Hugo 之前大大話話都為過 Nakamichi SoundStation 同耳機做過好幾次評測，基本上對佢既產品定位同調音標準都有返咁上下認識！咁今日 Hugo 同大家實試既係佢最新推出既 SoundStation 9W，相比同系列型號 8W，呢個型號就附加左 HDMI ARC 同以無線接駁超低音！係使用上更為方便！咁究竟佢既實際操作同聲音表現又會係點既呢！？？ 而家就同大家睇睇啦！
Nakamichi SoundStation 9W Soundbar 系統為 2.1 聲道設計，機身主體長 970mm、高 75mm，支援掛牆及座臺安裝！佢内置左一對 1 吋高音單元及 4 隻 2.25 吋全頻喇叭！更自帶一個 8 吋無線超低音，組合總輸出為 120W！接駁方面佢有 HDMI ARC、光纖、RCA ，更可支援藍牙接駁及直讀 USB 手指播放音樂添！進階音效模式方面佢有音樂、電影及對話三款預設模式可快速選擇，方便大家可因應喜好同媒體類型做設換！
總結 Nakamichi SoundStation 音質係預設情況屬於中高音分析取向，定位感覺非常好！電影模式會擴大音場, 不過會令對白聲過分分散！SoundStation 9W 2.1 Soundbar 主打入門簡易使用取向！基本上無任何多餘功能，所以進階功能都係集中係聲音 EQ 方面，令新手都可以即刻上手！比較可惜係佢只能夠支援 PCM 輸出，無特別支援其他電影音效解碼，所以無係 3D 音效增強方面著墨！但勝在高、低音可獨立調較，同有三款Preset 可選擇！最尾一提係佢預設狀態下既中高音係偏多少少，所以大家按自己著略減返少少 Treble 就掂啦！
