現在人人都說耳機不用無線的不行, 但如果要無線又想要好音質, 又非常為難, 想要一副好的頭帶式耳機又想無拘束地欣賞靚靚音樂, 是否沒有二全其美的方案? 不一定, 因為上年 Sony 就發表了一個新的藍芽制式 LDAC™, 大家都知道, 以前的藍芽耳機輸出一般都可只出到 MP3 的質素, 但近年藍芽發展了一個叫 “apt-X Codec 技術”, 可以傳輸接近 CD 質素的音效, 大大提高了無線收聽之質素, 但說時遲, 那時快, Sony 最新研發的無線藍牙傳輸技術 LDAC™ 已經將藍芽連接的質素提升至 Hi-Res (96kHz/24bit) 高清規格, 真的令一眾對音質有要求的樂迷非常興奮, 以下小火情商了 MasterMix 大佬 Andy 哥為大家制作了一個 Sony MRD-1A BT 開箱短片, 當中還用了小火的 Sony NW-ZX2 粉墨登場為大家示範連線操作, 大家睇片之後, 小火再同大家分享一下當中聽感啦.
Sony MRD-1A BT開箱短片
開箱文
∇ 又無線又Hi-Res, 呢個組合小火相信已經有好多樂迷等候多時呢.
∇ 雖然 MRD-1A BT 已經沒有了耳機線, 但如要操作佢想大細聲, 跳歌都非常簡單, 在耳機面一掃, 就可以攪掂, 非常之正呢.
∇ 耳機內配件都非常簡單, 一條耳機線接線, 當接上MRD-1A BT之後, 就會變回一隻接線耳機, 當然所有藍芽功能就會暫停啦, 而另一條USB線就供差電之用呢.
∇ 機內配件一覽.
∇ 開箱之後當然就係耳機寫真啦, MRD-1A BT機身拿上手感覺非常輕身, 但又不會給人膠感, 耳綿柔軟度高, 如在大熱天時帶上頭的確有一點焗耳, 但如在室內使用小火聽了2-3小時都沒有不適感, 雖然用上40毫米鍍鋁液晶高分子振膜動態式單元, 但都沒有因為其偏大單元而做成耳機太重, 值得一讚.
∇ 左邊耳機位於下就有電源制, 收音咪及耳機線輸入位, 大家可以會問, 收音咪真的可以對話嗎?? 小火試過真的可以跟來電者對話, 而因為其收音咪是全指向性關係, 對話時你不需要轉登就返咪位都可以作出正常的收音, 都算幾神下的一個功能呢.
∇ 而這個就是USB差電位, 官方資料說差電4小時就可以收聽約30小時, 雖然小火未有真正聽到佢冇電作測試, 不過話時話, 小火上手之後的 MRD-1A BT 都有個多星期, 雖然不是日日使用, 但又真係好似冇差過電呢.^^”
藍芽 Hi-Res 實試
我們找來 Joanna Wang 一首非常為新一代燒友喜愛的歌曲, DSD64版本的 Let’s Start From Here 作測試, 開首的音樂聲中細微槳器都有少少交代到出來, 而這首歌最另小火注意的是其低頻的回彈性, 讓小火回味非常, 另外在LDAC的加持下很多平時不常留意到的細微部份例如背晾中的一些風鈴聲都可以聽到出來, 以往在無線耳機中都非常難得到這份仔細感, 今次竟然可以在這耳機中聽出一點點效果, 讓小火心中暗暗感到過引呢.
開箱後話
近日小火留意到好多串流APPS都會有HIFI版本供用家收聽, 而這個 MRD-1A BT 的無線耳機正正就對這些HIFI版本的新一代樂迷多一個選擇, 小火不知市面上有幾多LDAC的耳機可供大家選擇, 但如果以近日比較多人談論的一定要數這隻MRD-1A BT, 事關其身價只需$2680其實很多學生哥及開始對”聽歌”這個興趣有要求的用家來說, 這個入手價的確非常吸引, 而有埋日系音響大廠 Sony 這個”冇得輸”的品牌出品下, 加上 Hi-Res 音樂將會是未來聽歌人的基本格式下, 想要聽有質素的好歌? 這個 MRD-1A BT 應該都冇走雞呢.
