年年影音展都一定要來探下D兄弟, 今年小瑟又點會例外呢?? 本來諗住上去房睇下德哥今年有咩攪, 順便同佢詳談一下, 點知一去到佢門口, 嘩…….爆到呢….門口都迫唔到入去呀, 原來德哥係一連三天的影音展內, 都會每小時有一場品牌代表的分享會, 一來可以比大家試下德哥的產品, 二來又可以順道比大家了解更多外國 Hi-Fi 界依家興D咩同帶有好多 Hi-Fi 小智識, 小瑟迫到入去之後都聽左半小時, 對美國黑膠盤以前點解會粗聲, 依家點解會突飛猛進都了解更多呢.
連少女都識用 唔洗AMP都聽到 只售八千多元的 Hi End 美國品牌 VPI 唱盤
之後諗住佢咁忙就由佢啦, 點知德哥一知小瑟來, 就即時同我地傾左二句之餘, 仲同特登抽時間, 同我地介紹左一隻唔洗買擴音機都聽到黑膠碟的 VPI 最新的唱盤, 名為 Player, 呢隻盤雖然係背負普VPI 的威名, 但德哥介紹得比我地 Post76 的版友, 樂迷們, 當然會搵D堅抵玩既器材啦, 呢隻 Player 的唱艋只需八千多元就可以玩到, 仲包埋 Ortofon 唱針比你, 連效唱臂, SET唱針既工作都慳返, 緊好玩呀, 各位迷偶像的少女們, 依家唔洗買完偶像既黑膠碟又冇得聽咁慘啦!!!
∇ 只插耳機都已經可以聽到黑膠碟, 以後 Taylor Swift 出黑膠都可以買來唔洗只係睇, 冇得聽啦!!XDDDD
∇ Player 已經配上 Ortofon 唱頭, 連SET機都唔洗, 勁方便.
