當大家以為 EPSON 最叻只有打印機同投影機??? 小瑟同大家想法都一樣，但原來 SORRY 左勒，今次上青島一轉，就了解左原來佢地一直研發左好多新產品，例如可測心跳的「智能手錶」, 一分鐘可印 100 張 A4 紙的「商用的噴墨影印機」, 識得幫你拿汽水同打磨手機殼的「機械人」，汽車及共享單車中都會使用的「微電子元件」，雷射激光技術 25,000 流明的舞台級 3LCD 投影機「EB-L25000U」, 當然仲有佢地家用 4K HDR 的「TW-8300 家庭影院投影機」及可應用到 AR 技術的「MOVERIO 智能眼鏡 BT350」示範!! 想知道究竟由這個全球 50 大企業之一有什麼新研發 ??? 去片 EPSON Innovation Day 2017 !!!
EPSON Innovation Day 2017
20 部 1,200 萬舞台級 4K 投影機皇 EPSON EB-L25000U 投影機負責主場的大規模影像示範
當日最惹各界注目的必定要數其搭載有 25,000 流明亮度的投影機皇 EPSON EB-L25000U 3LCD 鐳射投影機。為求營造出舞台的視覺震撼，會上更出動近 20 多部的 EB-L25000U 作多投影機合併投射，令畫面震撼得來亦保持高度畫面細緻度。想知道真正校果如何？就要睇下我地以下的現場影片啦！！另外 EB-L25000U 能持續操作近兩萬小時，而無須作任何形式維修，而其螢光輪部分亦採用了無機物料製作，有效抵抗高強度光和熱，在耐操性能方面絕對適合超高使用量的商業用途如演唱會，大型建築物的外牆投影之用。
∇ 會場出動了 20 部 (每部價值 60 萬) 的 4K 投影機打造一個超闊巨幕。以 $1,200 萬建構這個世紀巨幕，即使未正式開場已感到其無比震撼。
∇ 見識過巨幕，會場內亦有民用投影機俾入場的朋友好好體驗一番。會上的 4K 家庭影院用上了 EPSON EH-TW8300 這部光學升頻 4K 投影機作貴幹，配上家庭式的場景佈局。既感受到家影溫暖，又可以體驗到迷你影院的震撼。
現實與虛擬合併AR眼鏡「MOVERIO 智能眼鏡 BT350」
除了家用 4K HDR 投影機 TW-8300 是影音玩家必到熱點外，會場上另一熱點必定要數已應用到維修 F1 方程式賽車「MOVERIO 智能眼鏡 BT350」。據知此版本的畫面質素更較市面上熱賣的 BT300 為佳，因已全面換上OLED作投影面板，而應用層面亦會再下一城，但推出日期尚待公佈。
∇ 小瑟都忍不住要即刻玩玩其擴充實景功能。小瑟眼見的其實方塊內有粒珠在方塊內走動的，因為改用了OLED面板，亮度明顯提升，直接增加可玩度，而小瑟相信這系列的眼鏡用到工業上或航拍上都會非常實用。
商用打印仲用 “炭粉” !!? 既唔環保成本又貴，用 InkJet 都可打出一分鐘100張紙!!!
過去商用打印機都是由雷射打印為主，Espon 今次最新發表的 WorkForce Enterprise WF‑C20590 打印機就用上最新的噴墨打印機技術，其做到每分鐘打印 100 張紙。WorkForce Enterprise WF‑C20590 除了可高速列印之外，即使雙面打印，亦可做到最多每分鐘 100 張 A4 紙。而最大亦可支援印出彩色 A3 的尺寸，而且其全新設計的PrecisionCore 墨頭陣列，能突破傳統噴墨打印的速度，放棄沿用的單個墨頭逐點打印的緩慢速度，利用約 33,500 個固定墨頭，作出即時打印，讓紙張走過一次便可印上內容，首先將速度超越傳統炭粉影印機。
∇ 一個長條型打印頭就係最新研發的 PrecisionCore 墨頭陣列，可以造出以 1 分鐘印出 100 張 A4 紙的紀錄，完全意信不到噴墨打印可進步到今天的水平。
∇ 一分鐘打印 100 張即係幾快??? 睇下以下由 WF‑C20590 實際打印示範就知呢。
∇ 一分鐘內雙面打印一百張彩色文件，成色成像非常好之餘，仲有防水化的效果 !!!
