小瑟一路都聽聞PIONEER既AMP係市場上分析力係一流既, 今次得知PIONEER會新出支援 3D既最新入門級既一系列既擴音機, 包括 VSX-520-K , VSX-820-K , VSX-920-K , VSX-1020-K , 小瑟當然就希望可以係屋企一試PIONEER既真正威力, 所以, 今次大膽向PIONEER方面提出借機既要求, 竟然廠方一口答應, 仲一次過連同最新出既藍光機 BDP-LX53一同送到小瑟屋企, 真係受寵若驚, 不過驚還驚, 可以免費一試 PIONEER既新機, 的確係一個難得既機會, 因為…….小瑟都開始有小小身痕, 想換下野呢~~~~哈哈!!!^^
先介紹一下, 呢部VSX-1020-K既一D官方功能資料先.
VSX-1020-K
支援新世代影音格式
- DTS-HD Master Audio / DTS-HD High Resolution Audio / Dolby TrueHD解碼
- HDMI對應3D功能
出色功能
- 相位控制功能(Phase Control)有效改善低音遲滯而大幅提高多聲道音質
- 具有9頻段等化的進階MCACC (多聲道自動音埸補正系統) 設定 (附收音麥克風)
- PQLS (2ch) 精準石英鎖定系統會透過 HDMI 端子，傳送幾乎全無抖動的2聲道音樂資料，提供可能的最佳音質
- Digital Video Converter 可將Composite和Component類比訊號轉換為HDMI輸出
- Auto Level Control (Multi) 能將播放中的多聲道音樂聲量維持於一定水平
- Advanced Sound Retriever (Multi) 功能優化壓縮多聲道音樂 (WMA、MP3、MPEG-4 AAC) 重現CD音韻
- Sound Retriever Air 能有效提升經由Bluetooth 傳送的壓縮音樂 (需另外購買AS-BT100)
- Standing Wave Control 有效中和於低頻率中不穩定的高峰點，締造更完美的音質
- Digital Noise Reduction有效減少多種雜訊, 提升播放質素
- 抖動減少 (Jitter Reduction) 能提供最高質素的聲音訊號傳送
- 前置式音場環繞技術 (Front Stage Surround Advance)令單純由前方揚聲器和重低音喇叭提供環繞音效
- Virtual Height / Surround Back模式能模擬前高置 / 環繞後置揚聲器，製造迫真效果
- Zone 2 支援
- 支援iPod (第5代iPod nano或之後型號) 及iPhone，可透過USB直接傳送，附送的專用連接線更可支援iPod及iPhone的影像播放
- iControlAV可以 iPhone/iPod Touch透過網絡控制VSX-1020的基本功能 (需連接無線路由器)
- 直接能量功率擴音機
其他功能
- 最大功率 (6 ohms)：150W x 7聲道
- Freescale 的數位核心引擎
- 192kHz / 24-bit 聲音 D/A轉換器
- DTS-HD Master Audio / DTS-HD High Resolution / DTS / DTS-Express / DTS-ES / DTS 96/24 / DTS Neo:6 / Dolby TrueHD / Dolby Digital Plus / Dolby Digital / Dolby Digital EX / Dolby Pro Logic II / Dolby Pro Logic IIx / Dolby Pro Logic IIz解碼
- WMA9 Pro / Neural Surround 解碼
- HDMI 支援1080p訊號傳送, 提供更優質影像質素
- 模擬至HDMI (最高達1080p) 及HDMI至HDMI升頻功能
- 對嘴同步 (Lip Sync) (10 frames) 可有效調節於傳送中的視訊與音訊達至同步
- Stream Direct 模式重現無壓縮數碼音效
- HDMI Repeater 6組輸入 / 1組輸出 (其中1組HDMI輸入於前置面板)，支援x.v.Color及Deep Color，提供更優質精細影像質素
- 支援Bluetooth (需另外購買AS-BT100)
- Internet Radio功能
- AM / FM 調諧
- 420 x 158 x 379mm / 10.2kg
- 建議零售價 HK$6,690
^^好勒, 基本資料就睇完, 比D真機既寫真照大家睇下先~~~~
今次呢部機, 除左大 SELL 依家好興既支援 3D功能之外, 仲大力咁係各宣傳海報上, 力谷支援 IPHONE/IPOD既 REMOTE, 小瑟本身就冇 IPHONE既, 不過都問朋友借來玩左一陣, 而係機面上都有提供 USB插頭同IPHONE/IPOD用既插頭, 方便大家將你既 IPHONE或 IPOD係機面直接插入聽歌既~~
當然呢個位除左照顧 IPHONE之外, 仲會有個HDMI同用來作音場自動調校既 MCACC SETUP MIC插頭啦!!
