本週熱話非常之多, 有 Denon 110週年推出 AVC-A110紀念版AV擴音機, 竟然在 AVC8500之上仲有一部勁野, 天龍迷呢次真係人生交差點勒. 另外 B&W 25週年推出左全新 600喇叭系列, 性價之可說非常之高, 仲有埋中置同書架, 讓大家可以用BUDGET以內就一套B&W西裝入手, 又係非常吸引. 而 Marantz 亦都非常積極, 非新轉款推出 30系 Hi-Fi 西裝, 讓馬仔迷可以享受到最新 Hi-Fi. 仲有 iPhone 12竟然有藍色, 真定假呢?? 睇圖又真係好吸引呀!!!!
天龍 110 周年家庭影院矚目第一擊 : 推出 AVC-A110 8K AV 擴音機【影音新聞】
為咗慶祝天龍品牌成立 110 周年，天龍最近就公佈會推出 4 款周年版新作，當中包括咗 AV 擴音機 AVC-A110 、 兩聲道合併機 PMA-A110、SACD 機 DCD-A110 同埋 DL-A110唱頭。所有周年版新作都採用咗石墨銀配色，當眼處更有 110 周年嘅慶祝標誌黎突出特別版嘅特殊身份。家庭影院發燒友嘅焦點當然係 AVC-A110 啦, 佢係一部13.2 聲道擴音機黎嘅，定價 68萬日圓左右，換算港紙就大約$49,000左右，暫定會係今年 10月初係日本搶先推出。 AVC-A110 開發目的係要打造比 AVC-X8500H 更強嘅 AV 旗艦機。包括咗 8K輸出同埋 HDMI 2.1輸出，究竟幾時會係香港推出呢，就要留意我地 Post76新聞中心，Youtube 同埋 facebook 專頁啦，一有消息就會第一時間同大家分享啦。
🧨詳細新聞內容 : https://post76.hk/news/2020/09/denon-avc-a110/
麥景圖出售名廠膽機品牌 Audio Research??【音響資訊】
麥景圖集團近日宣布將旗下膽機品牌 Audio Research 出售到佢地前北美銷售總監 Trent Suggs 私人公司 TWS Enterprises。Audio Research 係過去 6 年均為麥景圖集團旗下品牌，保留了品牌一貫特色之外，更係造工用料設計等方面多加著墨。官方聲明指新公司將會致力提高 Audio Research 品牌聲譽，會專注係品牌文化同埋產品推廣上面，希望一D搶手型號係市場上可以再創佳績。未知新機幾時會推出比香港一眾發燒友可以聽到呢!?
🧨詳細新聞內容 : https://post76.hk/news/2020/09/mcintosh-group-audio-research-trent-suggs/
B&W 25週年經典 600 系列喇叭紀念版全新上市【音響資訊】
今年係 B&W 喇叭品牌 25週年,佢地會係今年 9月推出全新 600系列週年紀念版喇叭。新作秉承左前六代產品性能同埋音質特色，箱體內所有組件都做?全面革新。新作 600系列除左座地同書架喇叭之外, 仲會有中置喇叭, 會係大家?家庭影院入門之選。而B&W產品營銷及傳播總監表示 600 系列週年紀念版係公司其中一個得意之作。今次希望致力將開發?專利組件同技術令大家眼前一亮!
🧨詳細新聞內容 : https://post76.hk/news/2020/09/bowers-wilkins-25-years-anniversary-600-series/
Marantz MODEL 30 合併式擴音機+播放機西裝全新登場【音響資訊】
馬蘭士會係今個月係日本推出新成員 MODEL 30合併式擴音機，定價大約係 27萬日圓, 換番港紙即係 $19,689 蚊左右。前級採用大型環牛設計，放大方面係 D 類放大設計，可以提供 2 組 200W / 4 ohm強勁輸出。同時推出仲有 Marantz 30N , 具備網絡功能 SACD 播放機，定價亦大約係 27萬日圓。除了對應 SACD 同埋一般 CD 播放之外 , 仲可以支援 HEOS 平台以及多個音樂串流平台, 新機有非常新穎外觀設計, 如果大家想換機的話, 今次換機一定呃唔到屋企老婆啦!!
🧨詳細新聞內容 : https://post76.hk/news/2020/09/marantz-model-30-sacd-player-30n/
PS5 3D 聲效無需帶耳機一樣 Feel 到!?遊戲製作人一致讚好! 【遊戲資訊】
理應會係11月推出 PS5消息已經傳到滿天飛啦，而一眾玩家對呢部新世代主機期待也相當高。繼早前釋出 Game Play 畫面之後，今次帶來的消息一定令各位玩家相當驚喜 ! 近日就有消息指 PS5 將會有「革命性」的 3D 音效體驗。據講全新 3D 聲效引擎命名為「Tempest」，聲稱可模擬雨點滴落黎的聲音，而且係獨立每粒雨點都聽得出 , 非常有 Dolby Atmos 感覺喎! 而《生化危機》製作人竹內淳亦表示，呢個聲效系統係為左有更好「驚慄遊戲」體驗而設，大家就唔需要買好昂貴的電競耳機都可以好好咁體驗到「心驚膽顫」的感覺了。不過點先可以出到呢個效果呢? 我地可以拭目以待啦!
🧨詳細新聞內容 : https://post76.hk/news/2020/09/ps5-3d-sound-news/
Qualcomm 全新降噪技術 全面提升降噪層次 【耳機資訊】
Qualcomm 在 IFA2020 上宣佈推出全新降噪技術 , 「Adaptive Active Noise Cancelling」，可以為真無線藍牙耳機提供更好的降噪效果。廠方表示呢個技術將會更全面適應用家的配戴習慣，等用家不論係通話定係音樂播放上都可以有更連貫的享受。呢個新技術將會係接下來生產的晶片內配置，而且預計係 2021 年發售的真無線藍牙耳機上就已經可以享用啦。但其實呢個功能好似係其他無線耳機品牌上已經有出現過啦喎, 究竟Qualcomm又會唔會比到驚喜我地呢?
🧨詳細新聞內容 : https://post76.hk/news/2020/09/qualcomm-adaptive-active-noise-cancelling-news/
iPhone 12 終於要出啦 ! 而今次大家要留意嘅一定係呢個「藍色logo 」啦!!【手機新聞】
每年蘋果產品發佈會一般都定喺 9 月發生，喺蘋果位於美國嘅總部舉行記招。但由於今年疫情關係就要轉為網上進行。今年最特別嘅就係請柬將蘋果 Logo由黑色變成藍色啦 ! 睇返早前原來唔少外國科技網站都傳緊今年 iPhone 12 將會首次推出粉色系列，當中以藍色同粉紅色最「大熱」。亦因為咁，當大家睇到呢封請柬個陣，唔少果粉都再一次相信今年 iPhone 12 應該會有「粉藍色」或是藍色系列登場啦。
🧨詳細新聞內容 : https://post76.hk/news/2020/09/iphone-12-launch-date-news-blue/
