市場上不少有名既大HIFI品牌都開始推出不少耳機來趕上隨身聽呢個大勢, 美國品牌Polk Audio相信都係不少朋友心目中有其一定既地位, 而近日, 小瑟瀏覽其美國官網, 發展其品牌風格明顯轉換為更年青, 更新潮, 而再睇下其產品列上,得知就連Polk Audio都加入耳機行列, 推出名為Polk Audio UltraFocus Series的二款耳機, 而價錢亦都非常大眾化, 分別都係唔過3千元的心理關心, 小瑟對其品牌的喇叭一路都有一點信心, 就係呢個情況下, 小瑟就向代理發Mail希望可以一借來試試其耳機既效果勒!!!
兵分二路
Polk Audio呢二款都係屬於降噪耳機, 分別係UltraFocus 8000(頭帶式) 同UltraFocus 6000(入耳式), 大家都知道, 有降噪功能既耳機, 都有可能會因為以反相去抵消外間既嘈音時, 如果做得唔好, 往往會另音色變得死實, 而隨官方資料提供, UltraFocus 8000 及 UltraFocus 6000都會透過ANC技術, 去將降噪後的音樂細節優化, 儘量另失真率減至最低. 而耳機(SpecUltraFocus 8000)亦指出其頻率響應高達 8Hz-28kHz, 110dB靈敏度及32ohms既阻抗, 就數字來講, 的確係高低頻既覆蓋都做得非常全面, 而小瑟就試過二隻耳機帶上頭之後, 開著左降嘈功能之後, 的確連我亞囡係我耳邊講野我都係一既聽唔到的…………(比起之前試過的降嘈耳機), Polk Audio UltraFocus呢二隻耳機的降嘈的確做得非常之強, 就好似小瑟搭地鐵時, 真係連人聲, 閘門關門的BB聲, 都完全聽唔到……(果次就係比度門夾親勒!!!!~_~)
耳機造工
就以 UltraFocus 8000 來講, 帶上頭的感覺基本上都係可以緊緊咁包實整個頭的, 唔知係咪耳機太新, 有小小過緊既感覺, 唔知帶耐小小會唔會感覺好小小勒. 而耳機設計可以將二邊打平放好, 呢個就方便哂收藏勒!!
呢個就係開關制, 如果唔開機, 整個耳機係會冇聲的!!!
耳綿岩岩好可以蓋哂成個耳仔同另耳背骨唔會有頂住, 基本功都做得唔錯.
插線就用上專用插線, 係換線上就需要配返合適既頭先用得勒.
UltraFocus 6000方面, 外觀設計都幾型仔, 係街帶住係人都知你係Polkaudio呢個名牌子啦!!!!^^”
入電位同開關制就係呢個盒仔內勒~~
都算有D誠意啦, 有鍍金端子.
UltraFocus 6000有多款耳膠及耳綿供大家替換既, 而小瑟試左咁多個之後, 最後都係選左呢隻耳膠帶得最舒服.
耳機實試
小瑟用上IPOD在家中晚上時份試聽Sliver的<<真夜>>作測試, 貪其錄音音色像真度非常之好, 一試U8000對發燒CD的重播能力就最好不過呢, UltraFocus 8000帶上之後, 成個環境聲得非常交關, 基本上就好似入左錄音室一樣, <<等>>一曲出來聲音非常工整, Sliver姐出來聲音就好似係你耳邊唱歌一樣, 好近, 好埋身……….UltraFocus 8000會比你一個與世隔絕既感覺, 所有音訊都毫無遺漏咁比哂你聽, 不過換過來空間感就比較小左D, 感情亦都比較淡.
之後換上RubberBand 全新大碟 Easy中的 << 睜開眼>>, 今次有D ROCK味既POP SONG又幾唔錯喎, 尤其係低頻彈性唔錯, 聽鼓聲感覺非常好動感, 聲非常乾淨, 開得比較大聲都唔會覺得嘈炒, 睇來, Polkaudio 呢個耳機系統取向都係聽 ROCK & POP 為主, 大家如果想聽發燒輕聲野就可以未必岩, 但如果好似小瑟咁聽下POP野同ROCK野, 即係LADY GAGA果D呢………呢隻耳機算係唔錯呢!!!!!^.^
至於Polk Audio UltraFocus 6000同8000又有咩唔同呢??? 我只可以講, 基本上係帶感唔同之外, 聲底同口味取向都係一樣的, 不過當然, 8000就會係音樂表現上, 多左一份廣闊感, 而6000就比較再緊湊返小小呢.
官方建議零售價
UltraFocus 8000 $2,680
UltraFocus 6000 $1,280
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=137534&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
