小瑟家中的備份藍光碟越來越多, NAS都迫爆哂唔夠位用了, 況且家中NAS都用左數年, CPU同RAM都係數一數二的….慢……而內部既空間更加係買少見少(只有4TB), 就係因為咁, 小瑟就開始尋找新的NAS, 之前小瑟用既係 SYNONLGY 既NAS, 不過上年得知ASUS都推出自家品牌 Asustor, 而機中仲加添左一個 HDMI PORT位, 聲稱可以出到4K解像及高清音效, 小瑟同 ASUS 方面一直都有聯絡, 咁就問佢地借到一部 AS6202T 既 NAS 回家, 實行先試後買勒喂!!!!
當佢電腦玩, 當然要講下SPEC 啦!!
未試機前同大家睇下部 AS6202T 實物圖先, AS6202T支援二個硬碟, 佢CPU仲係行 Intel Celeron N3150, 行得 Celeron都知道唔洗擔心反應既問題啦, 仲要行埋4GB RAM, 真係比起依家小瑟用緊既 512MB RAM勁好多呀, 而佢內部儲存容量最高可支援 16 TB, 即係話 8 TB HDD X 2, 行RAID 或JOBD就可以用到16TB咁大, 基本上將來都應該夠哂用啦, 不過又咁講, 依家買一隻8TB既HD真係天價, 都係平平地4TB玩住先啦!!
機背端子及接駁
來到機背位置, USB 3.0 x 3(連機面的USB位置), USB2.0 x 2, eSATA x 2, Gigabit Ethernet x 2, HDMI 1.4b x 1, S/PDIF x1, 依家市場上最多用的插位都係哂度, 如果你有個可以支援 TRIMMING 的ROUTER, 仲可以行雙LAN, 當然呢個都係唔係今日小瑟同大家要試既部份啦, 小瑟最關心的當然就係最想知, 它究竟可唔可以代替到我地家中的藍光機呢???
∇ 好勒, 接駁妥當之後, 就開始進入軟件設定階段勒, 先來同大家講講, 佢始終係一部NAS, 所以如果你想睇戲呢, 點都要攪掂左 NAS內的系統先. 所以以下就同大家講解一下基本設定NAS的簡介先.
∇ 小瑟假設你已經插好網線, 將你的NAS同你家中網絡連結, 裝好 Asustor Control Center, 軟件就可以為你找出你部NAS, 之後就只需DOUBLE CLICK你的 NAS, 系統就會一步步地帶你去設定NAS.
∇ 設定整個NAS小瑟就唔係度詳述了, 假設你已經攪掂 NAS的網絡, 只需要進入系統中的APP CENTRAL, 裝上 “KODI” 這個 Android 的媒體播放器Apps, 呢個 Apps 其實係任何 Android 系統都可以用到, 所以係網上都可以搵到好多有關既資料.
∇ 當安裝好KODI之後, 你的NAS插上HDMI 到你的 AV AMP 之後, 你的 NAS 就正式成為一部藍光播放器了, 但是否就可以播放 NAS 中的藍光 BDMV FOLDER 及 ISO FILE 呢??? 當然未得啦, 小瑟建議大家係手機下載一個 Asustor 的APPS (AiRemote) 去控制, 如果想操控更得心應手, 最好加多一隻滑鼠作支援, 而日常一般使用, 有一個實體搖控就更好的, 而廠商亦都為As6202T配有一隻實體搖控供大家購買, 不過小瑟就冇借到搖控來玩, 所以 AiRemote 呢個 Apps 就岩哂我用呢.
∇ 為大家講解一下, 如果要你的AV AMP可以完整接收 HD高清音效, 就一定要係設定上做一點工作勒, 首先進入 [SYSTEM] 將 [SETTING LEVEL]設定為 “EXPERT” 先, 因為咁樣先可以睇到更多的選項的.
∇ 點選 [AUDIO OUTPUT] 中 [AUDIO OUTPUT DEVICE] 選回你HDMI 接駁中的 AV AMP 名稱, 以下小瑟因為係用 Pioneer SC-LX89, 所以就會有呢個畫面的顯示, 如果你的AV AMP係其他牌子的, 就會有所不同勒.
∇ 之後大家就可以進入 [PASSTHROUGH OUTPUT DEVICE] 中, 將 [TRUEHD CAPABLE RECIVER] 及 [DTS-HD CAPABLE RECIVER] 點成藍色粒(如圖), 代表開著以下二項高清音效勒.
∇ 之後就當然回到選單找來一套BR ISO的電影試睇啦, 大家只需要係回到主頁, 找 VIDEO加入你NAS內裝有藍光備份檔的FOLDER, 就可以選擇 PLAY來播放的呢.
∇ 小瑟對KODI未係非常熟悉, 所以小瑟就去唔到藍光碟的菜單之中, 只可以直接進入主電影內, 不過都冇所謂啦, 我都係想睇下戲來試試效果, 最緊要就當然要睇下出唔出到 ATMOS先啦!!!!
∇ 登登登登, 小瑟的 Pioneer SC-LX89可以成功從HDMI中解碼 Atmos 及流暢播放, 正!!!!
Conclusion : 電腦玩家進入影音入門的一個ALL IN ONE的不錯選擇.
呢部 Asustor AS6202T 以 NAS 的效能上的確係非常強橫的, 佢既可以出到4K解像度的畫面, 亦可以解到HD高清音效, 而且因為佢係好似一部電腦般的系統, 所以理論上 KODI 有更新佢都可以受惠, 長遠來講以呢部 NAS 來當一部藍光播放器係幾方便的. 聲畫方面: 先講聲音方面, 經由 HDMI 直接輸出到小瑟的 Pioneer SC-LX89 已經可以支援到 ATMOS 的解碼, 相信 DTS:X 應該都會在將來可以更新, 但當然呢個最終都要睇 KODI 的支援, 聲效上 AS6202T 在環境包圍感及充實度都有不錯的表現, 但定位及仔細度就始終同小瑟家中用緊的 BDP-LX88 藍光機仲有一定的距離, 尤以大動態之表現更為明顯, 呢點在好多入門級的藍光機中其實都有同樣的問題. 呢點希望廠方如果真的希望在這個影音的範疇更進一步, 就真係要加多把勁在研發上才可以呢. 畫質方面: 因為 KODI 可設定畫質的地方太小了, 所以基本上都只可以用直出的方式輸出到受訊的器材上, 雖然畫面的仔細度同顏色表現上都算合格, 但當中的黑位同灰階位置的效果就真的比較差了, 小瑟需要在 LX-89 上作大幅調教, 先可以得出比較好的畫面, 但如果以家中的 LX89 比較, 就真係仲有排追呢. 當然這個其實都係意料之內的事, 始終一部 AS6202T 四千多, 成本除了電腦硬件本身之外, 仲要照顧影音方面, 一定比較難取捨, 如果加上硬碟以六千多元的價位上, 可以照顧播放藍光碟呢方面, 都算係一個幾創新功能, 其實佢有LX89的一半功力已經好好, 當然佢既擴展性是它的強項之一, 大家可以試想將家中藍光電影RIP好後, 儲存在 NAS中, 而NAS又等於MEDIA PLAYER播放器, ALL IN ONE已經攪掂, 的確係對電腦玩家進入影音世界的入門好選擇呢.
