由2004年第1集開始，一套小本經營，以刀仔鋸大樹形式，奇蹟地可以長拍長有。除咗上集以外，每一部全球總收入均過億，最終都嚟到最終章，重以3D形式出現，實行嚟個大總結。踏入藍光世界，行貨版本亦都係第一次以Blu ray形式收錄。
進入選單畫面，如果冇3D器材，會自動播放2D版本。
特別收錄唔多，但係呢個＂52 Ways To Die＂Fans一定要睇，由1-7集製作人講返曬過去咁多集如何構思及設計死亡場面，睇完真係佩服佢哋咁都諗得到，強力推薦
。
可能本身母帶關係，畫質銳利度未算最好，黑位仍有雜訊，不過個別畫面仍覺清晰，而殺人場面用色亦略帶誇張。音效第用上DTS-HD當然更加真實，不論機器開動聲或金屬撞擊聲均忠實重現。
層出不窮既殺人場面，不過相對比之前一兩集已有所收歛，不會再純賣弄官能刺激，而增強故事性。
過往既僥倖生還者聚首一堂回味往事，你又認得幾多人呢？
觀後感：
抱歉小弟未有3D器材，睇唔到實際3D效果如何。相信3D版血腥味會更加刺激緊張，同時3D效果亦加重從咗劇情的緊湊感。但係唔係無3D器材就唔需要睇 呢？始終情意結呢樣嘢，一路有睇開整個系列既Fans，冇理由大結局唔睇掛。反正呢次行貨版本包括2D及3D版本，買定日後升級再重溫3D版都冇問題。
這一集作為整個系列結局，雖然影片不算太長，但卻能夠充份交代所有劇情，唔會有唔清晰的感覺，起碼結局絕對唔係馬馬虎虎，虎頭蛇尾感覺。
故事一開始時已是一個突破，以往鬥室遊戲都是在密室而且不公開的情況下進行的，但呢次一開場卻是第一次活現於鬧市之中，群眾在防彈櫥窗外觀看著一場求生的血腥遊戲，手法新鮮且更能令觀眾有置身於現場感覺。
相比起過往幾集純賣弄血腥，最終章算有一個完整既結局，當大家以為荷夫曼（第3-6集）將會主宰一切的時候，才發現早於第3集死去的拼圖殺人狂早在死前已 佈下棋陣，而於第1集逃出生天的哥頓醫生居然成為最後的設局者，有首尾呼應的效果，觀眾亦無法估到最後一著，其實都係殺人狂的掌握之中！
題外話：
不得不讚賞翻譯香港片名既發行，恐懼鬥室每一套片名都令人印象深刻，一睇就知係同一系列 。
2004 – 恐懼鬥室
2005 – 恐懼鬥室2死亡困局
2006 – 恐懼鬥室3死神在齒
2007 – 恐懼鬥室4回頭是岸
2008 – 恐懼鬥室5人面獸心
2009 – 恐懼鬥室6萬罰朝中
2010 – 恐懼鬥室3D終極審判
如果你都想同大家分享一下對呢套電影既野, 請到我地既藍光版討論區一同分享吧!
http://www.post76.com/discuss/viewthread.php?tid=62847&fromuid=4
