近日亞PAUL既演唱會Paul Wong Rockestra 搵左SOUL呢個耳機品牌合作, 成為聯合贊助商, 全力支持PAUL哥既LIVE, 小瑟一於都全力強撐PAUL哥, 整左隻SOUL SL300GG來玩玩, 一於潮撐一下先!!!^_^
SOUL由來
由美國格萊美著名歌手 Ludacris 一手創立的耳機品牌SOUL by Ludacris近年殺入香港, 由研發到生產, Ludacris總共花左3年時間先叫做正式完成, 佢做出既耳機既目的就係希望可以做到專業 DJ 耳機級既效果, 播放出清晰, DETAIL度高但有震撼低頻既耳機, 而另外重點就係希望可以打破頭帶式耳機出唔到街唔夠型呢個傳統觀念呢!!!
整個耳機採用分體式設計, 擺明比大家去街時, 方便收藏啦!!!
消噪方面
SLC300GG係一個主動式消噪耳機, 其實消噪原理主要是耳機內含一塊晶片, 耳機透過收音咪收取外間既噪音, 然後以”反相”方或將音波噪音抵消, 所以主動式既消噪耳機一定係需要加入電池的. 小瑟試過開同唔開既效果都幾明顯, 大家如果想試試效果, 不妨好似小瑟咁玩下, 唔開音樂既狀態下, 試試開啟功能, 你會發覺好似即時進入密室咁, 都幾得意架. 而係聽歌時, 當OFF左消噪功能時, 會比較細聲, 但ON左之後就會大聲返好多, 而ON左消噪功能明顯高中音都會實淨返好多呢!
帶耳機最怕就係唔舒服, 而人人頭骨既位置都唔一樣, SL300GG就非常醒目地整左個”避震”位比大家, 貼耳綿既位置可以自由調校, 咁就唔怕會唔岩位, 頂耳啦!!!!^^”
格仔綿設計做頭頂位置, 都OK舒服呢!!
調校耳機位置功能呢個必修科目啦.
買耳機既朋友最多既問題就係: 個耳機有冇MIC?? 放心, 做得街機, 一定會好好照顧呢方面, SL300GG跟足二條線比你, 原裝冇 MIC線又有, 有MIC線都有, 梗有一樣岩你用既!!!
而呢個MIC CONTROL小瑟用過係 SAMSUNG既手機上, 基本上大細聲同聽電話都可以對應的, 不過當然我唔知邊D型號得, 邊D唔得啦, 因為我得一部電話之麻~~~~~XDDDDD
試聽小評
因為SL300GG有其主動式放大設計, 咁就算小瑟只用自己既手機插上SL300GG, 都一定夠哂聲, 唔會話軟手軟腳咁, 而聽返亞PAUL既 AM900大碟中既 In the Name of Rock, 其一下一下既低音打入耳朵, 彈性非常, 再加埋PAUL哥既神秘唱法, 勁好FEEL, SL300GG既低音方面的確係非常之唔錯, 而音色方面都係以聽 POP & ROCK野為主, 如果你係好聽流行曲, SL300GG會比較岩聽, 而隔音方面, SL300GG唔算好好, 基本上你”炸”機時, 你附近左右既人都會聽到你聽緊咩歌, 呢樣就有人鐘意有人唔鐘啦!!
總括而言, 如果你係想可以有隻又型又爆得既耳機, 音質又唔差既耳機, SL300GG應該會幾岩你心水呢!!!!^.^
官方特色重點推介
除了細膩的高音，清晰的中音，厚實的低音外，還能完美演繹出澎湃醇厚的重低音。
世界級抗音消噪技術，消除雜訊。方便旅遊人仕，電池消耗完仍可繼續播放。
型格LED閃亮耳罩。
兼容及音訊支援iPhone® 4G、iPhone® 3GS、 iPad™和iPod®
配合多數位智能手機和多媒體設備的3.5mm立體聲24K鍍金插頭，保持原音訊號傳輸。
除原裝音頻線外， 隨機另機另附送iPhone®， iPad™和iPod®遙控音頻線， 內置麥克風和三按鈕音樂控制器。
人體工學設計出高柔軟度耳罩，能令您長時間使用也感覺舒適。
專用SOUL欖型防摺疊音頻線，耐用兼不易變形。
由獲獎設計師用心製作出時尚可折合式耳機，高透氣度舒適頭帶墊，充分突顯出創新的設計風格。
隨耳機附送收藏保護盒，讓您隨時隨地便於攜帶。
官方定價: HKD$2699
>
歡迎進入我們的影音玩樂討論區發表意見.
http://www.post76.com/discuss/viewthread.php?tid=122060
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
