定價過萬的耳機一定有其獨特之處，先夠膽定出呢個定價，而 Noble Kaiser Encore 上年尾再推出多一個黃銅版本，跟之前的版本一樣，都是採用10動鐵單元，上次的藍色版本，已經比到好多耳機發燒友有『刺激的細節』這個評價，今次將整個機身換上全黃銅外殼，好多人都話會唔會好重好易跌？聲音又會咩改變？不如由小瑟同大家分享一下啦！
10單元的黃銅18K玫瑰金鍍層
之前小瑟都未試過 Noble耳機的，今次一試就係呢隻限量黃銅，所以都說唔出二者有分別，就當新耳機試好了。今次廠方有說，會透過重新調整中音域，令通透度再提升，可以另 Encore Brass 音場變得更廣闊，而且可以再三抑制耳機腔體震動，另密度提升，而且製程複雜，所以 Noble Kaiser Encore Brass 只會全球限量發售，僅生產150台，非常珍貴。其實今次 Noble Kaiser Encore Brass 限量版是為左向 Kaiser Encore的成功致敬，Brass 版本是使用18K玫瑰金鍍層。 Encore Brass 保留了佢地知名的 IEM 耳機 K10的音樂感，並重新調整中音，務求可以將耳機提升清晰度和更準確的平衡度。今代集中在中頻改進讓耳機可以有更大的聲場和臨場感。
黃銅咁重佩帶上會否好易脫落?
好多人都會擔心, 隻耳機用到黃銅咁重, 會唔會好易喙落黎?? 呢個大家可以放心, 雖然耳機全隻用上黃銅物料, 機身的確係有返一定的重量, 但配帶上耳都非常穩固, 絕對唔會有想跌想跌的感覺, 佩帶亦都非常舒服, 呢點大家可以放心!
CONCLUDSION：「珍貴之餘需要用心機慢慢煲出動鐵的味道來！」
小瑟都聽左呢隻 Noble Kaiser Encore 黃銅特別版好一段日子了, 的確用上動鐵單元的耳機, 跟平常聽開的動圈耳機有幾明顯的分別, 尤其去到10隻單元咁多, 係分頻點的配合, 單元的煲練, 小瑟都覺得需要最小70-100小時左右, 整隻耳機的三頻先會開始進入狀態, 當耳機進入狀態之後, 你就會聽到平時好小聽到的音樂中的一點點比較難聽到的細節位. 而 Kaiser Encore Brass 性格都係偏向仔細型, 聽古典, Jazz , 女聲會非常過引, 因為佢的確係可以做得一個幾廣闊的音場環境, 而且條線係幾幼滑的類型. 而又因為佢係斯文向, 所以你會聽到就連低頻的聽感都好唔同的, 低頻係快而爽, 短身型, 如果你係聽開動鐵耳機的朋友, 應該都會接受這個音色的。Kaiser Encore Brass可換線，插頭為CM多用的 2-pin 設計, 接觸耐用性比較有保證。
Noble Kaiser Encore Brass 規格重點
♦ 單元：每邊耳機使用10顆Knowles動鐵單元
♦ 外殼：全新一代NOBLE精密加工的全黃銅外殼
♦ 線材：可換線設計，插頭為基準的2-pin設定
♦ 售價：HKD $19,980（全球限量150對）
