Post76 版聚日- 2007/8/23
今年真係比較繁忙, 係岩岩係8月又要搬屋, 所以攪到今時今日已經係23號了, 都未有就17號既版聚寫返篇回憶錄……
不過好在, JASON好快就寫左一個小小既簡述, 幫我手解決左時間不足既問題!!!
呢次版聚其實都編排左差唔多個幾月，但始終一人多就好難遷就晒咁多人，anyway今次出席唔到呢次版聚既朋友唔使失望，黎緊實有機會。
講返呢次版聚雖然人數唔算太多，但最後都有成一圍檯，是日出席既朋友有小瑟伉儷、Jones、ming sir、元外、大佬john、radhk、ronald、roy仔、ah nel、雷因、lkljason同首次join我地大家庭既導演。(排名不分先後，有講漏既請勿見怪)，陣容都幾鼎盛架！
今次去既地方都係比較新既，好多朋友都係首次去既Mega box裡面既德興，去得德興既當然就係….嘻嘻，你地無估錯，就係打邊爐勒，今次我覺得都算係一個紀錄，竟然飲左成40枝大啤 (犀非利)，果然名附其實叫不醉無歸，而今次出到黎同往時一樣，天南地北乜都傾一餐，我諗成場最嘈就係我地果檯，好彩無比人投訴姐 。
呢次主打話題除相機外 (最衰威廉唔o係香港出席唔到，如果唔係就更加震撼勒，到時檯面就唔係擺打邊爐既野，而係擺相機鏡頭宴 )，仲有阿Roy仔要改名做MK男 ，詳情係乜就要追追Roy仔d post，仲有就係大佬John初入情關要請教各位大大教路，當然呢d環境個個都比唔小意見大佬John啦。
今次因為JASON要接老細，所以要早點閃人，大約 10點幾就走勒，其他朋友就大約12點鐘倒散band，聽講仲有幾個朋友有下文再去飲過，估唔到post76 d朋友仔真係幾飲得播！
今次去完呢個版聚之後, 因為大家都覺得地點係一個幾重要既因素, 好似太嘈啦(我係指我地呀!!xddd), 同埋鋪頭早收啦, 都係我地下次版聚要改善既地方.
