小瑟年少時，絕對講唔上係 Beyond 既忠實 FANS，因為小瑟對任何歌手，樂隊，都唔係果隻 ~ 鍾意到癲，最多都係買碟，係咁聽佢地既歌，買演唱會，睇 LIVE 係咁大把，所以話小瑟係 Beyond 既超級 FANS ，小瑟絕對唔係，而家駒走左之後，再去左睇 Beyond 三子既 Live 一次之後，基本上都唔太多留意，而三子分開發展之後，就更加小留意 …………
多得祺哥，呢幾年不停係 76 上報導有關佢地各人既新聞，資訊，先可以另小瑟有呢方面既新知，而 2011 年，大家都知道 TVB 的一部電視劇，＂天與地＂更加另到三子中的 阿 Paul 黃貫中，紅爆香港樂壇，當街上任何３歲以上既小朋友都識唱＂如果。。。命運能選擇之際＂大家又有冇留意到，其實 阿 Paul 早在 2011 年 11 月已經出了佢既新專輯呢？而就在農曆年前的一個星期，小瑟更加由 HMV 購入呢隻限量發行的 HQCD 版本，說真的，小瑟真係好耐好耐冇用咁多錢去買一隻唱片了…….. 不過開封及收聽後，絕對值得收藏呢。
《A 小調協奏曲》專輯曲目:
01. AM900
02. 愛又怎麼樣
03. 這是我姿勢
04. In The Name Of Rock
05. Can t Bring Me Down
06. 目空一切
07. 一念之間
08. Don’t Wake Me Up
09. 我明白 我不明白
10. 就地正法
11. 這個荒唐無聊盲目的世界
12. 一路好走
13. 顛倒
14. Hidden Track – 自己慢慢發掘吧!! (呢首絕對主打^.^)
開盒包膠
拆掉膠套之後，一個好簡單但又高貴既封面，而設計亦都幾有心思，知道咁樣包裝真係好難囉碟，所以整左個開口位比大家易於囉碟出來，呢 D 小心思，好多碟都唔會有，好多碟都係話之你囉到個套爛哂啦架麻。
什麼是 HQCD?
小瑟都係第一次買 HQCD，咁究竟 HQCD 又係咩一回事呢?? 上網搵左 D 資料，技術詳情如下～
HQCD (Hi Quality CD) 是一種重播效果上類近無極限音源母帶的音樂光碟, 比普通 CD 採用了質量更高, 活用於液晶體屏幕的Polycarbonate作為光碟基本製作材料, 並選用了持久性, 耐熱性及耐光性更強的特殊合金材料, 取替了原用的Aluminium作為光碟的反射膜物質。配合這兩個新材料互相發揮效果之下,音色更為纖細, 解像度, 透明感及臨場感均明顯提高, 閣下均可在現有任可音響器材或汽車音響也體驗到 HQCD 高音質的效果。
原來 HQCD 係 CD 既物料上新的技術，我諗如果大家有玩開 CD 的都知道，有 D 補品放左係隻 CD 上再入唱盤，會另到重播出來既聲音更暖同更軸感情，所以係 CD 物料上做野，對音質係有一定的幫助的，當然，小瑟手上只有呢隻 HQCD 既版本係手，冇得用著通 CD 比較，所以唔可以作出A/B比較，但係聽呢隻碟既時間，的確係獨多流行曲上，係小有聽得另人有舒服同想追聽既感覺，呢隻碟可以做到了。
小瑟心水歌曲
第一首的曲目 AM900 係熟音樂，非常之有我地香港 ROCK & ROLL 風格既味道，尤其係 BEYOND 早年地下時的的風格，但層次明顯已經提升左，曲風同編曲安排更見成熟，中間加插一段口風琴，另小瑟聽到毛管直棟。
之後既廣東歌方面，02. 愛又怎麼樣，03. 這是我姿勢，04. In The Name Of Rock，05. Can t Bring Me Down，連續都係小瑟至愛，尤以 In The Name Of Rock 同 Can t Bring Me Down 呢二首直接頭 2012 年爆機首遺，In The Name Of Rock 既音樂走向非常重神秘口感，而阿Paul既演繹亦做到一份神秘感，到副歌部份直頭好似同大家講＂黎啦，un 勒喂＂一樣。而 Can t Bring Me Down 就係一首非常易於上口同歌詞到肉之作，尤其以最後的＂我這個瘋子，我怨我瘋得遲＂絕對向世人大聲宣佈：＂你話我係癲既 OK 冇問題，不過我可以話比你知，我好後悔我咁遲先放開懷抱咁癲比你地睇囉。＂譁 …………….. 真係容小瑟係度學功夫熊貓既亞寶講，＂喂，真係掂s 呀 !!!＂XDDDDD
最後就係第 14 首見唔到既 Hidden Track，呢首如果你係 BEYOND 既 FANS，你點都要聽下……. 絕對另人不勝希虛。
其實呢二年聽到咁多歌手同唱片公司開始轉營，用心做唱片，真係非常非常之開心，現今香港主流樂壇都開始瞭解到錄碟水準及唱片質素就係令聽眾買唱片既主要原因，我地依家先可以有一 D 相對有質素既唱片可以聽到，而唔係再需要好似以前咁，只係聽一 D 發哂燒既碟，但歌路同曲風唔岩我地一眾只係鍾意聽流行曲既 HIFI 友，依家雖然未係最好，不過呢個走勢，唔難睇到將來唔小既音樂人都會知道做音樂除了音樂本身之外，製作既水準，高真既還原度亦都係非常之重要的。
2012 年 2 月 9 日的約會 ~ Paul x Post76
黎緊既2月9日星期四，我地就可以同阿 Paul 本人來個面對面的真實接觸，真係超興奮，勁緊張呀，今次係我地【Post76 影音玩樂網站】竟然有幸邀請到呢位香港殿堂級搖滾領袖現身，而且佢亦係首次出席發燒影音網既公開活動。而當晚，亦會係我地咁多次既活動中，歌手係會場同我地版友們見面同傾計時間最長既一次，相信除左我地 76 版主之外，大家都可以盡情同佢來個對話，相信呢個機會，就連佢既歌迷聚會都未必可以有咁長時間同佢慢慢傾音樂經，呢個咁難得既機會，唔知將來仲會唔會有，同埋今次因為地點關係，我地只會開放一場共最多５０人參與，絕不加場及加位，如果你都係同小瑟，祺哥，阿Paul一樣，＂我地都係結他湊大＂聽 Beyond 歌曲成長既 76 人，來吧，快快來報名吧。(可能依家已經爆了都唔定呢 !!! ^_^)
.
.
Post76《A 小調協奏曲》黃貫中 HQCD 專輯分享會（參加報名詳情）
http://www.post76.com/discuss/viewthread.php?tid=103385
如果你都想同大家討論一下呢隻 HQCD 既，請進入我地 CD 音樂討論區啦
http://www.post76.com/discuss/viewthread.php?tid=103507
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
http://www.facebook.com/post76
https://plus.google.com/u/0/118072674924924911355
