大家一連睇 Versa + figo + edlsang 三篇真用家報告後，是否已經很心急想睇返整個 Sony Bravia OLED A1 4K HDR 試玩活動既始末呢 !!? 事實上我地的確已經將整個送機、安裝及三位玩家既用後感一一拍低，而家就等我地一齊用影片同大家重溫返整個試玩活動既開心時光啦 !!! 
sony bravia oled a1 4k hdr tv 76
∇ 過往我地都有推出過不少送機到屋企試玩的活動，次次敲門的都是「送貨師傅」。而今次我地就安排出了 Sony 產品技術專員「葉San」親自送貨加裝機，仲可以即時教埋三位版友點樣可以玩盡部 A1。當日見到「葉 San」在送機當日成日笑笑口，睇來佢都相當期待陣間與第一位版友「見面」時刻喎。
三部全新 55 吋 Bravia OLED A1 讓用家開心試玩
為公平起見，今次試玩劃一用上三部全新未拆封的 55 吋 Bravia OLED A1 型號。相信 Versa + figo + edlsang 三位準玩家見到新促促既 Packaging 後都會有種從心底而發的興奮。而然，今回「葉 San」有言在先，要同三位版友「包安裝」，所以所有拆箱、安裝的功序都由「葉 San」主理，三位玩家只需專心試玩就好了。
∇ Hugo 當日都有隨隊一齊由銅鑼灣 Sony Store 出發，將三部電視分別送到居住於港島，九龍及新界區的三位玩家。起初以為是一件簡簡單單既小事，但只是從東角搭電梯落樓既過程原來都幾考功夫，一邊要幫手頂住到門，一邊又要影相 + 幫手拉0急，真係八隻手都攪唔掂呢。
第一站 – Versa 兄的7.1的完美家庭影院 @ 現役韓系OLED 用家
經過大約 20 分鐘的車程，大家終於連人帶電視送到 Versa 兄屋企。為了爭取時間，「葉 San」一到步已著手開箱工作。由於近年一批大尺吋電視機的包裝都採用活動扣式包裝，所以開箱過程非常簡便。相對而言，Bravia OLED A1 安裝過程中最花工夫的是先要把將底座砌好，並要小心將電源線隨隨插上。
∇ 經歷大約十分鐘左右的砌機時間，整部 Bravia OLED A1 終於可以「自行站立」。一切就緒，是時候「上菜」啦!!!
∇ 基於 Bravia OLED A1 採用支撐架式底座設計，「葉 San」在電視「上檯」前都特意與 Versa 兄一同商議一下電視的擺放方法。
∇ 經歷過簡單的初步設定，大家終於可以見到 Briva OLED A1 的主頁面啦。
∇ 「葉 San」除向 Versa 兄講解基本追台及聲 / 畫方面的設定技巧，他亦重點演示了如何將手機的訊號投放 (Cast) 至電視作播放。
∇ 另外「葉 San」仲教左 Versa 兄調教畫質的一些小技巧，有興趣的朋友記得睇片勒。^^”
∇ 知道新電視將到，Versa 兄亦特意購入了4K 版《攻殼機動隊》作測試。值得一提的是大家起初都以為位處電視機後方的布簾會極為影響聲音的反射效果。但因為 Bravia OLED A1 的中高音都是透過 Acoustic Surface (發聲面版) 直接發出，所以中高音部分仍然能保持高度的清晰感。至於其低音雖然被布簾吸去了部分動態，但整體的爆發力竟然都可保持。 (#Versa兄的試玩分享)
第二站 : figo 兄影音安樂窩 @ 掛牆電視玩家
見到 Versa 兄玩得咁開心，我地一行人就費時再打搞了，轉眼間，我地已去到 A1 試玩的第二站，figo 兄的家庭影院了。望一望錶，原來已經係下午三點幾啦!!! 由於 figo 兄在外地工幹，所以我地在裝機當日暫時要與 figo 兄緣慳一面。而佢就特意搵來好友 + 76 版友 Frankie 兄在送機 / 裝機當日擔任「監工」，確保一切無誤，讓 figo 兄返來時玩得開心。
∇ 由於 figo 兄本身的電視是需要作上牆 「Wall-Mount」的安排，所以「葉 San」入屋後首個任務是先為掛牆架度位，繼而與 Frankie 兄商討掛牆架的位置及電視上牆後的效果。
∇ 由於上牆的工序需時，所以「葉 San」同裝機師傅今次就兵分兩路，師傅度位鑽牆之際，「葉 San」就快快手將 Bravia OLED A1 的背部支持架設定為掛牆狀態，隨時預備作上牆的準備。
∇ 見到「葉 San」的認真樣，專心的男人真係有型呀^^”。
∇ 經過初始化設定，「葉 San」就開始向 Frankie 兄講解一下電視與 4K 藍光機的設定竅門，以便將竅門轉述給 figo兄。
∇ 由於 Frankie 與 figo 本身都是 76 藍光版的忠實版友，所以當「葉 San」提到有關藍光機和畫質的相關設定時都非常投入。(#figo試玩心得分享)
第三站 : edlsang 兄影音之家 @ 現役日系 Plasma 用家
快樂不知時日過，我地來到第三站 edlsang 兄 (Edmond) 之家時已接近傍晚五點鐘。比較特別是 edlsang 兄過去一直是日系 Plasma 電視的用家所以一直因為「黑階」問題而一直未有入手任何品牌的 4K HDR 電視。直至知道 Sony 將會重啟 OLED 的戰線，而我地又能夠與 Sony 促成今次入屋試玩，二話不說已經表態參加。
∇ edlsang 兄指他比較擔心 OLED 會像 Plasma 一樣，經常出現燒印的問題，所以督請「葉 San」可以教教路，親手示範如何啟動手動消印功能。
∇ 「葉 San」強調 Sony 在開發 Bravia OLED A1 面板時已關注到燒印的情況，除了預載「像素移位」及「面板更新」兩種防燒印技術外，其圖像 4K HDR Processor X1 Extreme 更能夠自動追蹤畫面內的「高危」高光位，並將其位置作局部亮度調整，以減低其消印的風險。
∇ 另外「葉 San」仲教左 edlsang 兄 A1 如何可以防燒印技術的小技巧，有興趣的朋友記得睇片勒。^^”
∇ 如果大家想重溫返 Versa 、figo 、edlsang 三位的用後感受，大家不妨可點擊以下的連結，進入討論區細閱他們三篇作品呢 !!!
Conclusion : 「電視始終係睇戲中最重要的一環，一定買部聲畫都正的呢！」
經過左多個星期的測試，幾位用家都有同大家分享佢地玩 A1 時的一些感受，家庭影院又好，就咁開電視睇下戲都好，聲畫舒服自然一定係另大家可以更投入光與影的最佳伴侶，而今次同三位參加活動的版友傾過之後，三位都不約而同地對 Sony 重新啟動 OLED 這個舉動都表示歡迎，而我們都覺得 Sony 在多年的電視經驗如果有 OLED 技術可以將其自然的色彩表現作加持，絕對有如虎添翼的感覺，如果大家睇完這篇報導都心郁郁想感受一下 Sony A1 這部 OLED 電視，就快快去親身體驗一下啦。
