係上次 809既活動上, 安橋 KK係臨走既時候, 已經講到明5009出新機, 一定要第一時間比我, 等我再一次中佢地既圈套…………….~_~. 近日, 大家都知5009已經見街, 而小瑟屋企呢日就真係無啦啦多左舊大石頭………..好重, 真係好重, 老實講, 試 AMP 的確唔係一件好開心的事, 因為大家都諗到, 又要換線, 又要搬餐死, 最後試岩中左仲大鑊, 又要科水, 真係小D心機都唔掂, 但講返轉頭, 小瑟可以免費第一時間試到新野, 又可以將呢 D 全新型號既擴音機, 係自己屋企既小小玩樂空間, 真真正正咁, 實牙實齒地, 囉返哂自己既架生認認真真試玩, 呢個”福利”又的確可以幫小瑟容易地選擇正確+止唔小痕, 事關好多時係SHOWROOM聽, 同返到屋企, 始終都係二回事, 呢樣野相信好多師兄弟妹都試唔小, 係SHOWROOM聽真係好正, 買左返屋企, 唔知點解, SET來SET去都唔係果回事, 呢D CASE就最常見, 所以, 點解小瑟到依家都仲係樂此不疲地, 問代理借機返屋企玩就係呢個原因呢!!!!XDDDDDDDD
開箱文 ~
好勒, 唔講咁多, 開箱時間到, 一開箱, 個自動調校音場既MIC就第一個彈出黎先, 呢MIC合如果我冇睇錯, 應該係同我部5507前級係一樣的, 當然我冇咁得嫻又囉返我果個 5507既MIC出來比對啦, 對嗎!!!! 另外仲有REMOTE, 說明書一炸對小瑟來講唔重要既野勒……………當小瑟以後5507同5009既REMOTE係一樣既時候, 睇真D, 原來係唔同同的, 而小瑟想用5507既REMOTE去控制部5009, 點知原來係唔得的, 冇計, 入電啦老友!!!!!
機背一覽 ~
之後就睇下5009既背面先, 貴為 Onkyo 合併機上的頂級, 鍍金端子就一定唔小得架勒, 7入2出既 HDMI, 我相信都會好夠影音發燒友用勒卦, 而最低果行就係喇叭插位, 11聲道既喇叭比你插哂又點話(不過唔會出哂聲之麻~XDDDD)
外型及規格 ~
今次09系既OUTLOOK就來了一個大變身, 好定唔好呢下野就好個人既, 不過小瑟個人就幾鐘意, 可能睇得舊既安橋機太耐, 都有D悶悶地卦~~XDDD
做得機皇, THX 同 ISF認證就一定唔小得架勒, 而 NR5009既 THX 認證係屬於 THX Ultra2 Plus 的, 大家可能都會知道, 好多時THX又有 THX Select, THX Ultra, THX Ultra2, THX Select2, 依家仲有埋 THX Ultra2 Plus究竟係點分架呢?? 其實好簡單, THX家庭影院方面, 大致分二種的, THX Select 同 THX Ultra, 得到 THX Ultra認證的, 係適用於3,000立方英呎, 或者更大的空間使用的器材, 即係大野, 而獲得 THX Select 認證的產品, 品質要求同 THX Ultra 標準係相同的, 但功率要求就相對效低, 適用於2,000立方英呎左右的房間使用, 而 2 或是 2 PLUS, 就係新的技術或新格式而不停作出升級的.
除左 THX 同ISF之外, QDEO呢個晶片名稱相信大家都唔會陌生架啦, 呢粒CHIP係視頻上的改進, 已經差唔多成為呢二年間, 影音界畫面正斗既標準, 佢既影像處理能力, DVD升頻, VCD升頻, 老實講, 真係一絕的, 所以有得呢個晶片既機種, 畫質一定有返咁上下, 而 809開始一路上, Onkyo都將所有既機種用上呢個 QDEO既晶片, 而佢地更加係第一個生產商用上 QDEO第三代的晶片, 而市面上, 用到第三代的暫時仲係只有 Onkyo一個品牌, 其他的都仲係用緊上一代的產品呢!!!
另外, 機身有個好 SHARP既 LABLE, 上面印住 “Spotify Inside”, 小瑟冇去深究係咩, 如果大家知道呢個係咩來, 不妨話聲我知啦!!!!
機內布局 ~
雖然非常之咁心急, 不過點都要開一開車頭蓋, 比大家睇一睇呢部5009先啦, 新既系列全部用上六角匙既縲絲, 再唔係以為咁用十字批就可以開到架勒, 呢點大家要留意一下勒!!!
內部既布局最顯眼當然就係 Onkyo最把炮既”H.C.P.S. 巨型大電流變壓器”啦, Onkyo今次09系唔知呢隻野有冇變過, 就咁聽就好力水左好多勒, 之後就係其他既電容呀, 同最上層既各式各樣既影同音既晶片處理器啦.
機身依家仲多左個散熱位, 相信都係希望多個位比部機可以提供到對流式既散熱呢, 始終 Onkyo 既機有幾熱, 我諗好多師兄弟都已經知道架啦~~~~XDDDD
開機設定 ~
好勒, 萬事俱備, 正式開機試玩, 依家三部機咁疊羅漢, 小瑟真係唔係好想, 如果可以退返部 5507比佢地就好呢!!!!~_~
拿 REMOTE 二個, 外表睇好似一樣, 不過就唔可以交換來用架勒~~~
好, 開機就先進入MENU SET好哂D基本設定先, 用開 Onkyo機, 三扒二撥就攪掂哂基本設定勒, 一於開聲聽完再慢慢調校先!!!
