ呢個特別既版本。
而ＳＥ版絕對係為真正２ＣＨ音響發燒友度身訂做設計既，８３ＳＥ版本可以提供非常廣寬既動態範圍，超低失真，精確音場以及通過其專用的２ＣＨ立體聲及７.１聲道模擬音頻輸出無損失，無抖動音樂訊源。務求將一般人心目中，ＢＬＵ－ＲＡＹ ＰＬＡＹＥＲ只可以睇ＢＬＵ－ＲＡＹ呢個觀念改變。
係影像處理器上，ＢＤＰ８３ＳＥ係用上Ａｎｃｈｏｒ ｂａｙ ＡＢＴ２０１０第二代既影像處理器，佢除左可以大大優代ＢＬＵ－ＲＡＹ影像之外，仲可以將ＤＶＤ增線成１０８０Ｐ解像度，再加埋佢有精準既 Ｎｏｉｓｃ Ｒｅｄｕｃｔｉｏｎ既功能，真係未打得都睇得下先呀。而詳細既測試，小瑟會係之後再逐一同大家分享既。
另外ＳＥ最另人津津樂道既，當然就係佢份ＤＡＣ，８３ＳＥ採用左來自ＥＳＳ Ｔｅｃｈｎｏｌｏｇｙ既Ｓａｂｒｅ３２ ｆａｍｉｌｙ系列既ＤＡＣ。呢個Ｓａｂｒｅ３２ ｆａｍｉｌｙ係好多發燒級既音響器材上相信都好多人聽過，而呢份ＤＡＣ亦都係專業音響既領域上，得到十分之高既評價而出名既，而係７.１多聲道輸出上，係用上了８聲道 Ｓａｂｒｅ Ｐｒｅｍｉｅｒ（ＥＳ９００６）ＤＡＣ晶片。 而立體聲輸出採用左另一個８聲道Ｓｅｂｒｅ３２ Ｕｌｔｒａ（ＥＳ９０１６）ＤＡＣ 晶片，左右二個聲道就各自使用４個ＤＡＣ去做數碼同模擬既轉換處理，淨係聽都已經頭都大埋，洗唔洗用咁多ＣＨＩＰ呀，真係估佢唔到喎，小瑟都估唔到既係ＯＰＰＯ方面竟然係用上呢個晶片組既組合來將２ＣＨ二聲道既音頻效果，推到頂尖既境界。
功能介紹
現世代既藍光機，基本既都一定係 ＰＲＯＦＩＬＥ２.０ 架勒，對應 ＢＯＵＮＳＶＩＥＷ同埋ＢＤ－ＬＩＶＥ，內置１ＧＢ既ＲＡＭ去ＳＡＢＥ返ＢＤ－ＬＩＶＥ既內容，ＨＤＭＩ就１.３ ＶＥＲＳＩＯＮ既，對 Ｄｏｌｂｙ ＴｒｕｅＨＤ同埋ＤＴＳ－ＨＤ Ｍａｓｔｅｒ Ａｕｄｉｏ都係可以以ＨＤＭＩ ＢＩＴＳＴＲＥＡＭ入ＡＭＰ或者係由８３ＳＥ自己解碼輸出至你既其他影音組合，其他既功能就係基本果Ｄ １０８０／２４Ｐ，ＤＶＤ－ＶＩＤＥＯ／ＡＵＤＩＯ，ＳＡＣＤ，ＣＤ，就連我地中國先流行既ＶＣＤ佢都可以玩到，講多樣野比大家知，佢連ＶＣＤ都可以增線成為１０８０Ｐ輸出架，畫質仲真係幾唔錯，當然係以ＶＣＤ質素來講啦…ＸＤＤＤ 點解小瑟會知？？因為小瑟有囉部機來ＰＬＡＹ ＶＣＤ比小女睇卡通片丫麻～～哈哈ＸＤ
開箱
好勒，介紹左咁耐，不如就同大家一齊睇睇小瑟收到呢部小玩具時既開箱情況先。
個盒其實都幾簡單，一個紙盒入面有裝住左部８３ＳＥ，之後有個黑色既小盒子就裝住左Ｄ ＲＥＭＯＴＥ呀，電源線呀，紅白線果Ｄ，不過部機身就有個不織布既袋袋住部８３ＳＥ，都幾新鮮，小瑟都係第一次見呢個包裝方法，不過就方便左小瑟囉住部機返屋企玩！！哈哈～～～
開機真身
一返到屋企，二話不說，當然係先黎同部８３ＳＥ影返Ｄ寫真先，事關一入左櫃，就冇再咁好心機再慢慢影相比大家睇架勒。哈哈！！ (所有相片都可以CLICK圖放大的)
