小瑟不嬲都當釘腳呀, 咩化震板呀, 呢D小工具只係一個小幫助, 頂盡只係可以幫到屋企既器材好一點點, 聲音定一點點, 所以大家見小瑟上次 “小投資, 小改善” 一文中, 都只係用幾十蚊就買左呢粒土炮木腳來當喇叭腳就算了, 而所有既機底下, 更加係唔會有咩釘腳設備的, 但早排同大家攪團購 X60同X40, 訂開 Viablue野, 上左佢網度睇一睇, 之後就見到呢粒野, 心諗, 呢四粒野雖然唔知咩料, 不過睇個Outlook, 真係好型仔, 就算買返來, 唔打得, 都一定睇得啦, 況且, 以 Viablue 既 Product 來講, 佢D野汁數都有一定既保證, 加上佢又唔係貴, 為返都係700蚊樓下, 絕對底試.^^”
就係咁, 連爬文呢個動作都未有就同九爺一人訂左四套返來, 我二套, 九爺二套, 而返左貨之後, 呢件野一路都係擺係屋企, 未正式開返開過, 只係囉返屋企第一日, PAT PAT痕放左係隻CAS 喇叭 AW2下, 一試……..譁…………..成隻喇叭好似得返高音, 冇咩低頻, 心諗唔係咁誇下嗎, 之後果幾日, 因為都比較忙, 就咩都冇試擺左係度, 仲當佢係流料!!!!! 點知……………………..
星期五晚, 我同九爺就約左76西毒歐陽峰(fungl), 上佢屋企做家訪, 心諗有你冇你, 帶埋四粒野去, 毒毒佢先, 係效完機之後, 因為佢前面三隻喇叭同後面三隻喇叭因為牌子問題, 前置B&W係屬慢聲沉厚一類, 同後置小寶寶高音突出完全成了一個大的落差, 所以聲底出現唔一致既問題, 我同九爺都已經去到攪冇可攪, 因為喇叭既性格定好哂架勒, 要set EQ去就唔係唔得, 不過唔係一時三刻可以做到, 另外用EQ又好易唔衰攪到衰, 所以最後, 去食飯前, 西毒同九爺亞個就試下放呢四粒野去部ONKYO 906既機底(留意, 係放左係部AV AMP底下呀), 睇下有冇效果勒!!!! ^^”
食完飯返來, 其實本身小瑟都對呢件化震腳冇咩大期望, 因為心諗, 聲底係咁, 做咩都冇用架啦, 放左隻腳最多咪D聲靜小小同穩定D, 點知…………..一開返老變三, 九爺聽左一陣, 即時彈起身, 同小瑟講(因為小瑟當時仲吹緊水, 跟本都不以為然), 喂………….. 唔係喎, 你聽聽, 前後聲夾返好多喎, 依家前面三隻D高音出返哂黎喎, 當時, 除左小瑟同九爺, 西毒峰之外, 飯後我地仲JOIN埋 線皇六 同 狐少俠, 呢個時間, 大家開始留心再三聽真………………小瑟聽左一陣, 已經心暗驚喜, 真係好奇妙喎, 依家三隻前置好似立時開返聲, D高中音出返哂黎, 高音既清脆聲, 細碎聲, 全部對返哂辨, 好恐怖呀~~~~@.@!!! 究竟呢粒野入面係咩原理呢!!!!??? 點解可以放係部AV AMP底, 會另到喇叭出聲都唔同哂既….??
好誇張呀!!!!
當晚, 小瑟, 九爺, 西毒, 線皇六, 狐少俠, 幾個就呢個”Viablue化震腳”上, 來來回回, 反反覆覆, 有腳冇腳, 換線加腳, 換線飛腳, 不停咁轉來轉去, 玩左好多不同既組合, 結果, 得出黎既答案…………………係每人之後要左二套, 另到香港暫時來講, 唯一既現貨都應該冇哂了!!!!XDDD
而之後返到屋企, 本來一向怕麻煩, 怕辛苦, 怕重既小瑟, 都的起心肝, 將二部加埋過百磅既前後級, 一個人鬥起佢, 放左四粒落去, 效果係點……留意下一集啦~~~~~哈哈!!!!!!!
.
歡迎進入我們的影音玩樂討論區發表意見.
http://www.post76.com/discuss/viewthread.php?tid=92388
申延閱讀: 六爺外傳 ~ 四個轆+五條磨轆=齊齊中曬毒!! Viablue TRI Absorber!!
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