依家就算係邊個級AV AMP, 都一定會支持 WINDOWS MEDIA PLAYER方便大家以網絡來播放音樂呢~
…….老實講, 黑色機真係好型仔, 不過就影起相來真係有D煩……因為反哂光呀~~~XDDD
雖然1020-K只係入門機種, 不過就咁睇佢既機後既插位都非常充足, 排位亦都什有中階機既感覺, 現時好多品牌既入門級既機背, 都設計得十分簡陋, 呢部VSX-1020-K都算係交足功課, 見得下人呢.
就以 HDMI來講, 佢都有成 5入1出既HDMI比大家用, 係一個基本既家庭影院內, 我相信都夠哂用呢~~
而內部結構方面, 一開, 小瑟就見到一大片散熱片為 1020既機身作散熱, 而右邊就有一個大火牛, 而最重要既, 當然就係我地眼前呢塊佈滿解碼晶片既電路版啦~~
而呢個大大件既供電變壓器, 就擺到明係PIONEER自家出品, 雖然未有高 P記最耍家既 IEC POWER, 不過就以重量來講, 呢隻牛都算係份量十足呢~~~
呢粒野唔洗小瑟講, 大家都知係咩來啦~~~~ 解碼部份就係由佢地來負責既呢~~~~
而呢粒就係負責處理 HDMI既SILICON IMAGE SIL9233A, 負責對應 3D畫面既處理責任, 就係係佢身上架勒~~~~
平時睇好多AMP內部, 都好小會係機內仲見到HDMI插頭既, 係呢部1020K上, 好攪笑地, 你會見到有一條HDMI線會由機面前既 HDMI入口直接帶個信號插入機內既線路板中, 呢個設計你都咪話唔得意, 不過另一邊咁睇, 就可以預計得到, 係前面既HDMI插入既信號, 會比由後面入既信號, 質素始終係效輸蝕呢~~~~
而 HDMI方面, 就有5入1出, 而有一個仲要係專登 FOR藍光機用既!!
REMOTE方面, VSX-1020-K既REMOTE只有螢光功能既, 電子夜光功就冇勒, 係全黑既環境下, 要控制部AV AMP, 以初用者來講, 都有一定既難度, 相信要玩多一排, 熟習左先可以控制得比較得心應手.
而REMOTE既大小, 同MAGIC TV STB既REMOTE相對 SLIM返DD.
好勒, 睇完郭AV AMP勒, 係時間著埋件老西, 整返套 P仔最時款既西裝一套比大定睇下勒~~~~WOW!!!