其實部機都算幾重手的，唔好睇佢簿簿地，佢都重成11磅架，小瑟囉返屋企時，咩住係膀頭上，行一段路，都有小小辛苦……:-P
後面既輸入端子，當然要比張全相大家睇啦～～
大家留意一下橙圈上既位置，ＳＥ貴就係貴在左呢個地方勒～～～^_^
前面當然會比返應有既獎章［ＳＰＥＣＩＡＬ ＥＤＩＴＩＯＮ］去獎勵一下付出左既朋友們啦～～ＸＤＤＤ
好，坐好好就預備開工勒，小瑟今次只係用上ＯＰＰＯ跟機送來既原裝電線，冇用到平時小瑟用開既電源線呢！！
睇完個機身，當然要睇下個ＲＥＭＯＴＥ先啦，平實既設計，簡單無花巧，囉上手唔會太重，普普通通一個ＲＥＭＯＴＥ。但唔好既就係膠感極重，小了一份高級機種的＂高貴＂感。
呢個ＲＥＭＯＴＥ有夜光功能，方便係全黑既環境下使用。
好勒，外觀就睇哂勒，等我囉出幾隻平時試開既ＢＬＵ－ＲＡＹ碟出黎先，不過因為時間既關係，最終今次測試到既電影只係 [美版Ｇ.Ｉ.ＪＯＥ]，[港版功夫熊貓]，同埋[港版鐵甲奇俠]。
開機選單
好，一開機既時間，會出現一個快速設定畫面，呢個設定會ＳＴＥＰ ＢＹ ＳＴＥＰ咁幫大家將８３ＳＥ既基本設定ＳＥＴ好，唔洗大家開完機再進入ＭＥＮＵ先慢慢搵，都算幾貼心既功能呀！！^.^
但小瑟當然唔會只做完一次簡單設定就開機啦，大家都知道，國產既影音器材，往往好多時都係衰係ＦＩＲＭＷＡＲＥ手上，究竟呢部官方定價ＨＫＤ＄７４８０既中國品牌ＯＰＰＯ藍光機，佢既ＦＩＲＭＷＡＲＥ會唔會做得比較國際化Ｄ呢？！？！
好，我地先入去ＳＥＴＵＰ ＭＥＮＵ玩玩，一入到去，首先字體大小適中，排位非常整齊，功能控制既排位都非常實際，左邊係ＭＡＩＮ ＭＥＮＵ，而第二層係ＳＵＢ ＭＥＮＵ，之後第三層就係功能選擇，好易睇，幾唔錯呀！！
大家可以睇到，係呢個ＰＬＡＹＢＡＣＫ ＳＥＴＵＰ內，可以設定既野都算係幾仔細既～～
而去到ＶＩＤＥＯ ＳＥＴＵＰ呢度，小瑟就最感興奮架勒，因為小瑟玩ＢＬＵ－ＲＡＹ機，都係睇下畫面上可以設定既野究竟可以有幾多，有幾深，係呢頁上，ＢＬＵ－ＲＡＹ可以選既野都有齊哂比我，而再落既仲有其他野可以ＳＥＴ既，詳情大家可以睇埋下面幾張圖，我就唔再逐一同大家介紹勒。(因為小瑟真係好心急想快Ｄ開機睇戲呢～ＸＤＤＤＤ)
呢個設置對畫面係有非常大既影響，相信我地既影音特攻隊既成員鐵心心兄同ＡＮＴＨＯＮＹ兄睇到呢個ＭＥＮＵ一定知道，呢部機可以玩既野真係非常之多既呢！！！
ＡＵＤＩＯ ＦＯＲＭＡＴ ＳＥＴＵＰ上，大家可以睇到連ＬＰＣＭ ＲＡＴＥ都可以選。我諗呢Ｄ功能應該都係中高階機先可以有得 ＳＥＴ的呢~~
如果你係唔想用ＢＩＴＳＴＲＥＡＭ輸出去ＡＭＰ而係想由８３ＳＥ作前級解碼既 ７.１輸出，你亦都可以係 ＳＰＥＡＫＥＲ ＣＯＮＦＩＧＵＲＡＴＩＯＮ內設定，小瑟一進入呢個 ＭＥＮＵ時， 真係唔知仲以為自己入左ＡＶ ＡＭＰ既ＭＥＮＵ呢~~~~@@”
