不知不覺現有既Onkyo NR818已服役差不多三年, 自2014年起新制式Dolby Atmos杜比全景聲音效推出後, 一直有留意相關品牌擴音機新動向, 但發現不是走高檔路線負擔不起, 便是屬過渡性機種換機意慾不大. 到DTS:X誕生, 各品牌似乎又在密鑼緊鼓積極起來. 直至Onkyo RZ900出現, 首先外型有別以往Onkyo固有影子, 標榜由人手繞製環牛以至大型音響級電容, 加上售價切合我呢類未達高階玩家, 但又對影音有要求既人, 所以得知Onkyo聯同Post76有試玩活動, 一於借台RZ900賞試吓家中杜比全景聲知味.估唔到新機入屋後最心急開箱嗰個唔係我…………..
每個角度睇都份量十足
外型相對Onkyo以往傳統型號較硬朗, 厚厚機身富有質感, 甚有旗艦型號應有貴氣. 加上機面中央設有隱藏式板面, 特大既音量旋轉控制, 每個角度睇都份量十足, 還隱約帶有Pioneer影子. 不知是否同之前合併Pioneer影音部門有關嗎? 背面端子齊全, HDMI 8入2出, 支援4K UltraHD / HDCP 2.2 / 4:4:4 Color Space, 可放心完全支援日後4K/60Hz及串流影像.雖然DTS:X暫時未開通, 但廠方已承諾日後可經firmware更新, 要比較兩者優劣要耐心等候呢!
係日系擴音機中少見既定制環形變壓器, 加上平行推挽放大技術及三段反向達靈頓電路, 輸出功率再提升至235W X 7, 這是一般數千元初階以至中階機種都未必擁有, 所以仍舊保留18kg分量十足既重量 ( 雖然重量同影音效果好壞沒有直接關係, 但身為AV用家心理上總覺會較好…… ). 喇叭接線端子亦用上同級中較少用既鍍金端子, 可見Onkyo有意打造RZ900為AV影院及音樂部份有更佳表現.
改用自家研發AccuEQ 數分鐘已完成 Setup
因家居暫時未有Dolby Atmos喇叭擺位定案, 所以源用現有天花surround speaker暫代back height speaker, 再在聆聽高度梳化後方放置surround speaker模擬5.1.2兩層音效. 而setup畫面內Height Speaker 一欄亦可選擇Rear High. 自從Onkyo改用自家研發AccuEQ後, 只需數分鐘已完成基本setup, 測試速度及準繩度都較以往提高不少.
RZ900除保留一致好評既THX Select 2 Plus認證, 提供戲院及專業混音室級數既音效品質外, Pure Audio 一項亦係聽CD或SACD時必不可少既設定, 當關閉其他不必要數位輸出線路, 減少視頻之間互相干擾後, 還原聲音便會更加純正. 用過朋友必然會愛上, 當設定好後LED板面亦會顯示喇叭各位置.
當設基本定完成後, 梗係要攞隻近期大熱既試機碟測試吓家中全景聲效果啦!
感受到波波彈跳時高低感
首先就係要試Audiosphere一段, 最主要係測試各喇叭定位及波波既彈跳力, 過往只有5.1時只感受到方向感, 毫無異問Dolby Atmos你可感受到波波彈跳時之第二層音效應有高低感. Star Wars Battlefront : 一隻搭載Dolby Atmos 音效既Video Game, 短短幾分鐘畫面完全可比美電影效果, 由隧道內頭頂不斷被炮火轟炸, 似被困在陝窄空間內以至步出雪地作戰, 完全可感受到戰機, 槍炮, 敵我雙方叫喊聲不斷穿插其中, 真係有衝動買隻電玩版回家打個痛快.
全感受到紅館氣氛
過往Onkyo係AV及音樂部份都取得不俗平衡性, 呢次就要了解是否保持水準. 全球首張載有Dolby Atmos音效既Sammi演唱會, 留意開首Sammi未出場前既激光及煙火效果. 每下低頻黎自高高低低及四方八面, 好澎湃效果呢! 加上人聲部份比818層次更豐富, 果然RZ900真不是浪得虛名, 你會完全感受到紅館現場氣氛, 充分體驗了杜比全景聲威力.
驗沙石塵土洶湧埋身
跟住就試飛車動作連場既Mad Max : Fury Road末日先鋒: 鐵甲飛車, 其中山泥塌下一幕除應有震撼外, 還可體驗沙石及塵土洶湧埋身. 另竹竿上拐帶女角一幕, 每次竹竿由上而下, 由左至右盪來盪去, 雖然只是5.1.2, 但空間層次感以勝過往HD音效.
音場細節豐富
最後就黎試Dolby Atmos音效熱門作既木昇戰記, 開首冇耐一幕主角腳踏飛天靴, 手執隱形盾既芝加哥街頭高空追逐戰, 除咗美輪美奐既視覺效果外, 男主角在空中翻來覆去, 玻璃外牆爆裂聲響, 女主角由高處墜下再被營救等, 整個音場細節豐富. 結尾兩軍大空船對壘中, 密集既槍擊聲, 戰艦爆破聲及各種撞擊聲, 係Dolby Atmos包圍下, 由如自己置身外太空當中.
細節現在一一重現
因在家中開始聽音樂檔案, 加上RZ900可直駁USB硬盤讀取檔案, 所以就測試RZ900直讀USB FLAC檔案聆聽效果如何? 當流動硬盤駁好後USB已顯示連接, 因檔案全屬中文歌曲, 故LED板面未能顯示歌曲名字.不聽由自可, 一聽已被RZ900深深吸引, 完勝818, 你可感受到每首歌曲中既空間感, 以往未能聽到既細節現在一一重現, 原來我家這樣普通器材都有意想不到效果, 相信係源自機內內置高384kHz/32-bit頂級AK4458 DAC解碼有關.
Conclusion: 「用料至外型煥然一新，處處流露高階型號身影」
雖然據廠房表示Onkyo RZ900並非旗艦型號, 但明顯Onkyo RZ900由內部用料至外型煥然一新均處處流露高階型號身影, 以其定價約一萬二仟元, 絕對可吸引一班對影音有一定認識玩家升級. 再者, 暫時雖未有DTS:X可試, 相信日後韌體升級後會如虎添翼. 可惜與RZ900相處匆匆只有數天, 未能徹底互相了解, 加上天花喇叭擺位未盡人意, 相信只及真正Dolby Atmos 八成功力, 但從短暫相處中, RZ900已給我留下不一樣的印象, 希望有機會再續前緣.
