大家好, 2019年就快會過去了, 今年有好多不同的事發生, 令到大家都心情起伏不定, 而且大氣氛都令大家可以對於”玩樂”呢兩個字有不同感受. 不過不論世界變成點都好, 我們Post76玩樂網始終都會同大家一同分享更多影音上的好玩資訊, 讓大家可以日常生活中都可以得到一點點的喜悅, 滿足感. 就借2020年就快到來, 我們先為大家回顧一下2019年, 我們網站的一點小數據, 等大家都可以知道我們的版友呢一年最關心係玩D咩呢!!!
網頁瀏覽量雖然減小，但新會員同出帖量反增！？
2019年, 我們網站的總會員人數已經提升到 112,755人, 而76-FriendClub黑卡的會員就有378人, 藍卡同綠卡的人數就有6,392人, 雖然今年社會氣氛的影響, 由6月開始, 網站的流量有著明顯的減小, 由2018年的62,879,175頁次, 減小20%, 變成 50,303,340頁次, 但估唔到的是, 發新帖子的比例竟然提升了49.9% 由 2018年的 9,637個新主題, 提升到 14,444個新主題, 而回帖的數字, 亦都由 2018年的34,774提升20.5%至 41,886個回帖, 真係非常難得. 而新會員的參與程度亦都有所提升, 參予討論比由2018年的24.4% 微升至 25.5%. 實在在這個環境中, 令我們覺得非常鼓舞。
網站年齡分佈總覽35-54萬歲佔最多
Post76的年齡群其實一直都非常穩定, 最多人流連網站佔37%是45-55歲這個年齡群, 而第二最多的就是35-44歲, 其後就係25-34歲, 55-64歲, 18-24歲, 最後就係 65歲以上的年齡組別. 而男女性的比例, 無任何玄念的情況下, 93%的都是男性為主, 只有7%的是女性會員, 足以證明女性玩影音這個市場應該仲係大有可為的!!!!🤣🤣🤣🤣🤣🤣🤣
2019年每論壇版內關鍵字搜尋總計排行
我們亦都將在我們網站搜尋的字眼作一個總結, 得出最多人搜尋的字眼或品牌頭20名次, 我們分別選了最多流覽量的數個版塊同大家分享，家庭影院版及Hi-Fi音響版分別以品牌關鍵字來作排行，之後就當然係全站最多人搜尋的技術或器材分類的關鍵字至為重要啦，因為呢個可以知道大家最想玩好的是什麼器材麻。去到Head-Fi版，4K藍光版、唱片版、電玩版及電影版，我地就會將所有的搜尋關鍵字加埋一起同大家排行20大，產品分類上，最多版友搜尋的竟然是”Soundbar”，而品牌方面，影音品牌”KEF”就在家庭影院及Hi-Fi版都排行榜首，之後就係AV擴音機”Denon”、”Pioneer”等都名列前矛，仲好多大家都估唔到的關鍵字都有出現. 而大家近年非常重視的4K電視包括”Sony”, “Samsung”, 就分別佔第７位及１１位，由表中所見，其實我地版友對影音品牌及想了解的產品種類都非常之廣泛，呢個對於大家入手新玩具時可能都會有一點的幫助呢。
✨網站統計之後，黎緊同大家玩埋一年一年的版友頒章禮丫。🤟
2019年快將完結了，期望大家係新的一年，可以在我們網站，搵到更多志同道合的朋友，一同分享，交流更多影音的見解，心得。小瑟好相信，獨樂樂不同眾樂，玩家庭影院又好，玩音響又好，玩耳機打機都好，最緊要有知音人，搵到一班老友在科林上可以請教一下，有時都唔一定要高手先可以同人分享，大家有時買左件玩具返來，研究完之後可能得出一些小心得，呢Ｄ心得其實可以幫到好多版友減小出錯機會，你又幫下人，人家又幫下你，咁大家先可以教學相長，呢個先係 Post76一直都希望互毒的精神呢。所以黎緊我地都會收集埋2019年，版友們的參與數據，同大家來個小小的網上頒章禮，到時版友們記得留意勒！！！🎅
