上年6月，由耳機毒王WE300B借比小瑟的 D7000耳機，小瑟都係科林同大家講過其毒害性（你當我是浮誇吧…….DENON AH-D7000），故此一路都對天龍出品既耳機，什有好感，而年尾時份，天龍又出左幾隻外型勁 Cyber 既新款耳機，小瑟得知已經心郁郁想借來玩下，就係新年之前，終於都可以借到返來慢慢玩勒，就係咁，出事了！！
外型設計
先講下呢隻新款D7100先，今次就已經唔係上代既全木機身，而係玻璃纖維加原木，再包真皮耳綿，另人帶上頭感覺又輕又舒服。另外如果搭配上天龍自家手機APPS ＂Denon Audio＂，D7100既音質更會變得多樣化，因為多左個 EQ 麻，但小瑟就冇用到，因為小瑟用來係電腦同廳中既系統使用呢。
由呢張天龍官方圖片可見，其實上代耳罩既木機身，都依然健在，不過就係用左個頭帶包埋一起。
規格配備
規格上，D7100 採用動態密閉式耳罩設計，呢個設計其實對我地呢D家有小朋友既人來講，真係非常之好用，我老婆一見我聽呢隻野，就話：＂呢 D 先係靚耳機來架麻，唔會嘈到隔離果個…….＂真係比佢吹脹。另外以桃木耳罩搭配銀色纖維作配色，呢個外型上既改變，其實都幾大膽，因為喜歡佢既人會覺得前衛夠型，唔喜歡佢既人會覺得佢少了一份 HI-END 的尊貴感，而小瑟就………….都算係喜歡既，尤其依家既設計感覺一體化 D，拿上手比較好，唔會好似D7000咁，二隻耳罩浪來浪去咁。
D7100阻抗只有25ohms，係估佢唔到咁易推的,而靈敏度就110dB，可最大輸入1800mW，頻率係5Hz – 45kHz，重量就370克，比較輕身。
耳機包裝包括兩條耳機線，一個耳機袋，一個靚靚既金屬耳機掛架。而兩條耳機線一長一短，長既耳機線非常落本，係用上7N OFC無氧銅作線材的，短既耳機線就係比手機用，多左耳機線控功能，不過小瑟真係冇試過。
實聽小評
小瑟用上Rudistor NX-03耳擴配上Denon AH-D7100呢個組合，估唔到隻Denon AH-D7100真係幾易推，大家都知NX-03係力水上係比較輸蝕的，但佢竟然可以控制 D7100 既音色同仔細度非常之好，就以近日小瑟最愛的張學友＂有個人＂中的＂寂寞的男人＂為試聽，一開始的鋼琴聲，OMG，小瑟竟然係呢個組合上，聽到錄音室內的空氣聲，鋼琴既琴鍵既彈力同質感都可感到係非常細膩的，而學友一開聲，學友把聲好靚，好滑，立體感同小小唱歌時既EACO回音聲，都令整首歌加強了感染性，真係好正，原諒小瑟小見多怪，但呢個配搭的確令小瑟完全溶化，冇錯，係溶化了，用D7100來聽呢首歌，絕對另人再加添多分既悲傷同感動。
之後再搵來RubberBand既＂豬籠墟事變＂，一開始的鼓聲，WOW爽朗明快，後面街市既嘈雜聲都比佢描繪到出黎，D7100比較喜歡＂HIGHLIGHT＂低音，因為聽呢首歌時既低音結他既拍子就係KEEP住包圍住成首歌，對於小瑟呢 D 喜歡 ＂UN＂既人就岩哂勒。 用D7100來聽歌，感覺成日都好似入左錄音室聽歌咁，雖然佢冇主動式降燥功能，但佢既隔音能力令到週圍既聲音都隔開左85%，再開埋歌就真係好似出面既野咩都聽唔到了。
總結
之前小瑟話呢隻耳機另人討厭，係絕對冇講錯既，因為小瑟當日試完之後，好老實講，依家手上用緊既耳機，都冇心情再囉上手來聽了，但D7100價錢又非常之難入手（官方售價HKD$9,880），雖然以一隻有質素既耳機來講，呢個價錢係正常不過，但係小瑟呢一刻，要入紙申請購入呢隻耳機，對於家中財爺來講，相信暫時都係好似湯佬既出位電影＂Mission：Impossible＂呢。@@”
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=149941&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
