wil-wil的話 –
打手問題處理
近呢幾個月真係發現多左太多疑似打手出沒既情況，佢地會以不同形式滲透於網內，例如分享報告、優惠提示、私下 pm 硬銷或較軟性手法扮 friend 等等，搏取大家既信任 …
post76 一向本住較少商業味及以會員利益為大前提，亦唔想個網站變到好似其它網站咁比人叫做【打手網】， 我地各版主日後會加強執法。如果新手或見習會員發放太疑似打手報告，我地絕不作諮詢箇中情況，便即時刪除相關發帖，及其後通知該會員問題所在。當然瞭解過 後，如屬誤會 … 即可重開此帖，但如果確定及警告再犯者，即永久禁言。如果係資深會員，我地或許會先作諮詢，如 24 小時內沒有回覆，都會按以上情況處理。
大家遇見上述網面情況出現或收到私下 pm 有懷疑，包括無 la la 扮 friend，甚至要求家訪，可隨時向各版主查詢事情因由或版主對該會員既認知。
灌水問題處理
另外，為免打手想盡快升 lev 到某級別後，以搏取大家信任，我地亦將嚴格處理灌水、洗版問題。只要版主見到無意義既公仔回覆、X1 … x5、與題目無關既吹水，都會同樣先行刪除，會否警告則按個別情況決定。
溫馨提示
以上動作多少都會令真心分享既會員帶黎不便，相信支持 post76 既版友係可以明白及體諒。同時亦提提大家，二手區賣買只方便版友徵求或放售少量私人家中物品，絕不能當作自己銷售、散貨渠道。有好野就請到團購申請區申請 大搞益多些版友，如果你真係自問打手、又自問自己既貨真係咁掂、咁抵，就唔該你地唔好係到吹噓，聯絡小瑟網主，等我地團隊作多方面核實、測試確定無吹噓成 份後，先介紹俾版友好過。
另外，無論打手與否 … 所講既產品講到有幾好或有幾差，都希望大家理性分析，唔好羊群心理，一窩蜂去做。無論有幾平、有幾正、有幾靚都好，請按自己實際需要，無謂製造太多電子廢物，慳返錢自己投資係其它有用既野上好過。
============================================================
小瑟的話 –
冇錯勒, 大家真係要留意下WIL版所講既野, 因為網上咩人都有, 如果有人素未謀面就PM就想上黎你屋企家訪既,始終非常危險既一件事, 所以大家要記住, 就算經 POST76認識既人都好, 要多加防犯, 雖然有咩事我地都可以將大家既 IP同資料交比警方處理, 不過出左事先攪呢D野就始終太遲了. 希望大家係網上識朋友要多多小心, 未得我地 POST76官方認可既人員作既所有行為, 都係屬於私人性質, 事實上係毫無保障架!!!
另外, 亦都希望各位用家們如果發覺有可疑既人/事, 都可以直接向我地所有版主或版管作出舉報, 你地既監察, 先係對付別有用心既會員既最強利器!!
希望各位係度都可以傾得開心又放心. 小瑟亦都會盡力為大家不斷咁努力提升網站上既所有設備. 好似我又搵到另一間DATA CENTER去儲存我地既 SERVER, 今次頻寬仲大左好多, 希望可以解決到晚上人流多時出現既反應遲緩既問題!!!!
原文出處: http://www.post76.com/discuss/viewthread.php?tid=25632&extra=&page=1