好, 介紹完部AMP, 就同大家介紹一下部LX53, 大家都知道, PIONEER既藍光機畫質一向都唔成問題既, 問題只係佢既起動時間, 今次 P記就應左大家既要求, 係新機上加入左一個 “快速啟動功能(約0.8秒)”, 當 ENABLED之後, LX53就能大大縮短由STANDBY MODE至部機正式啟動既時間, 真正做到 LOAD碟快, 畫汁掂呢二大原素勒~
BDP-LX53
出色功能
- 支援DTS- HD Master Audio, DTS-HD High Resolution Audio, Dolby True HD, Dolby Digital Plus
- PQLS (Multi Ch, Bitstream) 精準石英鎖定系統會透過 HDMI 端子，傳送幾乎全無抖動的多聲道音樂資料，包括以LPCM / Bitstream 形式，提供可能的最佳音質
- 快速啟動功能 (約0.8秒) 大大縮短播放機從待機模式到正式啟動的時間
- Wireless Lan Ready (需另外選購 AS-WL100 接收器)
- 支援 YouTube 瀏覽
- USB 直接讀取 MP3 / JPEG
- Pioneer 推出的iControlAV以 iPhone透過網絡控制 BDP-LX53 的基本功能 (需連接無線路由器)
- Armored Chassis Concept利用多層底盤及光盤穩定架強化機身令音色更得以改進
- 1,920×1,080p HDMI 高清解像輸出，更支援24fps 直接輸出 (只限BD)
- DVD升頻功能
- HDMI 支援Bitstream輸出
- 多種格式播放： Blu-ray disc (BD-ROM, BD-R / RE) , DVD Video (DVD-R / -R DL / -RW) , DVD VR (DVD-R / -R DL / -RW) , CD (CD-DA, CD-R, CD-RW), AVCHD (只限DVD-R / -R DL / -RW ), MP3, JPEG支援
- 支援36bit Deep Color 及x.v.Color
- 148.5MHz / 12-bit視訊 D/A 轉換器
- 遙控器上設有跳讀搜尋 (30秒) / 重播 (10秒) 功能鍵
- 支援BD Live™ (profile 2.0)
- 連線狀態時可獲得BDP-LX53最新韌體資訊
- 420 x 72.5 x 228mm 3.3kg
- 建議零售價: HK$3,190
BDP-LX53既機身其實真係非常簡單, 就幾個必要既制同二粒指示燈, 大既, P記既FANS就係喜歡佢呢種神秘中的型呢~~~
機背有齊必須要既輸入端子, HDMI, LAN, USB, 色差, 光纖同RCA, 而大家都好關心既電源方面, 都係設計成可換式IEC插座, 咁大家就唔洗頭痕冇補品比部53玩啦~~~
入去內部睇睇先, 中置藍光碟盤, 右邊就係整個藍光機既電源部份.
IPHONE –
知道呢二部機都可以用IPHONE來控制, 小瑟專登叫朋友裝左個APPS來諗住試試, 不過因為時間關係, 小瑟未有時間去真正試真呢個APPS可以 SET既野有幾多, 只係叫係咁椅玩過下呢個 APPS咁……始終小瑟心急想試既, 都唔係IPHONE可以比到咩小瑟呢~~~~呵呵!!!!
好, 先用返跟機既MIC, 來一次自動 SETUP先, 之後就再進入1020-K既MENU, 逐一調校返每合聲道既音壓勒.
試阿凡達 –
好心急, 拿拿聲校好哂6隻喇叭之後, 就搵左隻2010年試機必選既阿凡達BLU-RAY來試試先, 而音效方面, 當然就係用最高規格既DTS-HDMA來收聽啦~~~
選去阿凡達第一次執行任務時, 比怪物追殺既一段, 先講畫面先, 唔知係咪因為個片源係3D既關係, 雖然只係2D既輸出, 不過畫面既立體感真係非常之咁強勁, 尤其以畫面中, 地下第一行既草咁, 直頭就好似係係畫面中”突” 左出黎咁, 而整個畫面亦都非常之光亮清晰, SHARP度非常之好又唔會界眼, 畫面既逼真程度直頭好似真實既一樣, PIONEER既BLU-RAY機小瑟一向都係知係勁架勒, 冇諗到係自己屋企試竟然個效果會有咁深刻, 唔怪之得, PIONEER係DVD年代到依家BLU-RAY年代, 都仲係一眾AV友買機既首選啦~~
之後一輪追逐, 係樹林之間既穿插, 正好就試出 VSX1020-K係音效上既功力, 當主角比猛獸狂追既時候, 小瑟屋企整個環境就好似深入左樹林之中咁, 每一下葉聲, 每一個位置既爆樹, 真係逐個位逐個位咁數到出黎, 而就當主角跳左落去瀑布之後, 小瑟就好似真係一同跳左入水咁, 整個音場既包圍感,係水底入面既水聲, 定位, 都比到小瑟前所未有既感覺, 原來, 我屋企既喇叭都可以有咁仔細既分析, 而值得一提既, 係呢部合併AMP既力水, 雖然佢唔係果種大大力好搵食既類型, 不過你可以聽得出, 佢係可以有足夠既力量去控制好佢要交比大家既聲音, 細緻得黎唔會亂哂龍, 呢點真係有點意想不到, 而小瑟個人認為, PIONEER既AMP最好就係配以低音比較足既喇叭組合, 相信出黎既效果會另人相當滿意.
