一向都有留意ADL的產品，不身邊不少朋友都是ADL Cruise的用家，對於其溫暖綿密的聲低已經非常了解，亦見友人對 Cruise十分滿意，但奈何 Cruise只提供放大而沒有解碼功能，所以當時友人只用iPod作為 Player，碼部份始終比較弱，所以小瑟一路都未有入手 ADL的 Cruise。當知道 Furutech要推出支援iDevice的ADL X1，就急不及待即時買左部返來，希望可以滿意到小瑟的需求，好先黎同大家整個開箱圖先。
大大隻字表示完全對應 iDevice 產品, 但其實佢 Android 同 MAC, PC都係支援的.
正式開箱比大家睇下先, 一開盒就係說明書, 下面當然就係主角啦.
說明書內, 日文內容為主, 如果想睇英文, 上佢個WEBSITE啦, 尤其係想用埋佢來做電腦DAC, 冇得唔上, 因為盒內係冇 DRIVER的, 一定要上佢個網DOWNLAOD返!!!
ADL X1官方網頁 (Windows DRIVER)
http://www.adl-av.com/products/headphone_amplifiers/x1/
主角出場。。。。。＠＠＂
以下就係ADL X1跟來既配件勒.
全面拉絲處理, 真係好型仔呢~~~@@” X1給我第一個感覺就是輕巧。未買X1之前，當初都有考慮過Fortex HPP1，但它的體積是其中一樣令我卻步的原因。X1的尺寸為68 × 118 × 16.5 mm ( W×H×D），大小約莫一部iPhone 5那樣大，當然它比iPhone 5 來得厚啦。厚度大約是iPhone 5的兩倍左右，因此即使不太常於負擔重量的女性用家亦不會感到太過笨重。重量方面，它只有120g，帶出街絕對不覺負擔。外型方面就不過不失啦，相比起 Cuise的碳纖花紋外殼當然輸很多，但X1有四個顏色可以選擇，算是加回一點分數。
機前分別有 GND TRRS(下文有詳解) / Analog out / Line in / Volume.
機後就 USB 輸入(FOR PC DAC或差電之用) / iDevice專用輸入 / 第二組的Analog out 及 光纖輸出.
X1備有USB DAC功能，內置一粒2600mAh 的鋰質電池，只要差足電池就能連續播放六小時左右，都算交到功課啦。輸入輸出接口方面，應該有的它都有。一大一小USB輸入對應 Apple iDevice,，Android Phone，MAC及PC數碼訊號作為DAC之用，而Apple iDevice輸入 (USB A)，最高支援播放規格為16bit/48kHz，而經電腦作外置 DAC時就最高可支援24bit/192kHz的訊號。Line In頭接口當然有。輸出方面3.5mm Jack一前一後有兩個，為什麽有兩個呢?相信有玩過手提耳擴的版友都知道，如果輸入接口及Phone Out Jack是一前一後的話，很容易發生屈爆線情況，而且擺於亦不好擺。如果是在同一面的話就可以免避這個情況，又是一個貼心的設計。除了Analog的輸 出，其中一個3.5mm Jack還兼任光纖輸出，最高可以出輸出24bit/192kHz的訊號。
機背就有一個比大家自由切換既地方, 如果係用 Apple產品, 就拍上面(iDevice), 如果係用來做PC既DAC, 就拍下面(USB DAC).
GND TRRS是什麼?? 支援 Android解碼嗎?
雖然X1體積雖小，但功能可以說是五臟俱全。不用多說它可以作為iDevice的外置 DAC，聽說它還可以支援 Android系統，咁岩身邊有朋友已經有 LG G2在手，即時用OTG線一試………….好可惜, 係冇聲出的，原來 Android系統係需要安裝一個叫” USB Audio Recorder PRO “的收費軟件，就能透過 ADL X1 的 USB mini-B 輸入食到 Android手機連接 OTG Cable出既數碼信號勒，而 Android 系統就需要 Ver.4.0以上才可以支援呢，事關LG G2及Samsung note3都可以播放24bit/192kHz檔案，如果可以加上X1作為解碼，不得了。另外我覺有個幾特別的設計，就是它支援帶有線控的耳機，即是說你用X1都可以正常用線控控制部電話及可以通話，而針對線控裝置的差異，機底附設了一顆GND TRRS切換頭（Sony or Apple），以對應個別品牌耳機的線控兼容需要，這個功能真的貼心。
電腦用DAC
X1可以有PC DAC功能, 我地當然唔會放過佢啦, 一定試埋佢, 不過因為箱內無任何光碟, 所以如果要做DAC的話, 就需要自行上官嬝下載勒. 我地就同大家介紹一下整個安裝DRIVER的分享啦!
