之後都同大家分享過入手 SC5509 既喜歡同感覺, 呢排除左睇戲之外, 聽歌既次數都密左好多, 因為依家D新既AV AMP, 大多數都已經支援 DLNA 呢個網絡串流既傳送模式, 只要你家中既AV AMP都有 DLNA 呢個功能, 你就可以將佢連接上你家中既網絡中, 在同一個網絡環境中, 再加埋一個有DLNA 既NAS系統, 就可以做到 “無腦播放” 音樂呢個功能, 一個簡單而又方便既 CAS 模式, 就咁簡單就可以完成架勒~
依家唔止高階機有呢D 功能, 就連低階入門都會有DLNA, 就好似ONKYO新出的 616都有, 所以話, 玩CAS點可能唔係大勢呢????
開始設定NAS
好勒, 今次小瑟就由 SYNONLOGY 既DS209作示範, 因為小瑟家中就係用呢隻NAS的.
我當大家都已經設定好基本既 NAS 設定, 個NAS已經可以係NETWORK上進入到, 又可以進入ADMIN 管理界面先.
一切都做好哂之後, 我地就可以開始設定 NAS 需要用到既軟件先勒!!!
進入 “套件中心”.
搵“媒體伺服器”, 之後再 “安裝” 同 “啟用” 佢. 啟用之後, 你的 NAS 就可以成為 DLNA 的SERVER架勒!!!
做好之後, 就檢查一下你的 NAS 系統內, 會自動產生左三個新的 FOLDER, 分別係 MUSIC, VIDEO, PHOTO, 大家只要將你想係 SC-5509 中播放既音樂 FILE 放入去就可以. 基本上, WAV, AIFF, FLAC, MP3, 都可以食到哂冇問題的(24/192K就試過食唔到).
設定SC-5509
好勒, 之後就到部AMP勒, 首先既先決條件, 你部AMP一定要插左LAN線, 囉到IP, 成為你家中網絡既一份子先!!!
我地先入MENU內找 “HARDWARE SETUP”.
再進入“NETWORK”.
正常如果你既寬頻ROUTER係有自動IP派送既, 基本上入到去你就會見到已經有一組IP地址比左部AMP架勒. (IP地址唔係一定係呢個 192.168.0.100 的, 大家既環境可能會同小瑟有唔同, 不過大多數頭二組都會係 192.168 開始先的.)
IP 已經就緒, 即係你部AMP已經可以連接網路, 同你家中既 NAS 互通到啦, 咁就可以離開 MENU 設定界面, 再用REMOTE 按 “NET” 既選項勒!!!
之後, 大家應該就會係你既TV上, 見到以下既畫面, 之後大家就可以選 DLNA 既圖示, 再按 “OK” 勒!!!
入到去, 如果你既設定係成功既, 恭喜你, 你已經可以見到你既 NAS SERVER既名稱架勒.
之後再進入去就可以見到三個FOLDER, 一個MUSIS, 一個PHOTO, 另一個係VIDEO, 而今次我地係聽歌, 所以就進入MUSIC啦. 再逐步進入去, 找你想聽的歌, 就已經可以聽到你NAS中的歌曲架勒~~~
但暫時來講, 5509仲有D中文名係顯示唔到出來的!!!!
CAS 搖控APPS
好勒, 大家都會覺得, 聽歌點可能開住個TV來聽架, 咁會影響哂成個音質同氣氛呢……….
對, 所以其實如果大家手上有IPAD, IPHONE, ANDRIOD 手機的話, 咁就簡單了, 下載ONKYO自家推出的APPS 來控制你部AMP吧, 咁就可以係一個唔洗開TV既情況下都可以選到歌, 又可作一些簡單的設定, 好似小細聲呀, 轉歌呀, 情況就變左你可以用手上既智能手機去控制埋你既CAS系統, 都咪話唔正呀.
不過小瑟就覺得ONKYO自家既REMOTE APPS做得唔係幾好, 一來佢又未有IPAD 版本, 係手機上畫面唔靚同埋大細聲調校唔夠精準, 所以如果係 ONKYO 用家, 有一些會買一個付費的ONKYO REMOTE APPS來取代自家APPS的, 這個就是下面黑色ICON的OREMOTE, 這個對應IPAD版本有更好既表現, 而所有的設定都比較仔細好用. 當然, 比左錢既服務當然唔一定呢!!!!XDDDDDD
聽感分享
好勒, 講完設定之後, 就比小小聽感勒, 經由這樣簡單的方案NAS -> LAN -> SC-5509 -> XPA-5 -> XQ10 來實現呢個 CAS 既玩法, 雖然係好簡單, 好易用, 不過其音質就始終同真正 HIFI CAS 出來的有一段距離, 聲音既背景係相對冇咁寧靜同乾淨的, 就算之前用既 RCA 去後級又好, 轉埋用 XLR 去 XPA-5 後級都好, 始終聽歌既質素同我用NAS -> LAN -> 93 ->同軸 -> X-DAC -> TERELABS M3 RCA -> SC5509 -> XPA-5 -> XQ10, 起碼差左30-40%, 而記憶中, 相比返上次係西毒屋企聽佢既LINN DAC + B&W 出黎既效果, 更加只有其 30%左右既水準, 以 HIFI 界別來講, 可以話係 “算吧啦”. 不過大家又唔好忘記, LINN 既價錢一部就可以買起哂成套器材仲有錢找, 呢幾十個巴仙分別, 其實相對來講已經好高C/P值.
有時小瑟懶起上來, 屋企人又訓哂, 只係想舒舒服服, 飲杯紅酒, 玩下MOOD LIGHTING時, 靜靜細細聲地聽下歌, 呢個 5509+NAS 既CAS方案其實已經好足夠, 絕對可以滿足到小瑟享受音樂既心情了, 只係如果要用大音壓來聽歌時, 就真係最好用返X-DAC來做解碼效果會更耐聽同更舒服呢. 始終一分錢, 一分貨, 呢個道理始終都有其原因的呢~~~~~~
>
歡迎進入我們的影音玩樂討論區發表意見.
http://www.post76.com/discuss/viewthread.php?tid=119053
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
