一早起身就為左睇呢套《美國隊長 3: 英雄內戰》, 老實講, 未睇的確都有D驚, 一來復仇2其實我覺得唔係太好睇, 今次美國3又好似來個炒什會, 會唔會又係做到唔知點咁呢???
整體來講……
開場冇耐, 已經有任務, 一連串的打鬥一追逐, 極盡官能刺激, 以黑寡婦以一敵二睇得最為過引, 直頭心中有想過Scarlett Johansson應該拍呢套戲之後好打左好多好多. 而亦都因為呢個任務, 另到全世界都覺得佢地既冇皇管唔得, 就係咁故事就正式開始. 今集好過復仇者系列其實好簡單, 就係因為今次係『美國隊長』為主線, 咁樣成套戲反而就清晰簡單, 唔會有復仇者果種人人都要討好的情況, 而咁樣反而另到整套戲雖然有成二個幾鐘, 但睇克一D都唔長, 非常之咁流暢!!! 有人會話,「美國隊長」都多餘, 係都要幫佢朋友, 但小瑟唔知點解, 未睇戲時都覺得比聯合國監察都好正常, 但睇埋劇情之後, 又覺得佢呢份義氣唔係盲目的, 亦都真係可以講過真真正正的義無反顧, 而亦因為咁, 整套電影的所有情節就變得合情合理, 絕不含糊呢!!!
勁多英雄會唔會人人變大咖???
大家可能都會好擔心一個問題, 就係「Spider Man」, Ant-Man 係眾多英雄中會唔會成為超級大咖??? 呢個問題小瑟入場前已經打定輸數, 點知由 Tony Stark 去搵 Peter Parker開始, 去到皇后區Peter家中, 跟之前「Spider Man」的陰暗, 狐獨氣氛完全唔同哂, 一個陽光, 多咀, 好奇心旺盛的「Spider Man」就係大家眼前, 而呢個「Spider Man」亦都正正就同 Marvel 電視卡通漫畫中的「Spider Man」是一模一樣的, 而佢更加唔係只出一二個鏡頭咁簡單, 成場”群抽”大約10多分鐘, 蜘蛛仔戲份十分之多, 而亦都因為 蜘蛛仔同 ANT MAN既關係, 係呢場戰事中起左一個非常關鍵的作用, 所以呢二個加入成為今次電影的英雄絕對唔會係得一二場的大咖咁簡單, 今次可以話係 Marvel 咁多套連續劇(睇Marvel電影已經可以當連續劇睇啦!!) 中, 每個角色出得時間同功能都岩岩好的一集!!! 而小瑟非常關心的是 Elizabeth Olsen的「紅女巫」今集又多唔多戲份呢?? 今集佢出招唔多, 但反而交代左好多同「Vision」的感情線. 依家小瑟明白點解佢地二個最終會一起……..(大佬, 世間上只有「Scarlet Witch」制得住「Vision」, 仲唔係佢~XDDDD)
值得一提的角色「Black Panther 黑豹」
由於小瑟唔係睇 Marvel 大的, 所以呢個角色都係第一次認識, 不過呢個角色設計小瑟覺得可以同 Tony Stark 爭一日之長短, 一來佢又係勁有錢, 分分鐘有錢過 Tony, 二來佢亦都係一國之君, 要講疊馬佢一定勁過 Tony Stark , 而最後「美國隊長」都係得佢幫助下先可以有地方落腳, 呢個角色聽講都會有佢既獨立電影, 小瑟都覺得應該幾唔錯的!!!
當彩蛋已成為電影內容之一
依家睇 Marvel D人已經唔會再問有冇彩蛋, 問題只係究竟有幾多段既蛋蛋, 第一段就講「美國隊長」同 「Iron Man」隻抽完之後, 究竟去左邊度呢?? 之後上哂字幕果段, 就係黎緊會 2017年再同大家重新見面的「Spider Man」勒, 呢次唔知點解, 雖然已經第三次REBOOT, 不過依然有興趣, 仲一定會再睇, 因為今次可能覺得同漫畫中的「Spider Man」相似掛, 而到時「Iron Man」應該仲會穿梭其中, 都幾過引架!!!
網上精彩片段
以下為一段追逐戰中, 香港電影版刪除了的片段, 當然呢段係因為勁多植入廣告在內啦. 而另一段就係飛隼介紹 Ant-Man 加入隊長一隊時的片段
電影區內其他76影評人的影評
由 jc2ssych2 撰寫的 – 《美國隊長3》簡約主義，續集片 ＋ 類型片的典範！
由 freestylemen 撰寫的 – 《captain america: civil war》
Conclusion : 「呢套都唔入場的話, 其他大片都唔洗睇架勒, 入場啦!!!」
