「電子裝置太多，HDMI 電視不夠用」可說是大家生活寫照，過去大家可能利用一個 HDMI Hub (切換器) 簡單地解決所有問題。而來到 4K 時代，一般平價 HDMI 多數對應不到 4K 訊號，能夠支援 HDMI 都一定唔會平，直接入部入門擴音機都可以話係最萬存之策。一般標準 AV 擴音機都會有 5-7 個 HDMI 輸入及 2-3 個 HDMI 輸出，在搭配上會有更多可塑性。擴音機在 HDMI 直通 (passthrough) 模式都會為 4K 以下訊號作一定畫質提升。大家只要簡單將它接上一對兩聲道喇叭，已可以歎到非常不俗的音色，即使入門新手都可以輕易搞掂到。
HDMI 唔夠用 !!? 一部入門級 AV 擴音機搞掂
來到新影音時代，所有影音設備都是統一經 HDMI 端子傳輸，HDMI 輸入端子不夠用可算是 4K 電視機首個要面對的最棘手問題。過去大家可能會靠一個平價的 HDMI Hub (切換器) 解決問題，但在 4K 時代，單是切換器的速度是否能對應 18Gbps，支援 HDCP 2.2、HDR10 等問題已令人非常頭疼。至於肯寫明自己能支援所有最新傳輸格式的 Hub 亦一定唔會平，所以入手一部全功能，且聽得又睇得的擴音機，未嘗不是一個最能解決當下問題的最終方案。至於普遍入門型號如 AVR-X1400H 等最基本都有 7 入 2 出的 HDMI 配搭，一般玩家絕對夠用有餘，以後都唔洗心掛掛，擔心入手新架生時，HDMI 唔夠用。
