唔少朋友都有用開Apple Music，雖然佢肯定唔係最高音質，但就勝在夠多音樂選擇，中西日韓樣樣齊。2021年時，Apple就曾經推出過最入門的Apple Music Voice計劃，香港月費只需$28，雖然功能有所刪減，但當時正值推出HomePod mini，主打同Siri講就有歌聽的功能，確實抵玩又方便，不過，由11月起，Apple已正式將Apple Music Voice計劃取消，有關月費計劃用戶都不獲續約，而暫時仍未有替代方案，如要繼續使用Apple Music，就只可轉用標準的個人或家庭plan，目前月費分別為$63及$98。
就取消Apple Music Voice，Apple表示現時正專注於發展多項提供最佳音樂體驗的功能，例如是空間音效、即時顯示歌詞的卡拉OK功能「Apple Music Sing」、以及簡單易用的操作方式等，而現在所有Apple Music的用戶都已經可以通過Siri實現無縫的連結及操作，日後將繼續加強有關語音操作相關的體驗。無可否認，對只求有音樂聽下的用家來說，$28的Apple Music Voice實在非常抵玩，但實際用起來就確有不便之處，有無用過嘅師兄分享下心得？
