小瑟不嬲都有LIKE開亞澤個FACEBOOK既, 近日就見到佢出左一段以下留言:『低俗喜劇再公映！有見近年香港文化蒼白，今個禮拜六、日（2/
原來係關於一單娛圈新聞, ” 北京女奪藝評獎“, 真係估佢唔到, 我地平時都寫埋寫埋唔小影評, 我地唔好話五萬, 就連五毛都未有, 小瑟冇心情去了解呢位仁姐寫既究竟係什麼影評, 我只知道一樣野, 香港就係一個充滿自由同極富創作性的地方, 如果連比錢開戲, 諗橋都要咁多規限, 不如唔好玩啦, 人家呢套戲一開名已經叫 ” 低俗喜劇 “, 自命低俗既香港人就即管入場, 睇完就係得啖笑, 咁就已經達到目的了, 人地都話明是” 低俗喜劇 “, 如果唔 “賣弄低俗” 難道調返轉頭 ” 賣弄高尚”嗎??? 如果呢套戲拍成 ” 賣弄高尚 ” 我諗我係戲院睇完界櫈都似!XDDDDDD
小瑟就係因為好想再三支持一下呢部香港人拍出黎比香港人睇既港片, 但我地呢D住家男人, 星期六日邊有閑情去陶大影藝睇戲丫, 同埋得果二場, 炸一聲冇哂飛啦, 咁點好呢??? 好簡單姐, 一於買返佢隻碟返屋企, 再同各位76既好友分享一下啦~~~
所以尋日就LUNCH時間, 出沙田 ” CD貨倉 ” 以HKD$139蚊就買入一隻藍光低俗, 支持一下啦!!!! 估唔到依家買都仲有爆炸糖送, 聽講係第一版先有架炸喎, 到依家都仲有, 真係…………………..@@”
呢套戲, 第一次睇佢地上廣西果段, 真係笑到收唔到聲, 老實講, 導演一定係有誇張左小小既成份, 不過我又唔可以否認, 國內的確係有人會咁樣講粗口的呢, 但由鄭中基同林雪二個演繹出黎, 真係……………尤其記得最尾果句“嘩…污JOE辣撻”, 真係勁爆笑, 小瑟覺得, 有獎真係應該預埋林雪一份, 冇佢果段一定扣40分以上!!!XDDDDDDDD
老老實實, 自從上次有隻舊BLU-RAY無啦啦死左之後, 小瑟買碟都真係好緊手了, 不過呢次為左支持本地電影, 支持本地創作, 支持本地低俗, 所以講多無謂, 行動最實際!!!!!!
小瑟買完碟之後諗, 咁又比彭導演 “執”多我百幾蚊, 不過……………..錢, 唔係最重要, 有D野係要做就應該要做, 有D立場, 係要表明就應該要表明, 以行動表明維護創作同想像空間既自由同自主, 絕對係人人都應該要有既基本原則呢!!!!!!!
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=150278
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