∇ WF‑C20590使用墨倉式設計，延長了耗材的更換週期，單套墨水黑白印量100000頁，彩色印量50000頁（ISO/IEC FCD24712測試標準），而且工作能源損耗僅為 320W，相當於同等級鐳射炭粉打印機的十分之一。
∇ 除了辦公室打印機，相信大家都知 EPSON 在商用、媒體用打印器材方面都有極高的水準，所以會場上亦有展出多台專門負責印製大型廣告海報用的打印機，成品的細緻度相當高，場中展示就係戶外燈範廣告用的打印機。
∇ 因商用打印機極度講求成品色準，所以用上了近十種顏色去調合顏色所需，以確保顏色變化與原稿檔案不會出現落差。
EPSON連衣服都撈埋!?? 伙拍時裝設計師讓意念完全發揮！！
大型打印除了應用在戶外印刷品之外，仲應用到大家日常都會用到的衣料上，原以為會場上有時裝展覽，望清楚原來是利用打印機在布料上作各式各樣的圖案打印，高仿出幾可亂真的衣物質地，效果不禁令人要定睛好好細看一番。
∇ 原來好多私人會所都會有各式各樣的名畫展示，但要買真品又的確冇咩可能，呢個時候一個超高品牌，幾可亂真的名畫就非常之有市場價值，尤其係用肉眼真係冇可以分到的情況下，「高仿」打印真係唔用手掂過都真係唔知究竟顏料係有冇突出來的呢。
∇ 依家好流行的韓式結婚相簿，紙質帶有防 UV 防水功效，可作長時間保存。
∇ 商用打印之外，當然還有家用打印方案呢，現在打印除了成本已經比以前平好多之外，仲多左好多野玩，為屋企小朋友搞搞新意思。如大家學識利用紙卡打印大型紙模型，玩具錢絕對可以省會不少。
減少出差成本，視像新玩法讓會議人人都可作互動溝通！！
Epson 與 Polycom 合作，就可以將二者技術融合，而組成一個遠端互動的視像會議方案，以前開視像會議最多睇到大家之外就冇咩可以做到，依家大家就可以借助 Epsson EB-1460Ui掛牆式短投影機 + Polycam Group系列視頻會議終端，咁可以輕鬆做出大尺寸及可觸控顯示，而最令人覺得方便的就是其白板功能在會議下可進行記錄，而且虛擬白板可作即時互動，相方都可對大家的書寫內容作即時修改，以後公司有多個不同國家開會，就唔再需要成日飛來飛去，減省更多不必要的成本呢。
∇ 現場以左為分公司，右為總公司去讓大家更易明白這個遠端視像會議的實際操作。
∇ 配合 Polycom 的視頻會議器材，就可實現數碼互相視像會議。
∇ 想在投影的白板中寫字同分公司的同事分享開會時的內容，以下的工具就非常有用呢。
∇ 場中示範由「分公司」遠程跟「總公司」作視像會議，示範員在投影牆中寫字「總公司」亦可即時看到。
水蛇春咁長都 Scan 到?? 清明上河圖都掂!
