今日終收到RZ900試玩機，本身用緊1030 ，玩緊5.1.4，得知RZ900自帶只去到5.1.2，雖加後級是可以，但本人沒玩後級所以只好用返5.1.2，都擔心這樣會難試真此機，此中少左2個喇叭發聲,但機已到了，就駁好線試試吧！
Auto Setting 速度快
一開機當然做返個Setting先，插個mic等佢來個Auto Setting先，一開始感覺機速度反應真係快左好多，而佢左中右喇叭會幾次反覆量度數據，感覺真係Pro好多，約15min資料計算好了，我一看也呆一呆，差不多距離跟我度尺差不多，db數值就先按它自家提供的試試效果吧！
飛機壓頂感明顯
拿了Dolby Atmos Demo第三版來試試先先試Dolby Powerful那段，一開聲完全感覺堅有不同，雀仔環繞喇叭飛1圈，感覺更細緻，落雨聲更有層次，行雷聲將我個SW推到房門都振埋，之前還成日覺得用緊既SW好似不太夠力了,原來並不是呢。再試埋Horizon個段音效，太空船飛過既距離感明顯飛到更加遠，叢林既大自然感覺，就可能此中少左2個天花喇叭此中包圍感無更強，但右邊既青蛙叫聲，左邊既狗吠聲來得清晰左，最後河流水聲更澎湃，更像水要撲埋來感，之後試埋747飛機個段聲效，試呢段就完全有驚喜，這個沒有因少2個天惹喇叭而弱左，剛好相反，飛機飛過既壓迫感，更加像人站起飛機下面一樣。試完Demo，當然要試返d戲來試真章，第一套當然不能少是變型金鋼飛起吸上去果段，吸上去個下感覺sw震到個地板要裂開咁，而頭頂喇叭更感覺真係有吸力一樣，連我家2隻貓貓都要望上天花板，就像是否有東西吸著我們。
機槍包圍感子彈聲實淨
跟住試<<Unbroken>>飛機擊中既定位明顯真係準左，聽到有空間感，定位距離感就像真的像有戰機在自己前方比擊中一樣，機槍包圍感子彈聲都明顯重同實淨，試埋功夫熊貓，老虎逃獄個段，鎖鏈比長茅擊中掉在地下的鎖鏈金屬聲也強左，射箭由前到後既層次感也一流。
人聲暖，音樂氣氛濃
其實電影試了好幾套，不過完全盡錄了，最後也要試試佢播歌能力。拿左上年影音展SACD試試先，第一首張學友的怎麼捨得你，人聲幾出，將我本身原本K牌不善長聽歌我喇叭也能去到膽機感覺，人聲暖，背景音樂也不會感覺分離，但缺點也是人聲比樂器聲大，可能在細調一下會比較好。
Conlusion: 「效果超越入門級，換機衝動極強」
總括來說今年這部RZ900絕對是有恭喜的，2016年最火的DTS-X 雖然未能點燈試到，但此機就已經說明稍後有FIRWARE 來升級做準備，雖說這是入門的機種，但效果出來也一點都不入門，絕對也是誠意之作，試完絕對令我有想換機的衝動來了。
