Marantz近日發表將會推出一部纖巧型一體化串流擴大機Model M1，體積只21.7 x 24 x 8.4cm，即係佔用面積有如A4紙。適合小空間使用，佢可以簡單地成為你家中嘅音響系統中心，接駁電視、CD播放器等音訊來源，再簡單接上喇叭即可使用。
機身設有實體接駁有一組RCA，一個光纖輸入、一個USB A輸入、Ethernet插座同一個低音喇叭輸出。佢有一個HDMI eARC輸入，可以用於連接電視。
支援Dolby Digital+解碼，對白增強功能、夜間模式同虛擬立體音場功能，可以簡單取代Sound Bar功用。
DA轉換能力達到PCM 24-bit/192kHz，亦支持DSD64同DSD128播放。無線接駁有藍牙功能、Wi-Fi配備咗HEOS串流功能，支援AirPlay 2、Spotify Connect，Tidal及Roon Ready支援將會喺稍後嘅更新中加入。可喺家中任何地方串流音樂。
擴音部份有100W x2（8ohm）輸出，同時有會有EQ、高低音調整功能。美國方面定價會係1000美元，即大約7800港幣。
