今次B&W同碧咸首次合作，將佢對聲音品味嘅追求結合到耳機之上！碧咸話佢一直都係 B&W 嘅粉絲，對性能同設計都好重視，所以今次合作亦最自然不過。佢早喺2010年已開始用B&W大耳機P5，而今次廣告，佢就選咗用同系列嘅最高級型號 Px8！
Px8 設計簡潔，但用料同造工都反映出傳統音響廠嘅堅持，用咗頂級壓鑄鋁金屬機殼同頭帶金屬臂，皮革頭帶同耳墊用咗柔軟透氣嘅Nappa皮料，貼合度高、親膚和隔音效果都好好！
今次B&W打破常規同國際球星合作無疑是一次新嘗試，成功將B&W嘅影響力由音響界延伸至體壇！追溯過去碧咸曾為多個國際品牌代言及參與幕前演出！當中最引起公衆回響舉動必數2018年現身電影《死侍2》宣傳片及去年身穿名牌内衣修理家中電視，都引發過一時佳話！
