係上星期, MS HD Power 就舉辦了一場名為『家庭影院以少博大』既打擂台活動. MS HD POWER貴為我地【76-FriendsClub】既合作這戶, 當然會對我地既【76-FriendsClub】全力支持啦, 佢地呢日戀共攪左二場, 一場係對外開放給全港公眾參與既, 每位收費 HKD$100, 而第二場, 就係專預留比我地 Post76 既所有會員既, 而如果已成為【76-FriendsClub】既會員, 更加可以以 FriendsClub優惠價 HKD$80蚊參加, 真係多謝 MS HD POWER方面, 特別為我地提供呢個額外既優惠呢!!!^^
好多師兄弟都對 “電源” 同 “拖板” 呢二個項目有好大既迷思, 究竟電對一套家庭影院既發揮同效能, 有幾咁重要呢?? 呢個活動就可以真正比大家親身感受到電源對影音既影響有幾重要勒~~~
活動內容包括:
– 一粒鍍層 Fuse 提升整套家庭影院級數
– 拆解濾波電源對影院有幾大影響
– 即場比抨濾波插座及普通插座
– 親身體驗 Subwoofer 三級跳提升大法
– 獨家會員專享『【76-FriendsClub】電源打擂台家訪 』~ 免費上門評估會員影院組合相關電源處理狀況(詳情請PM影音硬件版版主rlwk2009)
當日所有出席會員, 都可以擁有總值 HK$300 的禮品及超級大抽獎機會(MS拖版一個呀!!^,^), 而且會場中, 仲有紅酒比大家任飲呢~~~
日期: 2011 年 4 月 30 日 (星期六)
時間: 14:45 – 15:45
地點: 九龍彌敦道 380 號逸東酒店 B1 金鑽廳舉行
人數: 每場 30 人
每位參加左版友, 都可以有一份咁正既禮品包, 淨係個白金牆蘇, 再加埋其他由MS方面精心挑選既禮品, 呢個入場費已經值回票價啦~~~~^^
好勒, 終於都可以入場勒,眼前見到一個OS 120″既投射幕同埋由聯興方面提供既影音器材, 我地不如就黎睇睇當日既器材名單先啦~~
Projector: Optoma HD 806
Screen: OS PA-120H(WF203) 硬幕 (2D, 增益0.9)
AV Amp: ONKYO PR-SC5008 及 PA-MC5500 前後級
Speaker: TANNOY 專業系列 左/中/右: DC-12i ; Surround: DC-8i
Subwoofer: BAG END INFRA 18
Blu-Ray: CAMBRIDGE 650BD
大家可以見到久違了的天朗DC-12i / DC-8i(後置) 喇叭系統, 一睇呢套喇叭, 連面網都冇, 就知呢套喇叭係屬於專業級數, 而價錢方面, 又唔係大家諗既天價, 總之係呢個價位上, 可以係呢個容納30人以上既大地方, 佢既表現都從容不迫, 滋油啖定, 一個字, 掂!!!!
而今次既活動主角, 就係呢二個拖板勒, MS POWER P80, MS POWER G60是也.
好勒, 今次大會既主持, 當然要搵返個有咁上下分量架啦, 英國萬成既 Simon哥, 我諗好多影音前輩都應該識佢呢, 之後仲有 Billy Chan, William, 另外LHE聯興方面除左器材之後, Lawrence呢位影音界專家都有到現場同大家分享一下呢~~^^!
Simon哥好比面咁叫小瑟出黎同大家講二句, 不過當日真係冇諗過要講D咩, 而又知道大家係出面等左好耐, 都係唔好阻大家時間, 快快手就開始是日既擂台活動呢~~~~XDDD
首先一開始 William就同大家做個Testing先, 佢手上呢個野就係可以測試到, 現場酒店提供出黎既電源既雜訊有幾多, 現場所見, 電源內既雜訊直頭係度爆錶, 大到連數字都停左係個1字度, 之後 William轉左插返個 Tester去ms既拖板度, 讀數即時正常返哂勒~~~真係咁神奇??@@”
同大家介紹一下, 當日我地玩左咩插座先:
Projector- 濾波示範: MS POWER P80(鉑金版)
Subwoofer- 濾波示範: MS POWER G60(24K金版) / 電源保險絲示範: MS GOLD 24K 金保險絲
AV Amp.- 濾波示範: MS POWER P80(鉑金版) / 電源保險絲示範: 前級-MS GOLD 24K 金保險絲 / 後級MS PLATINUM 鉑金保險絲
Blu-Ray.- 普通插座 (因斷電後要重新setup, 所以無比較示範)
註: 所有電源線用跟機線
一黎先整套《煞破天劫》Unstoppable先, 章節就選左高速轉灣果段, 整個打擂台活動既玩法都係以用普通電源線睇一次, 之後換上MS既拖板同FUSE再睇一次, 來比大家去比較有用同冇用既分別既.
