細個個陣未必人人有錢買遊戲機，但仲有幾百塊膠積木系左近。單係自己同自己講野玩「多重角色扮演」已夠你玩足一日。假如你可以越多幾個 Friend 出黎，搵多齊幾桶 Lego 砌座城堡出黎玩「攻城」就真係好玩到唔想訓 !!!
最近的一套《Lego 英雄傳》正正就係開正哩種「童年集體回憶」，大玩 「經典電影人物Cross-Over」之餘，仲玩埋 「食字」、「預言」 、「末日」 等電影熱門元素，絕對算是大堆頭作。單係電影公司 「搖錢樹」 蝙蝠俠既出場時間 同搞 gag 率已是全片之冠 (僅次於大主角阿墨)。當然，佢搞得最過癮的梗係 「應棍」(應景) 既笑位 !!!
故事:
《Lego》在故事上再次大玩 「末日預言」 路線，而「救世英雄」竟然係一個平凡、循規蹈矩、毫不起眼的 LEGO人好好先生阿墨。故事起初以為阿墨只是一個誤打誤撞的無謂人，專門做埋晒D唔等洗既事同設計，連一眾同伴都對他唔睇好，處處玩針對。
而歹角中以忠探/ 魔探 大玩自我心理對峙真係笑鬼死人。英語版中 利安尼遜 ( <<救參96小時>> 男主角 ) 一人分演多把人聲，唔睇返 End Credits 都唔知佢本人原來咁識搞氣氛 !!!
故事去到中段，阿墨逐漸認識到自己並非想像中的無用。而且，他更明白得到手上的「救世法寶」其實並是因為好彩，而是因為他領略到了拯救Lego 世界的唯一方法就是不受老規矩所限，依靠想像力，將一塊塊零散積木組裝成「創意心血結晶」。值得一讚的是，此片的製作團隊能將「創意」、「破格」的一堆反守舊意念放入一個通俗、玩味故事到。無悶場之餘亦收到了啟發作用。一家老少有所領悟之餘，也笑得開懷。此外，主角時時被睇低，無鬼用的心態都有別於一般大片主角一出場就秒殺歹角的做法，令小人物變大英雄的對比更有亮點 !!!
然而，結尾部分的 「驚世秘密」以及穿梭真實 / Lego 國度的一條橋玩得有點過火，搞到最尾有 d 難收到科… 或者續集有得兜呢 ?!! 邊個知播 ?!
畫面 / 聲效:
《Lego》畫面上最正的地方是「膠」得十分過癮逼真。單是阿墨面上的塑膠質材已做到與現實Lego 公仔無異，可知家下d 「CG」已十分傳神，在 3D 觀賞下亦更見其出位細緻。
在音效方面，片首部分一首 「Everything is Awesome」在包圍感上都十分埋身，且節拍也頗為強勁，十仔都可以Warm Up 下。而片中多段飛機大戰、爆炸都可試出定位感同空間距離感，混音效果絕對收貨 !!!
總評 / 小結:
《Lego》在外國網站大獲好評，連不太 Like 喜劇的 IMDB.COM 都俾左 8 / 10 分俾哩套戲，可見此片在製作、火候上相當到位。而續集也在籌備當中，相信此片將會是一系列 LEGO 電影的序幕。
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
