今期出街前岩岩 Apple 發表全新既 AirPods Max，外型真係非常之創新, 但售價都非常震撼呀。每部耳機售價HK$4,599, 唔知大家點睇呢?? 另外《魔戒三部曲》4K 藍光碟港版終於推出, 呢套碟勁到一出即斷, 而我地藍光版版主《好熱戲》主持 Hugo早前就同大家分享左聲畫質素, 你又入左未呢?? Cambridge Audio 推出全新真無線監聽級耳機 Melomania Touch, 延續了首款TWS耳機Melomania 1的成功，以全新的耳機設計、具有直觀的觸控而樣、保守住傳統的英國劍橋既音質。加強版高質素的 7mm 石墨烯動態驅動單元, 只售只賣 HK$1,280炸, 真係好期待實物會係點喎!!!
Apple 終於推出 AirPods Max，果迷正宗頭戴式耳機【耳機熱話】
Apple 於12月8日香港時間星期二發表全新既 AirPods Max，外型真係非常之創新呀，用上透氣的網狀織面覆蓋整個頭帶，不鏽鋼頭帶框架，據說係有效平衡同分散耳罩壓力。而且聲稱獨有的聲學設計、H1 晶片、由軟件推動的運算音訊技術，透過Adaptive EQ 功能、ＡＮＣ主動降噪、Transparent mode與Spatial Audio功能，再配備 40mm大動圈驅動單元同獨特的雙釹環形磁鐵。睇圖真係十足十一隻帶得出街既 HomePod咁，真係好快可以快Ｄ試試呀。今次AirPods Max 有五款顏色：分叮係太空灰、銀色、天藍色、綠色與粉紅色，由即日起開始可以訂購，12 月 15 日星期二正式開售。不過AirPods Max既技術都不及佢既售價來的震撼呀。每部耳機售價HK$4,599，仲每人只限購買二部，想買多都唔比呀。雖然價錢比起市場上其他的頭戴式耳機都來得貴呀，不過睇佢個外觀，加埋Apple出品，相信好快都會見到周街唔小人會當佢係時尚既飾物都唔出奇呀！
https://post76.hk/news/2020/12/airpods-max-pre-order/
《魔戒三部曲》4K 藍光碟港版終於推出 網友蜂擁入手店舖一出即斷【影碟新聞】
我地藍光版版主節目《好熱戲》主持 Hugo早前就同大家分享12月會出現的《魔戒三部曲》4K 藍光碟會推出。話口未完佢就已經係節目入左手同分享左碟評。今次《魔戒三部曲》4K 藍光碟版本果然係追加左 Dolby Vision 及 Dolby Atmos 效果，仲由 9 隻 UHD100 組合而成，９隻碟內同時收錄了劇情版及加長版，而且全新既4K版係由導演彼得積遜親自監督修復，所以在畫質及音效表現上會更貼近導演意願。而我地睇過碟内的 HDR metadata 資訊，《魔戒三部曲》的亮度由 SDR 的 100nits 最高峰值躍升至 4K 版的 大約 200nits 平均值，在畫面黑位表現上有明顯的加持，經典場口如”躍馬旅館”、“摩多”在 Dolby Vision 下都能顯出更多黑色的細節層次。而三集作品中以《雙城奇謀》的亮度最高，最高峰值達到 700nits，而大家最準準樂道的“聖盔谷之戰”在 4K 版下都可以真重現盔甲反光面及雨水等細節。都反映呢個版本相信都係FANS們絕對要入手的一個皇點了。而係我地藍光版其實亦都有不小版友入左手，如果你都係《魔戒三部曲》ＦＡＮＳ，快Ｄ去睇下仲有冇啦。有版友報價普通版係ＣＤ倉賣緊 $999炸，疫情之下呢SET碟一定可以比你過個非常快樂既聖誕呢。
Chromecast with Google TV在港發售，水貨竟然扮行貨！？【影音熱話】
我地家庭影院討論區近日有版友MDLP兄分享，最近入手左一隻全新的 Chromecast with Google TV，呢隻新玩具其實我地編輯部就一直都有留意架勒，仲好想入一隻來做測試一下，因為貪佢自帶 Android TV，仲要係 Google 親生仔，升級一定係最快最新架啦。但多番向Google方面查詢，最終都係話左唔會係香港推出行貨版本。已經一心諗住唯有入水貨啦。點知係版上竟然話有行貨出現，不過MDLP兄都非常醒目架勒，都都估到呢隻應該係扮行貨。係主題上都提示左大家。不過唔緊要，最緊要有得玩呀！！就以帖內開箱知道，呢條手指仔非常強勁。支持4K HDR解像之餘，實試下Netflix同Youtube都出到 4K/60p BT2020的HDR都食到，仲可以Atmos都點到燈，都咪話唔勁。不過價錢都唔算好平，有版友報價最平都要＄５５０蚊，但有Ｄ地方仲要賣到＄６８０或以上，都幾海鮮。但如果大家係用緊上一代的電視機，呢隻手指的確又係勁方便既。你又會唔會買呢？？？
Cambridge Audio 推出全新真無線監聽級耳機 Melomania Touch【耳機熱話】
英國 Hi-Fi 專家 Cambridge Audio之前推出了其著名的 Melomania耳機，今年終於都新一代 Melomania Touch真無線入耳式監聽耳機推出勒。佢係 Melomania系列的新旗艦產品來既，以Cambridge Audio倫敦研發中心的私人音樂場所而得名，延續了首款TWS耳機Melomania 1的成功，以全新的耳機設計、具有直觀的觸控而樣、保守住傳統的英國劍橋既音質。使用加強版高質素的 7mm 石墨烯動態驅動單元，藍牙5.0技術，使用Qualcomm® 芯片架構和最新的Kalimba DSP 的低延遲技術，支援AAC和 aptX™ 編碼器，而且配備兩個高質量的收音咪和 Qualcomm 的 cVc 降噪技術，另通話話質可以保持清晰之餘，仲可以減少背景噪音。Melomania Touch將會於2021年1月開始可以直接從Cambridge Audio官方網站購買，定價非常親民呀，只售 HK$1,280。唔知我地幾時可以有實物一試呢？？
https://post76.hk/news/2020/12/cambridge-audio-melomania-touch/
