大家有參與過安橋既試聽分享會都知道，安橋係好多唔同地方都會有同其他公司既 SHOWROOM 攪好多大大小小唔同的活動，而係 2011 年，香港安橋方面適逢佢地既寫字樓租約期滿，佢地就開始另覓新天地，而就係呢個舉動，亦都引起佢地打算自設一個屬於佢地自己既旗艦級示範影音房，希望可以借呢個影音房，可以讓一眾對安橋系列產品有興趣既粉絲們，可以有一個最好的測試 Onkyo 音響既最好地方呢!!!而呢日，小瑟就同 Wil 總二位應邀，到來呢個位於尖沙咀星光行既 ShowRoom初試呢個投資過超過四十多萬既旗艦級影院既威力呢!!!^^
呢對 Onkyo 既 D-TK10 係香港都絕未返貨的，而呢對喇叭當日係聽歌既效果絕對比到一眾在場人士有著十分大的驚喜，因為此喇叭造功係參照製造木結他的設計及構造去製作的，音樂感及像真度的確係非常之高呢!!（代理方面透露，希望呢對喇叭會定價係合理既價錢水平，咁佢地都多數會返貨來香港呢!! ^_^）
而今次我地主要係試三個唔同既效果，分別係[美國隊長]，[HIT MAN RETUNS]，同埋 [WINTERPLAY CD]，咁就可以試哂電影，演唱會，同聽歌既分別呢！
一間示範級既影響發燒房，最大要處理既問題當然就係房間既聲學處理啦，而安橋影院就搵來中國著名的 [四維音樂工程設計公司] 為呢間房間作出最好的聲學處理，而過程中亦都用來了好多專業的儀器去設計的呢。大家可以見到呢Ｄ咁新穎既擴散板，就係在勘察房間內不同之數據之後，特意設計出來的，呢Ｄ板仲好易安裝同拆卸呢。
開場時，就由安橋市場部負責人PK WONG為大家介紹一下現場既所有器材同介紹一下安橋既歷史呢！！而係介紹過程中，安橋方面亦都提及將來呢個咁完善既影院，會為我地各位影音迷舉辦各式各樣既活動，希望透過舉辦活動形成一個影音工作坊，用以同大家各位已經身為用家或準用家，分享更多 Onkyo一系列的影音機種之性能同各樣不同的設定技術，好讓各位可以將家中的器材，發揮極致呢！！
而暫時來講，呢個安橋影院，係未向公眾開放的，不過大家大可以放心，好快我地 Post76 就會聯同 Onkyo一同舉行一系列既大大小小既試聽會同分享會，務求讓大家可以過足機引同有一個更舒適既地方可以暢談影音經呢！！
而PK介紹完之後，四維音樂工程方面就由國內派來市場部專員 Angel Pan為大家介紹一下呢個房間建構時的情況及分享一下當中的經驗呢！！ 咪睇佢女仔就以為佢唔識影音，佢絕對係一個非常專業的影音設計師呢！！
好勒，聽完一輪介紹之後，我地就正式開始試聽了，美國隊長一幕定位及環繞效果都非常討好，而音場亦可以做到一份穿牆過壁既感覺，令到整個環境既氣氛絕對唔似大家置身於一個小小既試音房，空間感非常之好呢！！
而之後 Hit Man Returns 當然就係找來呢位美聲少女Jackie Evancho一段來讓大家耳朵舒服舒服一下呢，一個咁好既環境再加上呢個笑容甜美又可以唱出咁古典味既少女歌聲，呢短短既幾分鐘，絕對係另人聽得相當投入。
最後安橋方面就安排了旗艦級二聲道 C-7000R CD 唱盤，P-3000R 兩聲道前級及M-5000R 兩聲道後級，再加埋D-TK11呢對細細粒既喇叭，來播放 WINTERPLAY既歌，本來都唔知對喇叭係咩料的，點知一開聲，音樂感豐富，人聲重播能力之真實的確另人眼前一亮，雖然佢身形細細，但出黎既效果絕對唔失禮，音中線條之幼細，另人一聽難忘。
雖然呢次既示範只係短短一個小時，但小瑟今次係原全體驗到，安橋方面為了推廣影音文化及希望可以讓一眾玩家用家可以真正完全用盡家中的器材呢份誠意，絕對值得欣賞呢！！
頭先都提及過，我地 76 好快就會同 Onkyo方面舉辦活動，如果大家都想可以親身一試呢個旗艦級影院有幾好玩，又可以同各位安橋粉絲來一同分享心的的話，１２月記得要留意我地既活動發佈區勒~~~~~^.^
.
.
.
歡迎進入我們的影音玩樂討論區發表意見.
http://www.post76.com/discuss/viewthread.php?tid=95087
*** 溫馨提示：想更緊貼更多影音界的最新資訊，請到 http://www.facebook.com/post76 的專頁內頭頂按「讚好」加入我們，每天就會收到全新的中文影音免費資訊呢!! ***