值得一提既，就係係操作呢個 ＭＥＮＵ既過程入面，小瑟出出入入各ＳＵＢ ＭＥＮＵ，嘗試調校更改任何設定時，部機既反應都非常之精神，要佢入就入，出就出，絕對冇話轉一個ＳＥＴＴＩＮＧ又要等一陣，去果度又要等一陣，而操作介面又非常友善，基本上我整個過程都冇需要用對眼去望住個 ＲＥＭＯＴＥ去操作就可以選擇到我想要既野，老實講，佢呢下野真係比到小瑟一個唔錯既第一印象呢！！^^
埋牙實試
好難得終於可以快掃完一次整個ＳＥＴＵＰ ＭＥＮＵ，終於都可以入正提勒，首先以美版Ｇ.Ｉ.ＪＯＥ開始先，因為係早前既試聽會，對佢某些地方都有幾深刻既感受，所以希望可以係屋企，試試會唔會比到我另一番既體會先。
必試段落, 由男主角二人著起神奇戰衣開始。呢段畫面轉變超快，音效更加係氣勢迫人，如果套機既感染力唔夠，就會睇到有［悶］既感覺。
首先小瑟想試既係佢２４Ｐ既效果，小瑟既電視係Philips PFL9664H 42″ LCD TV，雖然睇ＳＰＥＣ都知道佢有好多畫面優化既功能，不過小瑟最後設置之後，反而有關既功能都關哂，冇用到，事關一開就冇哂電影感，係８３ＳＥ出黎既２４／ｐ畫面，畫面既流暢度都非常之好，效果滿意（呢點部ＰＨＩＬＩＰＳ當然係功不可抹啦ＸＤＤ）。
而畫汁方面，畫面既ＳＨＡＲＰ度非常之利，但又唔會利到起邊，細緻度令小瑟非常之滿意，而光暗位都岩岩好，光既位光得來唔會爆，暗既位都有返應有既ＤＥＴＡＩＬ，而最另小瑟驚訝既係，８３ＳＥ畫面比出黎果份立體感，層次感，人物同景物既景深，都真係十分之突出，當然，小瑟講係唔夠既，最好就係大家睇睇啦。
以下既所有畫汁圖片，都係小瑟影ＲＡＷ之後用ＣＡＮＯＮ ＤＤＰ直轉ＴＩＦＦ，再由ＰＳ ＲＥＳＩＺＥ做１２８０橫度的。（ＣＬＩＣＫ圖片可睇原圖）
睇呢個畫面時，銀色既金屬感，佢果身戰衣質感，真係比到小瑟好大感覺！！
當然睇人物既膚色更加係最重要既一環啦！！！ＸＤＤＤ
另外有一樣野又係值得一讚既，就係如果大家想係套戲播放途中，調校一Ｄ重要既聲畫功能，佢都可以即時處理，而佢既ＭＥＮＵ ＢＡＲ唔會太大阻左整個畫面，呢點係對影音發燒友來講，一個幾重要既功能呢！！
之後我地換上又係必試項目，功夫熊貓勒。試呢套，當然又係試大砲逃獄果段啦。
呢個畫面，試層次感就一流勒。
係整個逃獄既過程大家都知有幾爆得架勒，而８３ＳＥ出黎既定位非常準確，拳拳到肉既爆炸力，穩定性非常好，係咁覆習既音效上，都可以有條理地交代所以細節比人，算係交足功課既，呢點我諗如果係上次ＯＮＫＹＯ＋ＭＫ既試聽會上，大家都已經試過部８３ＳＥ既力量。
試得功夫熊貓，呢幕師徒搶包一定唔小得，小瑟好鍾意聽到呢段既＂胡＂，＂哈＂同中國樂器既音效聲，而最留意既就一定係佢對＂筷子＂係畫面上轉圈果野環繞聲啦，聽到５隻喇叭快速地轉個圈比我睇，真係好鬼死爽呀，果然８３ＳＥ係音效上都非常對辨，音樂既空間感同感染力都非常之好呀。^^!