當睇完第一次既測試片段之後, 工作人員就好快快手咁立即埋位換野, 真係辛苦哂佢地勒~~~^^!
再來第二次就係換上左MS拖板之後既分別勒, 次次由我小瑟講真係好冇新意, 不如今次既效果係點, 就由當日有參加既版友自己分享吧!!!!!^^(詳見下文)
之後就黎一段非常之炸得既 Master and Commander, 係人都知, 呢套戲一有炸彈位, 真係一炸就停不了, 我地就係試呢段….小瑟既小小意見就係, 冇用就炸到好亂, 換左有用就音場結實返好多.
之後就試左用左MS既濾波拖板, 聽歌又會點呢???
再黎就係功夫熊貓, 我地唔係試大炮果段, 反而係呢段亞寶第一日學功夫呢段, 不過都好, 因為人聲多, 對白多, 同埋D定位走來走去, 又反而幾有感覺喎… 尤其係定位, 同對白, 用左同未用基本上都幾大分別同幾易分到.
而當日除左多野睇之外, 仲非常多禮品送返比現場既版友架喎, 當 Simon哥問完一個問題, 舉手回答既又有, 係抽獎箱抽出黎既又有, 最衰我冇分玩, 攪到我永遠都係睇住人囉禮物!!!~_~
呢位就係OS 投影幕方面既工作人員, 關小姐勒~~~
另外我地當日除左有影音聽之外, 全場仲有紅酒任飲, 全靠都係多得 “舞台文化集團” 提供全場既任飲紅酒比大家, 而呢位就係[品酒師 – 張先生]勒!!!^.^
除左有油飲之外, 當日更加可以話係星光粒粒, 點解咁講, 因為大會仲請到 [電影名監製: 朱仲安先生] 親臨現場為大家分享一下影音心得, 朱仲安先生來頭好堅架, 佢係西片 [盜墓者羅拉 同埋 蝙蝠俠黑夜之神] 係香港戲組既監製, 我地當日有機會可以同佢傾二句, 真係非常之榮幸呢~~~~^.^!
而時間飛逝, 我地整個打擂台只可以玩到一個鐘, 而最後, 我地就當然要試埋投影機上, 換左MS既拖板之後, 分別係咩啦, 呢次就係用左IMAX係香港拍攝既BATMAN黑夜之神勒~~~~
而最後, 真係連小瑟都估唔到, 原來當日可以有個咁既大獎, 就係呢個MS HD POWER S20拖板………………唔好講話呢個拖板值幾多錢先, 就係當日係咁 A/B比較之後, 可以即時囉一合返屋企呢下野既心情, 真係中獎果個先知呢………..而小瑟就只可以笑住咁將呢個獎, 送到師兄手上呢!!!!!!! 真係羨務死人啦………一_一”
正當大家都諗住呢次既打擂台曲終人散之際, 原來有一位識嘆之人, English Tang 鄧英敏先生, 靜靜坐左係人群當中, 我地主持人Simon哥當然唔會比佢齋坐咁寡啦, 黎, 出黎撐場啦喂!!!!XDDDD
鄧先生果然係名司儀, 佢一出場, 大家都即時起鬨, 佢短短幾句說話, 就引得全場大笑, 佢仲即時申請左家訪佢屋企, 叫XXX 幫佢快快手攪掂好佢屋企既所有電源呢~~~~XDDDD
大家睇完呢個報導, 不如都睇睇當日打擂台既現場花絮啦!!
MS HD POWER家庭影院打擂台會後討論
http://www.post76.com/discuss/viewthread.php?tid=69870&fromuid=4
MS HD Power 打雷台好靚呀 !
http://www.post76.com/discuss/viewthread.php?tid=69868&fromuid=4