埋牙試機 ~
好, 首先先來搵亞葉問大哥來試試先, 小瑟搵來街市惡鬥一段來做測試, 首先來一段葉師兄對話, 對白清晰對辨, 人聲厚度適中, 初步OK既, 不過聲既驚喜都唔大, 畫面就真係 FEEL到有 D料到, 畫面色深好高, 鮮艷得來又唔會太爆太搶, 尤其面色處理非常討好, 邊位夠利但唔會起”渣”, NOSIE控制亦交到功課, 果然係QDEO第三代既處理下, 畫面既進步的確幾明顯呀~~~~
好勒, 葉師兄郁手勒, 一陣陣背景音樂已經另小瑟投入戰鬥中, 而好多唔同既打手衝向葉師父時, 定位非常準確, 打鬥間既連貫性亦都好好, 力水方面, 5009就對住小瑟既書架喇叭, 只可以用”卓卓有餘”來形容, 而5009既聲底上跟 Onkyo 既傳統聲底可以話係一默相承的, 讓小瑟聽起來有非常大的親切感呢!!!!!
之後就換上又係丹爺既作品, 導火線, 大家都知道港產片低頻係特別誇張的, 而呢套都唔例外, 不過我就會選用飛車一段去測試一下環迥效果既定位, 係一幕東區走廊的追逐戰, 架車由左去到右方, 前方三個喇叭既定位非常之好, 左中右三隻由畫面一路咁掃過去, 非常之過引, 比小瑟有係公路上的現場氣氛, 整體氣氛非常不俗.
再試鄭秀文 LOVE MI 演唱會藍光, 小試一段上帝早已預備, 音樂感不俗, 音場包圍感亦好, 屬於圓潤厚聲類型, 但細節方面就始終比較小左D, 但換來就係演唱會氣氛搭夠, 可能小瑟喇叭上係以電影錄音室監聽為主, 聽歌始終都係比較上小了一份生命感. 但在畫面上, 5009又真係冇咩好投訴, 大家可以見到呢節MV, 鄭秀文既歌衫係非常特別, 有好多雷射燈射出黎的, 經 5009 HDMI OUTPUT出TV既立體感, 真係好有”彈左出黎”既感覺, 我諗, 如果此機配上100:投射, 一定會睇得非常過引呢~~~~
後記 ~
小瑟依家屋企用緊既係前二代既前級5507, 相比起依家最新既合併式 5509, 畫面上的確改進了很多, 而力水方面, 因為小瑟係用前後級分開處理, 所以呢方面冇得直接比較, 不過就以小瑟屋企細細地方來講, 其實一部合併機已經夠哂照, 如果你心目中, 已經考慮緊升級, 轉會, 一路核入手頂級既型號, 我相信 Onkyo 可以比到大家既C/P值, 係好多牌子所不能夠做到的, 如果以呢個定價只係HKD$20,000玩左右的AV AMP來講, 無論係聲, 同畫, O記真係賣哂大包的, 而如果你本身都已經用緊上代機皇又對畫面有更加多既要求, 或希望再進一步提升畫質既表現, 小瑟相信 5009係絕對可以滿足到你的需要, 因為無論畫面亮度, 淨度, 細緻, 色澤, 新一代既 5009 不會另到任何一位對畫質有要求的朋友, 有投訴的機會呢~~~~^^”
以下係官方 Onkyo TX-NR5009 的詳細規格 ~
TX-NR5009 9.2聲道網絡影音擴音機
THX® Ultra2 Plus™認證
ISF (影像科學協會) 視頻校正功能提供完美影像效果
通過Marvell Qdeo™技術實現HDMI視頻上調轉換至4K
用於新環繞聲道的DTS Neo:X™, Audyssey DSX™及Dolby® Pro Logic® IIz
高質素HQV® Vida™ VHD1900視頻處理器
用於有效電源供應的兩個22,000μF定制電容器
抗震的獨立面板設計
用於所有聲道的VLSC™ (向量線性修正電路)
280 W/每聲道，6 Ω，1 kHz
HDMI®支援3D, 音頻回傳通道, Dolby TrueHD, DTS-HD Master Audio, DVD-Audio, Super Audio CD, 多聲道PCM
8組HDMI輸入(1前7後)及2組輸出
兩組USB端子; 兼容UWF-1無線網絡連接器 (通過前面板USB端子)
iPod/iPhone可透過前置USB端子作直通數碼傳輸
通過iPod/iPhone及Android電話利用Onkyo遙控應用程式控制影音擴音機
用於房間音量較正的Audyssey MultEQ™ XT32
可播放本地網絡的音頻檔案 (MP3, WMA, WAV, LPCM等)
透過vTuner, AUPEO!實現互聯網廣播連通性
Windows 7及DLNA 1.5版本認證
用作音/視頻播放分配不同房間的2/3區域和2/3區域前置輸出, 及2區域視頻輸出
三級反向達寧頓電路
H.C.P.S. (大電流電源供應) 巨型大電流變壓器
巨型變壓器及分別用於音/視頻處理的2個分離變壓器
所有聲道均採用先進TI Burr-Brown 192 kHz/32-Bit DACs (PCM1795 x 6)
高級 32 bit 處理 DSP 晶片
雙功放能力
W x H x D: 435 x 198.5 x 463.5mm
重量: 25kg
歡迎進入我們的影音玩樂討論區發表意見.
http://www.post76.com/discuss/viewthread.php?tid=84629
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