1) 當你插入X1入電話的USB之後, 呢個畫面就會出現, 不過一定係搵唔到驅動程式的, 唔洗擔心…..
2) 大家可以上官網DOWNLOAD返, 又或者去我下面條LINK, 都一樣可以下載最新DRIVER的, WIN7同WIN8都支援的.
ADL X1官方網頁 (Windows DRIVER)
http://www.adl-av.com/products/headphone_amplifiers/x1/
3) 下載好當然就係安裝佢啦.
4) WINDOWS最好既就係…………一路NEXT, 按按下就會裝好架勒~XDDDDDD
5) 大家可以見到當你安裝DRIVER時, WINDOWS會自動同你對應返部X1的.
6) 就係咁, 安裝就玩完勒!!!!
8) 想知道自己有冇安裝好?? 快D睇下你既WINDOWS既右下有冇呢個 “T”字啦~^^”
開聲實試
今之我地用的就係 Apple iPod呢部入門玩家必入既 Player勒，再配以IE80呢隻動圈低音狂，當初ADL Cruise吸引我就是那溫暖圓潤的人聲，所以同一品牌的X1我都對它有這方面的期望。而另外值得一提既，就係 X1加 iPod既手感，以耳機發燒友來講，呢抽野都算係細抽架勒，而我就覺得呢個組合手感非常之好，岩岩一隻手拿哂，又可以方便選歌，真係幾唔錯呢。
張敬軒《Pink Dahlia》德國壓碟頭版
首先就測試一下張敬軒早前推出的新大碟《Pink Dahlia》德國壓碟頭版中的第八首《滴汗》WAV檔，一試之下，X1沒有Cruise聲底那麽厚，密度沒有 Cruise的高，但保留了Cruise圓潤的特點。分析力方面一定比不帶解碼的 Cruise高，但感覺上比HPP1略低一點，畢竟價位方面有上千元的分別。音場方面比起淨用 iPod Classic的解碼有明顯的改善，但整個音場不算是很開闊的那種，人聲及樂器聲都靠得很前，縱向深度不明顯橫向伸延還可以。
張學友１／２世紀演唱會
之後我地就再試近日錄音以24bit/96kHZ取樣的演唱會，非常好聲的《張學友1／２世紀演唱會》，碟二中的第三首《離開以後》WAV檔，此碟錄音上的確係另人非常有驚喜的，平均度做得非常之好，每位樂手及歌者的表演都一一收錄，雖然轉回CD格式時，已經下降為16bit/44kHZ儲存，不過表現都仲有返水準，係小瑟近來試機既好幫手之一。音樂響起時，掌聲及音樂既分離度尚算接受，而學友既歌聲亦都清脆有力，到觀眾拍手時更加可以聽出距離感，唯一不足低頻表現有小小＂立＂，唔夠爽，不過已經比只用IPC既效果來得可以入耳好多呢。
總結
X1推動的人聲是順滑自然，但人聲的定位是非常之前，某些錄音甚至覺得人聲是在頭中間。樂器聲分離度不算十分強，但定位尚算清晰，而且樂器亦算明亮而不 暗啞。動態方面不算爽快，聽Rock一類音樂比較輸蝕。整體來說這台AMP聲音取向比較平均，沒有太大的音染，聲音舒服自然耐聽。但雖然留意的一點，就是X1在當電腦DAC時，會有一點點的＂底燥＂問題，在插上耳機未開歌之前，會比較明顯，但作為一部Portable DAC方面，X1的功能非常全面，設計方面又很貼心。性價比方面在云云對手當中算是高的一類，當然如要更上一層樓的話另加AMP一定更佳，但有浪費了它的輕功。我自己就很滿意，值得推介。
ADL X1 官方價格：HKD$4500
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=169082&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
