岩岩同大家分享左 M500 係小瑟既實聽之後，當然唔好比佢停啦，再來就係入耳式 M200 上場勒，其實入耳式對一般用家來講，應該可用性會比頭帶式更大，因為真係可以行到邊，聽到邊丫麻，所以入耳式既隔音同舒適度，必定係測試既重點之一勒。好，不如就先來介紹一下究竟 M200 係一隻咩料既耳機先啦。
KEF M200 係屬於雙動圈耳機，配有 10mm 低音單元及 5.5mm 釹磁鐵中/高頻驅動單元。其二路動圈驅動單元 (官方命名為Dual Dynamic Driver、DDD) 既頻響範圍係 20HzZ – 20KHz，靈敏度為 94dB，阻抗有 12Ω。其低頻聲腔和輕質鋁殼腔室相連結構亦係此入耳或耳機一大特色之一。
配帶方面，M200 入耳式耳機精巧可調，可依耳廓形狀輕鬆調節並固定懸掛於耳朵上。官方聲稱超薄矽膠耳塞套能自然貼合耳道，令配帶時更舒適，小瑟配帶時，的確耳膠十分之薄，但入耳的金屬部份比其他品牌的耳機效大，如果你屬於 “小耳窿” 一族的話，相信最小的耳膠你一定要小心保管呢。以下係官方貼心的制作了一個簡單的配帶 M200 的教學，如果你想 M200 可以緊緊地同你耳仔做好合作的話，請一定要留意一下以下的 VDO 教學呢。
在人體工程設計概念上， M200 的機身設計用上了軟硅膠材料製造入耳耳塞，可與耳道緊密接觸，在兼顧隔音效果及舒適佩帶既同時，亦能有效隔離環境噪聲，提供出色音質同有助低音既擴展，小瑟測試之時，又真係係低頻上的確比 M500 來得厚同實呢。
M200 的設定亦非常照顧主流智能手機，電腦及其它流動設備。附送的線控 MIC 和遙控，適用於 iPhone 和其它 Apple 產品，以便於播放或通話切換和音樂播放。
實測開始
小瑟測試時，刻意用上跟 M500 一樣的設定，只係用一部 Ak100 直推而測試的歌曲亦係【張學友 – 有個人】中第7首的【 愛你愛到不知痛】，入耳即係入耳，一開始既鋼琴聲特別到位，而音亮就要調校到 70 先夠聲，人聲方面，M200 既然比 M500 來得厚同有一點點甜味，而最有驚喜既係低頻鼓聲，有層次及彈性非常之有質感，而中頻位置就相對比較乾身，有小小硬，尤以快鼓聲方面最為明顯。
＞
之後亦都係來返首 2012 年推出的【菲賣品 (K2HD)】中的【執迷不悔】，開頭時同上首一樣，結他位埋身快速左好快，亦都明顯聽出係突出左結他部份的仔細位，快鼓短速，亞菲唱歌的抖氣聲好出，亦都係非常立體，整體來講，M200 將音樂的重點部份落在其高頻同低頻方面，讓其音樂的 Detail 可以好音汁地重播比大家欣賞呢。
＞
＞
手機 Sony Xperia Z 直推
再來就試下用手機來直接推動呢隻M200，今次小瑟就試下聽下 ROCK 野，近日有得 ROCK 既，仲唔係我地 ROCK 友界代表，PAUL 哥既【Paul Wong Collection】。唔知咁埋身既 M200，聽 ROCK 野又會有咩效果呢?? 係推力上，Sony Xperia Z 直推 M200可以話係非常吃力下，因為小瑟都需要將音亮去到十成位置，先可以有平時聽開歌既音亮，但聽《年少無知》時，結他既分析力真係好正，好幼細，好清澈，而低頻控制亦都厚身同有力，好易就將小瑟帶入左歌曲中既一點點成年人的無耐感，小瑟第一次聽呢個版本，PAUL 哥的新編曲同唱法真係感染力 x 100 呀，好正呀!!! 不過依家小瑟係屋企全靜既環境聽，都叫夠聲，但出街就怕真係唔係好夠呢。
總結小評
貴為KEF頭炮推出的耳機，M200 同 M500 一樣係以外型上高貴專業行先，而 M200 的官方定價為 HK$1,680，又一次以性價比來讓大家增加入手意欲。而音色方面估唔到竟然 M500 同 M200 的性格會有咁明顯既不同，M200 係聽 ROCK 同 POP 野方面竟然比到小驚喜小瑟，呢點真係小瑟未試機時，只睇外型時始料不及呢。另外大家如果想買呢 M200 的用家，建議一定要睇返個配帶教學，因為 M200 的入耳方法如果唔用其方面，就有機會未能好好咁樣發揮其 M200 的完全效能及入耳能力呢。
＞
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=158227
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
