外觀及端子
Samsung Q990D Soundbar附設 22 個發聲單元，超低音同後置喇叭都係無線連接，減少咗線材混亂。輸入端子有兩個 HDMI 同一個 HDMI eARC 輸出，支援 HDMI 2.1的 4K/120Hz，Dolby Vsion及HDR10+傳輸，對應次世代遊戲機使用。除咗 HDMI，仲有 Wi-Fi、藍牙同 AirPlay 2 支援，方便無線串流音樂。
焦點規格
Q990D 配備 11.1.4 聲道，內置 22 個單元，連同無線超低音及後置喇叭，可以實現全景聲的沉浸式音效體驗。支援無線 Dolby Atmos 傳輸，無需額外接線。透過 Q-Symphony 技術，Soundbar 更可以同 Samsung 電視同步發聲，發揮更好音效效果。SpaceFit Sound Pro 自動音場校正功能會按房間環境自動調整音效，令聲音表現更加自然。
實試：試片《哥斯拉》《異形：聖約》
試片時，使用 Netflix 播放《哥斯拉》銀座戰鬥場景，Q990D 音效表現突出，聲場廣闊，低音澎湃，定位清晰。另一套《異形：聖約》，怪獸圍攻時，動態變化同瞬間音效反應快，分析力強，表現出壓迫感。
再試《大娛樂家》
用 Samsung SmartThings App 設定 Soundbar 非常方便，調整 Bass Enhancement 同 Voice Enhancement 後，低音效果更加飽滿。《大娛樂家》音樂場景動態充足，SpaceFit Sound Pro 技術能精準調整音場，提供極具臨場感嘅音效。
總結
今次同大家評測 Samsung HW-Q990D 係 Samsung HW-Q990C 嘅新一代產品。雖然兩條 Soundbar 睇落去基本上差唔多，但 HW-Q990D 最大嘅改動就係加入咗 HDMI 2.1。Q990D 可以以 120Hz 傳輸 4K 信號，呢個對於用下一代遊戲機玩遊戲嘅朋友嚟講非常實用。佢仲支援「私人聆聽」功能，只會將聲音傳送到後置衛星喇叭，咁樣可以減少對其他人嘅騷擾。佢仲有聲道分組功能，讓左右衛星喇叭播出更立體聲嘅音效。今次測完之後，建議上代用家，如果你唔需要 HDMI 2.1 功能，Q990C 依然係唔錯嘅選擇。因為舊款可能會見到啲折扣價，令到性價比更加吸引。但如果你已經係早兩代的玩家，今代既提升足以值得入手換機呢！
