2007年12月2日, 一個陽光普照既下午, 是日係每年POST76既週年版聚日子,不過今年因為時間緊迫, 攪得比較急, 所以有好多版中既元老都未能抽空出席,係呢度我先同大家道歉先, 因為我自己都忘記左12月2日係版聚週年日………不過唔緊要, 今年黎唔到既就下年啦, 反正每年都一定會係 12月2日呢個日子攪一次版聚既,希望到時可以見到你既出現啦!!!
今年好特別, 因為今年我地再唔係係夜晚同大家食飯隊啤咁簡單, 而係一家大細BBQ….冇錯, 今次係健康到無論既 BBQ, 而地點就係係西貢白石俱樂部, 大家就約好係沙田集合,之後就搭俱樂部架車一齊入去勒, 不過好唔好彩, 我地等車都等左成個鐘, 下次如果真係有機會再去呢個地方,最好都係搭火車去到馬鞍山再轉的士穩陣, 因為佢地所謂既穿梭巴士, 都唔知咩解可以一黎就已經爆左九成既……喂大佬, 我地係總站來架麻….玩野咩!!!!
而當日大家都唔知咩解, 鬼屎咁肚餓, 差唔多由天光食到天黑, 中間大家仲買左個”演”係度玩,都不知玩得大家幾高興之後大約飲飲食食到大約晚上 8:00鐘左右, 大家都開始食飽哂勒, 因為第日有小朋友都要返學就咁, 大家就懷住開心既心情, 搭車歸家了………
