手機殻可以玩到幾盡？ 即影即有手機殻夠唔夠？ 過去一個星期，見到好多人都討論 Kickstarter將會推出既即影即有手機殻－ Prynt。呢個 Prynt 適用於 iPhone 同 Android, 而且用法都好簡單，只需套上電話殻，然後簡要印既相，等三十秒，就會完成。點解咁多人對呢部野，有咁大期待？咁想擁有呢部野？咁就要由從前講起……
官方介紹短片:
從前既即影即有相機係潮流玩物，因為明星效應而流行。(Taylor Swift 剛出既專輯入面，送左幾張即影即有既相。當然，大量印製既野，就梗係唔係用即影即有相紙啦。佢 facebook入面，都有 post 其他小量即影即有既相。) 不過講真，有邊個買左部即影即有相機，真係會帶出街超過兩個月？
即影即有相機的確係節省左去曬相既時間。但，作為一個女仔，出街個袋已經好多野，如果再加多部即影即有相機，仲有相機紙呢？出街姐，唔洗下下搞到去郊遊咁！所以，每次既熱潮，維持度，都唔耐。仲記得，讀中學既時候，即影即有相機，冇處不在。不過，我就冇買啦。眼見，身邊既人，用唔夠一個用，都用返手機影相，原因，唔方便囉。點解智能手機，成為現今既生活基本產品？原因係人係有惰性，所以方便呢個因素，就成為產品受歡迎與否既主要因素。電話跟機殼，係必然。加上，而家手機愈出愈薄，其實，個電話殼，厚小小，又真係冇咩所謂既。以下係來自官綱既價錢，但價錢未加運費。
Prynt的簡介
－行 iSO 同 Android手機 (iPhone 5/5S, iPhone 5C, iPhone 6, Galaxy S4, Galaxy S5) 都可以用
－電方面，叉九十分鐘，可以印到二十張
－顏色就有白，粉紅同藍色
－唔需要藍牙同 WIFI
－唔需要墨，因為張相紙已經有墨
係唔係好想要呢？等下啦！因為睇返官網既時間線，如無意外，首批八月先出，之後就要到十月。其實，手機殻真係可以去到幾盡？下次，唔知會唔會出到有埋叉電功能既即影即有手機殻呢？
