二樓房尾, 就係小瑟老友記方浪音響 Kent 哥駐場地方勒, 之前都有講過今年方浪會有新產品就係 Illusonic IAP2 呢個「數碼房間處理」, 利用佢的精準收音咪及數碼處理, 可以將大家的器材與聆聽空間作出修正, 讓大家的器材可以係你屋企都可以全面發揮, 真係 2 Channel 都要科技化, 以前成日講 AV 就有得玩音場教正, 依家就連 2 Channel 都有, 而佢巴閉的地方就係除左 2 Channel 之外, 就連大家的家庭影院多聲道都可以作音色修正, 正如小瑟係 IG 都有講, 咪以為 2 Channel 就一定只可信, 不要問, 依家就連 2 Channel 都可科技化, 有哂數據來玩, 咁先配合現時玩 HiFi 的要求呢!!!!
∇ 由 Kent 親自同大家介紹是日展覽重點, 發燒友們又點會唔聚精會神呀???
∇ 玩音響, 電呢一環又點少得呀?? Plixir 電源處都係方浪今年的全新產品.
∇ 就係呢部 Illusonic IAP2「數碼房間處理」可以另你的器材在房間發揮最大潛能, 據 Kent 講, 佢地會先將喇叭位置擺好, 之後就會收集房間內的聲音數據, 再將數據 Send 去瑞士總部讓 Illusonic作分析, 再 eMail 回 Kent 手上, 再將數據載入IAP2上, 就可以將房間的問題修正, 讓你的系統得出最好最靚的表現, 都咪話唔勁. Illusonic IAP2 除左可以測量 2 Channel之外, 佢最高的型號可以測量 16 Channel,亦有HDMI輸入, 即代表可以為大家的家庭影院作出測量, 非常多功能.
