收費串流平台 Netflix 一直係影音規格推手，更成功令 Dolby Vision 同 Dolby Atmos 成為串流電影新基準！不過 Dolby Vision 同 HDR10 一類高動態畫範圍畫質影片並唔係一面倒好評，仲有部分觀眾指喺低光環境中睇 HDR 影像過分刺眼或過暗情況！
根據最近外媒 Android Authority 報導，支援 Android 手機版 Netflix 應用程式内藏有一個尚未公開嘅 HDR 切換功能，允許使用者根據喜好切換 HDR 高動態範圍同 SDR 標準動態範圍畫質。而停用 HDR 顯示之後更加有利延長手機電池續航力同節省流動數據！據知部分内置 Google TV 系統嘅電視機亦已加入相關功能，未知 Google TV 玩家有冇發現呢個隱藏功能呢？
