其實一早已經問過行內人, 係咪以前既LIVE就算點攪都唔會有機會出到Blu-ray版本架勒?? 答案絕對”係”的, 因為當年既拍攝都係DVD像素既機, 出到來都唔會好得去邊, 點都一定同真1080p解像既藍光有一定既距離, 但今日, 梅姐(梅艷芳)逝世十週年, 竟然有唱片公司會肯囉錢出黎, 重新將 2001 年 12 月 9 日晚的拉闊音樂會, 重新修復再升頻及後制方式, 將當年既演唱會以藍光方式推出(當然我地一眾 76 師兄都係真金白銀咁囉錢出來支持啦 XDD), 本來都唔抱有期望既小瑟, 就係因為咁而入手了!!!!
小瑟都係岩岩到手, 就拿拿林同大家整個開箱文同 CAP SCREEN 先!!!! 我都只係搵到號碼版……….睇來係號碼版多過普通版呢 ~XDDDDD
封底都講明勒, 隻碟都 BD25 即係單 LAYER, 不過升頻既內容, 又真係唔洗去到 BD50 既!!!!!
其實拿走紙套, 都係同普通版一樣封面的呢!!!
左攻右既係藍光碟, 而右攻左既就係 CD…..隻 CD 我完全未聽過~~~XDDDD
好勒, 大家最關心既應該都係畫質問題, 聽大家講畫汁就唔錯勒, 所以小瑟都有入手, 而小瑟睇左小小, CAP 左 D SCREEN 比大家睇返, 畫面好好就一定唔講得架勒, 原片係 4:3 既畫面, 制作單位都好醒地加上特效另左右得以填滿, 做返個 16:9 既效果出黎, 呢點小瑟非常欣賞, 事關左右黑邊既話, 一定會影響投入感, 二來小瑟用 Plasma, 好易燒死印架麻 ~~~XDDDDD 好廢話小講, 大家自己睇原片藍光 1:1 截圖啦!!!!(圖片點擊可放大)
總結
如果大家幻想可以有返現代藍光既清晰度, 咁你真係太天真太傻了, 畫面方面其實一定係比買隻 DVD 返去升頻做得好好多既, 起碼九亞位一定唔會咁明顯, 不過始終都係標清升高清, 大家可以想像就好似高清TVB既標清節目咁, 再 SHARP 返小小就岩架勒, 不過點都好, 今次竟然有人願意將呢D咁珍藏同經典既演唱會重新以藍光推出, 的確係值得一讚既, 因為一眾既樂迷們, 其實都知道始終都係 “修復” 版本, 所以都唔會太介懷, 反而有人肯幫佢地心愛既歌手, 重新執返靚仔當年既絕唱, 真係非常之感激呢, 希望今次梅姐既藍光既成功, 可以另一眾有心既公司們, 會考慮投入資源去將以前既演唱會認真地修復後再推出啦, 因為我真係好想買返哥哥張國榮既告別演唱會同 BEYOND 唯一一次既紅館演唱會呢!!!!!!@@”
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=177796
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
