早幾日, 裝好部團購返來的 XPA-5, 執好哂D野, 諗起依家D HDMI唔統一, 硬係個心唔知點咁, 所以把心一橫, 上未來網買左二條小瑟一直最心儀既品牌QED HDMI線, 選左 REFERENCE系列, 係昨日, 終於都有時間可以將所有線材來個大返身勒, 本來依家小瑟用緊既 HDMI線有 AQ-X(AV AMP -> TV), Pailc HDMI(BDP -> AV AMP), BJC (DVD PLAYER -> AV AMP)呢三款線既, 而家來個大返新, 將 BDP -> AV AMP 同 AV AMP -> TV 的線都全部轉哂 QED New Refence, 圓左小瑟統一藍光系統之夢.
好, 先同大家黎一個開箱照先!!! 小瑟分別買左2條 2m既型號, 估唔到未來網竟然連個盒都寄埋黎~~~
個盒係可以向下搵開既!!!
之後個透明膠盒就反而向上拉出的…..好似玩積木咁……大佬, 心急死人咩~~~~
好, 終於抽左條線出黎, 名牌即係名牌, 成條線包到好似藝術品咁, 連綁線既都用上有品牌LOGO既神奇帖, 都咪話唔靚仔^^!!
線身都幾硬, 不過就唔係 BJC果隻咁粗而硬既線質, 而係線身膠質就係同 QED 隻 SUB仔線同出一轍的.
(留意, 此線係 HDMI V1.3)
我地黎近鏡睇埋個HDMI頭先, 唔知點解, 小瑟成日都覺得呢個HDMI頭既設計, 勁有超人特攻隊既感覺…..唔識講, 總之就好型啦~~~XDDDD
好勒, 攪完一大炸野之後, 又拉又抽, 又插又蚊, 最後終於都換好哂D線勒, 左邊第一條係 HDMI OUT去 TV的, 而第二條就係 BDP 去 AMP的, 第三線就係小瑟方便自己同場測試青蛇的~~~呵呵!!!!
而小瑟習慣上, 換上任何既線材, 都會用音壓計再將所有喇叭從新調校一次既, 務求將測試既效果同標準都可以相同!!!
好勒, 校好哂野之後, 就同大家介紹一下小瑟依家屋企既所有影音拍檔先~~~~
首先出場既係 ONKYO 705 AV AMP同 Emotiva XPA-5後級.
之後就係 TOSHIBA XDE-500 同 OPPO BDP-83SE勒
而SUB仔方面, 就用上 威力登 IMPACT 12″ (QED SUB仔線)
暫時來講, 小瑟家中既全家福就係咁既樣架勒~~~
好勒, 正式開場測試勒, 首先 AQ-X 同 BJC 我係冇時間測試到既, 所以今次既測試對象只係 QED 同 青蛇架姐~~~ 而軟件方面, 小瑟心目中, 鄭秀文既第一隻藍光演唱會既畫質同 PCM 聲軌, 係小瑟入手咁多隻碟中, 算最平均既一隻, 所以一開場就用佢來試試先啦~~~~
畫質上, 青蛇 同QED 可以講係話不相百仲, 可能小瑟既電視只有 42″既關係, 所以無論顏色, 銳利度, 對比, 立體感, 都唔覺有太大既變化, 唯一隻可以講係 QED 係大光燈白色既位置上, 冇青蛇來得咁爆, 咁刺眼, 睇得會比較舒服.
音質上, 呢個分別就比較大勒, 係連場快歌同炸得勁大聲既情況下, 青蛇都比 QED 來得虛弱, 結像力又比 QED 差一點點, 簡單D講就比較炒耳, 而 QED 係控制音樂既環境下, 會來得比較自然同從容, 呢點其實係好多有 “銀” 成份既線材上, 都係好難得到平均既, 難得 QED 呢條比到我唔錯既效果.
聽完演唱會之後, 小瑟就囉左隻中國版 DTS-HDMA既示範碟出黎試試, 用上換命快遞3既車房一幕, 呢次畫面就可以分到分別勒, 用上青蛇既畫面比較多 NOISE, 可能係太 SHARP 既關係, 所以會有此現象, 問題尤其係呢幕 “默屎”女主角既畫面上, 尤其明顯, 而其他方面, 就同 QED既分別唔太大.
而值得一提既係, 用左 QED 睇戲, 包圍感同音場都固定得實在得多, 尤以超低音既深潛力, 呢條線絕對係直接咁將 青蛇 KO 下去, 係換命快遞一開波時, 低頻一出, 之前未試過既震沙發情況, 竟然第一次係屋企出現, 仲要係來得自然, 溶入同舒服, 雖然都幾後悔咁遲先入手呢條 QED NEW REFERENCE, 不過如果早入, 又唔係呢個幾百蚊可以埋到單既價錢呢!!!!^.^
好勒, 唔覺唔覺, 都試左成個鐘勒, 小瑟要正式好好享受一下新線勒, 早在星期五入手既 ‘唐山大地震’ 終於都可以正正經經咁坐家家睇戲呢!!!!
http://www.post76.com/discuss/viewthread.php?tid=48809&extra=page%3D1
