有冇模型車友? 今日香港玩具節2016正式有得睇, 祝大家買到限量版車仔! 哈哈!!
萬眾期待《香港玩具節2016》將於今日一連三天7月15至17日假九龍灣國際展貿中心3樓匯星及展貿廳2舉行。今屆比上年香港玩具節規模更大，面積有成60,000呎，精彩活動包括免費任玩任試過百種玩具、展出超過千款精彩玩具、第2屆香港TOMICA車展、發售會場限量版及預售具收藏意義既特別版玩具, 多到數唔晒，一家大小唔玩都睇飽。
2016香港玩具節活動資訊
7月15日(星期五) 至17日(星期日) 11am – 9pm
地點: 九龍灣國際展貿中心3樓匯星及展貿廳2
門票 於會場即場發售 (HK$30/張)
大會將為大家提供免費接駁巴士來往紅磡香港體育館（上車點設在黃區）同九龍灣國際展貿中心。每30分鐘一班，每班車設有50座位。
❉紅磡→九龍灣國際展貿中心 (1030-1930)
❉九龍灣國際展貿中心→紅磡 (1300-2100)
紅磡站上落地點如下：
今屆場地在九龍灣國際展貿中心3樓匯星同展貿廳2，面積比上年大差唔多接近5成！除咗有大量參展商之外，喺展貿廳2仲分為三區：攤位遊戲區、懷舊玩具墟、100元3件特賣場。想知道更多就請參考以下圖片喇！
依個玩具節最多人熟悉一定非日本Tomica莫屬, 大人細路都一定識, 亦肯定係迫死人攤位之一
而香港陀地一定係Tiny, 今次仲一次過出好多好多陀地車比大家. 唔怕揀唔到只怕係無錢唔一定AV先發燒 依個模型系列專比發燒友
黎一個Hobby比收藏家,細細架容易收藏
愛車友一定識Dabox toys, 真係好多精品 Greenlight, Ebbro, IXO, Wits, Hi-Story, Paragon都係正野
依架會場限定，Minichamps與Tarmac Works合作生產，只出96部。15/7 星期五開賣，每日都會分配限額。每部$600元。
當然少不免有模型份, 但比例上冇模型車甘多
影下相玩下攤位Game可以帶埋小朋友黎 (Attenion : 人真係好多)