最後就試埋［鐵甲奇俠］勒，一般人都鍾意試奇俠逃走果段，不過小瑟就比較喜歡以下奇俠比人打飛機呢段，因為當奇俠由地下扒上黎既時候，奇俠面部既金屬係最能反映顏色既同質感既。
雜訊處理
另外８３ＳＥ另一強項肯定係處理雜訊既能力，奇俠呢隻碟都算係比較前期既藍光碟，所以雜訊其實都幾勁既，尤其以下呢二段，小瑟好多時係試器材時都會以呢段來做測試，因為真係多ＮＯＩＳＣ到非常之慘不忍睹既，但係經８３ＳＥ既處理之下，雖然都依然有唔小雜訊存在，不過畫面睇落已經合理返好多，而難得既係，佢減小左ＮＯＩＳＣ之後，都依然可以ＫＥＥＰ到畫面既銳利，我諗呢點應該係歸功佢粒上Ａｎｃｈｏｒ ｂａｙ ＡＢＴ２０１０第二代既影像處理器勒。
試ＤＶＤ升頻
既然佢既ＣＨＩＰ咁勁，咁就不妨比多小小時間，睇下佢升頻ＤＶＤ做１０８０ｐ既效果係點先。
始終睇得多ＢＬＵ－ＲＡＹ，高清ＴＶＢ，依家睇ＤＶＤ真係好辛苦，不過雖然係咁講，不過以ＳＯＵＲＣＥ論畫來講，佢既升頻真係算係咁，起碼畫面都係實淨清潔，顏色豐富，係個銳利度差Ｄ．但ＤＶＤ始終係ＤＶＤ，以佢呢個升頻既表現來講，起碼一定跑嬴左上年揚言可以將ＤＶＤ轉成高清既 TOSHIBA XDE-500 DVD。
試２ＣＨ模擬輸出
而最後，小瑟囉住部ＳＥ，如果我唔試埋以ＲＣＡ聽ＣＤ既效果，我怕大家真係打爆個ＭＯＮ之後再搵黑客來入侵我部電腦呀，所以，小瑟專誠搵左電王康康師父既ＰＥ Ｌａｂ ＲＣＡ線來測試一下用ＳＥ來聽歌既表現．ＣＤ我就唔多架勒，不過人有我有我總會有一隻ＡＶ展入場既ＳＡＣＤ既，小瑟既機都係用來睇戲，不嬲都真係好小聽歌，事關都知用ＨＤＭＩ聽歌都唔會入流得去邊，所以呢隻ＣＤ其實都只係開左一次，聽左１／３首王菲就收埋係櫃底，好彩冇掉，如果唔係試都冇碟試呀。
因為想好好試試用部機出ＲＣＡ既分別，所以小瑟決定先以ＨＤＭＩ試聽一次（其實都聽唔哂。。。大家明架啦！！ＸＤＤ），之後再轉去ＲＣＡ聽多一次，好，入碟，ＰＬＡＹ歌，，好快，成羌首歌就聽完，老實講，小瑟屋企既器材真係唔係聽歌閎材料，冇感情，人聲好硬，好死，音樂冇空氣感．．．．．．算了．．．．．唔好再講，好，拿拿林轉去ＲＣＡ果邊再聽多一次，音樂慢慢響起，開頭都係一般，冇咩大感覺，到王菲開始唱 」有一個人曾讓我知道．．．」 佢既人聲真係唔同哂，厚返，暖左，王菲個人都企返定係小瑟面前好多，而音樂既空間感都明顯比之前有層次左，估唔到，連小瑟套硬橋硬馬既ＢＬＵＥ－ＳＫＹ喇叭都可以出到呢Ｄ有音樂感既音樂，不過雖然小瑟話好左好多，不過小瑟知道始終同音響發燒中既＂好＂係有好一大段距離的，因為始終小瑟不嬲都係玩ＡＶ為主，但係以小瑟現在既器材可以出到如此既音樂，已經好足夠了！！！
靚仔電源
其實部機既影音效果可以咁出眾，佢內部既電源系統應該都唔會太差，小瑟試完哂之後，就忍唔住拆開部機睇下內部結構，果然內部結構整齊有序，份電板上仲有二粒靚靚電容，唔怪之得８３ＳＥ可以有咁穩定既畫面同音效出到大家呢！！！
大家留意勒，比多２千幾蚊就係為左呢個ＳＰＥＣＩＡＬ ＥＤＩＴＩＯＮ既ＲＣＡ輸出端子呢！！！
後話
其實係插好電，正式開場唔洗５分鐘之後，小瑟已經知今次＂奶＂野了，因為試過呢部機之後，已經返唔到轉頭了，呢部機畫汁，音汁都比到我想要既野，連ＬＯＡＤ碟速度之快，操作之暢順，如果冇睇清楚究竟係玩緊咩機，唔知真係以為係入左隻ＤＶＤ碟入去，ＬＯＡＤ到快到。。。呢部機唔止ＬＯＡＤ碟快，ＬＯＡＤ ＭＥＮＵ，都比到我返返去以為ＤＶＤ ＰＬＡＹＥＲ時代既感覺，估唔到，一部有樣有料既藍光碟機，竟然係由我地中國研發同製做。
一齊試玩
好勒，淨係得小瑟有得玩邊度夠過引架，小瑟反正都已經問左ＯＰＰＯ中國借左部機返來玩，我會同佢地申請將部機借比我地既會員們返屋企慢慢試，不過當然要等佢地批准同埋唔可以話指下個鼻就有得玩啦，一定要有小小要求同規則既．不過暫時我會同 ＷＩＬ再研究一下Ｄ細則先，好快，就可以有玩法同規則比大家，如果對呢部ＯＰＰＯ ＢＤＰ－８３ＳＥ有興趣既朋友，記得每日都留意我地既網站公告同埋活動發佈呀！！！