好多時大家都會 SCAN 文件，但如果超出 A4 長度又可以點做呢??? Epson DS770+ 全新掃描器 (Scanner) 在應用層面上亦有所突破。45ppm/90ipm，200/300dpi的黑/灰/彩同速掃描，用上滾輪式的設計，令掃描素材不受長度所限，另篇幅特長的文件亦能一整幅的掃描到電腦檔案中，最長可支持6米的文件掃描，以後長文件就不需再作任何合併都可一次過攪掂呢。
管理好自己的健康生活 Epson Runsense SF-850+智能手錶
唔知大家知唔知，原來鐘錶界巨頭 Seiko (精工) 其實都是 Epson 的子公司，唔知係咪因為這原因，Epson 都開始推出自家品牌的多款智能手錶，穿帶式手錶在香港非常盛行，但大多數的手錶根本完全唔似一隻錶，但 SF-850+ 就反樸歸真，用上圓型鏤面，而且仲有心率管家功能，用高精度光電心率感應器作全天候監測使用者心率，七段式心率區間+震動提醒，可幫助提升減肥，增肌效果。另外亦有多種健康數據可提供運動強度、睡眠、心情的數據記錄和統計等等，你更了解自己的身體狀態。SF-850+重量僅52克，續航時間可達20小時。
∇ 除了功能式的智能手錶外，會上亦展出了充滿卡通色彩的 Smart Canvas 卡通主題系列，錶面場景可自由轉變，按動左側按鈕，可以在4種模式之間切換。採用EPD顯示技術的電子墨水屏擁有300dpi高解析度，在陽光之下可布180°可視角。其採用充電式鋰電池，可有效減少舊電池處理時對土壤和水源的危害。續航時間約3年，電力非常持久。
∇ 除了Hello Kitty系列之外，還有Little Twin Star系列、OTTAIPNU蛙的時間系列及Monotype字的時間系列。
∇ 除了上述二款電子手錶之外，另外一個即將引入香港的日本機械錶品牌「ORIENT 東方腕錶」亦亦有展出，「ORIENT東方腕錶」始於1901年，始創人為《吉田莊五郎先生》，在東京市上野商業區所開設第一家手錶批發店。到現在已經係日本第四大手錶品牌。
∇ 小瑟比較鐘情機械錶，始終其鋼鐵錶帶同指針的魅力是電子錶永遠都不能取代的。
你部手機可能都係靠佢個Home鍵先冇咁易壞炸…..多年經驗制作出多款AI智能Robot機械臂！
汽水機，大家都可能會買過汽水，但如果汽水機多左隻手，你又點睇呢？曾經有部手機的機面按鈕成日有問題，但之後一代又明顯改善左，究竟係點解呢？今次真係唔見識過都唔知，原來 Epson 在工業的層面上已經將 Robot機械人應該係多個不同範疇上，當中包括多支智能機械臂。以下圖為例，通過機械人智能控制系統，可接受訂單之後，以電子收費，再由機械臂同你取出飲品放置。因人手打磨技術未以達至全部一致的精確度，所以用上機械臂後，產能和精確度以及效率上比真人優勝，亦可解決不良率問題。
各種超微細感應式智能晶片 功能超乎你想像!!
∇ 名為 Gyro 的感應晶片能監視其身邊及周遭空間的活動，有助幫助研發下一代的自動駕駛汽車及相關技術。
∇ 原來 Keyless Go 都有 EPSON 的晶片，你架車分分鐘都唔少佢地的產品在內呢。
∇ 全球都有共享單車的概念，近日仲吹到來香港及中國內地，不過衍生的自律問題在我們的民族的確難攪，唔知未來 EPSON會唔會出一粒晶片可以處理埋影相同報警功能的呢??XDD
Conclusion : 「世界 50 大企業之一，以科技去改變世界!!」
小瑟第一次去青島，第一次參與 EPSON 舉辦的創新大會，今次已經係佢地第三年舉辦，而且每年都可以展出各式各樣的新科技，除了可讓大家知道原來一所日本企業絕對唔會默守成規地只做一樣事情，佢地會不停創新去令其產品可以幫到更多人，就以場中的智能機械臂為例，小瑟真係冇諗過原來呢類工業用的產品，佢地已經係由 1989 年已經開始使用，當初只係供自家生產線使用，但多年發展之後，現在已經在國內多間手機生產廠內全面使用，而廠商使用之後亦都減低了非常多的手機不良率。而車上的Keyless Go感應器原來都係 EPSON 研發的產品。這些都另小瑟覺得大開眼界，今次的採訪雖然真的非常辛苦，淨係來回的交通時間都用左二日，一日採訪日，但好開心 EPSON 方面都安排左我地去青島最出名的青島啤酒廠，日頭白白去飲原漿啤真係別有一番風味呢!!!
