2019年第一張要同大家分享的唱片一定係呢張由『麥浚龍(Juno)』同『謝安琪(Kay)』共同推出的《the album part one》電影化音樂專輯, 呢張唱片其實一出已經引起樂迷搶購潮, 小瑟係各大唱片鋪都已經再見唔到佢既影子, 可見反應非常熱烈。咁岩小瑟在唱片公司的好朋友竟然幫到手, 仲意外地搵到二位幫小瑟簽左個名….真係開心到暈呢!!!😍
期待這個故事可以轉化成電影畫面
今次呢隻碟的確做得好精美, 聽 Juno 之前係電台訪問, 都有聽過佢講, 呢張其實係「一張電影專輯」, 成個故事圍繞住 Juno 塑造既角色－『董折、浦銘心』兩個由17歲初戀, 到70歲的愛情, 以至佢地整個人生, 當中合共會二十多首歌, 今次呢個係 Part One, 所以成個唱片 Project 係橫跨兩年的企劃, 佢地二位用唱樂將呢個愛情故事, 以電影化的方式同大家分享。真係古佢唔到, 同埋竟然比佢諗到係咁…….小瑟個人真係好希望 Juno 做完呢個 Project , 可以考慮下將個劇本再囉出來做一套真正的電影呢…..畢竟, 自從《彊屍》之後, 都有好多年冇睇過佢的新作品呢!!! 當然依家睇返 Youtube 見到 Juno 拍緊的MV, 其實集合埋一起都可能已經係一套短篇電影都唔定呢😍
香港樂壇多位高手匯聚而成的《part one》
今次呢隻專輯其實真係勁多音樂人一同創作的, 首先專輯由 Juno總監製/策劃/編寫, 而監製就交左比 王雙駿及 陳偉強(Jerald Chan)二位, 詞曲創作人仲有 林夕、黃偉文、周耀輝、雷頌德、孔亦佳、澤日生、Edward Chiu、Bert 等。係呢個唱片行業大家都唔看好的情況下, Juno就係希望用事實話比唱片界知道, 只要有心做, 唱片都一定會賣得. 的確呢隻碟出的第一版, 小瑟係各大唱片鋪唔洗三日內已經完全再搵唔到, 第一版好快就比人掃清了!!!
故事式的唱片包裝什具意義
董折 同 浦銘心 呢二個角色係 Juno 係拍攝電影《風林火山》最後一場戲時所萌生的角色, 唱片分開二部份, 頭半部係 Juno 的, 後半部係 Kay 的, 大家各自講返佢地係呢個愛情故事中的情況同心情. 卹!大家可以見到呢張專輯, 跟本就係一本迷你小說, 入面有好多故事中二個人的信物相片之類, 對於喜歡收藏的人絕對絕對珍貴!
Conclusion：『非常有畫面的一張音樂專輯!!』
呢張唱片的音質屬於正常音色, 流行曲好小話要做到點樣發燒唔發燒, 而呢隻碟就主要另人聽得非常舒服, 唔會話開得大聲就會炒耳已經叫做不錯, 今次可以入手呢個版本, 雖然收藏上有一定的難度, 不過以珍藏的角度就非常有水準了. 而且當每次聽泥隻碟的時候, 再去回想返每首歌的畫面, 聽返二位主角的經歷, 不期然令人非常期待 part two 的面世, 希望可以盡快聽到佢地黎緊的故事會點發展. 而呢隻碟絕對係值得入手的作品。
麥浚龍 x 謝安琪《the album part one》曲目
01. 麥浚龍 勇悍・17
02. 麥浚龍 困獸・28
03. 麥浚龍 暴烈・34
04. 謝安琪 一個女人 和浴室
05. 古天樂 謝安琪 一個男人 一個女人 和浴室
06. 謝安琪 人妻的偽術
07. 謝安琪 沐春風