試BATMAN黑夜之神 –
試完最新既阿凡達, 當然就要試下小瑟最愛, BATMAN黑夜之神啦, 呢隻碟一開始既時候, 好多試機位既, 用來試畫面同音效就最好不過架勒.
首先係一開場, 爆玻璃果下, 1020-K出黎既效果又係果樣野, 細緻, DETAIL位出哂黎, 之前留意唔到既玻璃粒既尾音, 係1020-K上好似放大哂咁, 好清楚. 而畫面上, LX53既光源位係另到小瑟最深刻既, 日光照出黎既效果十分自然, 光位唔會爆到冇哂 DETAIL, 而以下呢個畫面既衣服光紋, 係日光照射之下, 勁有質感, 睇得眼睛非常舒服.
而對白由中置出黎既效果都非常清晰, 唔會話有一舊舊既含糊感, 只係音壓比較偏低, 需要加多1-2個db去另對白人聲更加突出.
唯一有個地方小瑟覺得唔係咁好既, 就係當一眾小醜進入左銀行之後, 咪即時開槍既, 呢下槍聲就真係太尖太針耳仔了, 不過 PIONEER既機就係咁, 要DETAIL就會多左野, 呢點就要睇下大家喜歡邊種取向勒~~~^^
試演唱會 –
好勒, 試完睇戲, 就試埋聽演唱會啦, 小瑟呢排都係睇呢個LIVE多, 所以就放出黎一家人當埋聽歌咁就最好勒, 最衰呢套西裝既PQLS 只有 2ch, 而小瑟睇呢個LIVE就以5.1 LPCM去聽, 所以都冇機會可以試到呢個 PQLS既功能, 如果 PIONEER方面可以將PQLS 5CH呢個功能下放, 咁就真係VERY GOOD勒~~~XDD
PIONEER既機聽歌原來都唔差架喎, 整個LIVE既氣氛都營造得好好, 音場好廣闊而唔會飄, 人聲結實有力, 加埋小瑟既12″ SUB仔聽第12首既 “信者得愛”, 真係好似落左D咁呀~~XDDDDD
後話 –
小瑟今次係第一次咁樣問代理來借機返屋企玩, 老實講, 試完之後真係有非常之大既衝動想轉會玩, 部LX53係呢個價位, 已經可以話係交足功課不, 冇咩可以投訴架勒, 而部VSX-1020-K既功能同效果亦都算係超出性價比之作, 唯一係有點失望既就係部 AMP冇 PRE-OUT, 唔可以再進一步同後級作合體, 呢點真係美中不足呢.
而小瑟今次試到既, 只係現時一般家庭影院可以試到既野, 好似話 3D呀, IPHONE控制呀, 小瑟都未有相應既器材去測試, 如果大家有興趣係一D新技術上既測試既話, 可以去搵返 AV雙周第137期既3D HD擴音機全面試, 應該可以滿足到大家既.
76會員活動 –
為左進一步另76既會員們唔需要只係”睇”小瑟既測試感受, 我地係7月17日即係黎緊既星期六下午, 就向PIONEER方面申請左開辨二場既 “Pioneer 高清靚聲入門套裝全接觸體驗會” 比大家, 務求可以盡量另到各位既版友除左可以有REPORT睇之餘, 仲可以有機會親身感受一下呢.
http://www.post76.com/discuss/viewthread.php?tid=42241&fromuid=4
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| 建議零售價: HK$6,690 |
