首先係度多謝post76及onkyo給我一個驚喜嘅聖誕節，因為可以在聖誕假期玩盡部TX-RZ800，試盡全新制式DOLBY ATMOS，Onkyo嘅工作人員仲驚我冇天花喇叭，更窩心地謝出1對SKH-410(B)天花返射喇叭比我，直頭係想張我推去無底深潭。
∇不枉我支持咗呢個品牌咁多年，因為我一開始進入呢個AV界就係用onkyo嘅套裝機，直到現時已換過2至3部都沒有被其他牌子取而代之，一定有佢過人之處，事不遲疑即刻開箱。
∇先介紹一下小弟的真正嘅平民入門器材先(由於土地問題)就連1對書架喇叭都放唔落嘅我選擇咗MK sound掛牆MP7做前置、wharfedale織網喇叭做中置、環繞聲用套裝機淨下來的230F×4、超低音係Mordaunt-short aviano 9 共7.1聲道。
Blu-ray機-OPPO-103D
∇急不及待張器材接駁過後，用最方便嘅自動音效調校及測試是否一切正常後，緊係先試最新鮮嘅全景聲啦！為咗呢次試玩報告我都相當認真架，先上post76扒文及搵相關軟件資料，如編輯部HUGO大哥TX-RZ900開機分享裡面提及過近期Atmos人氣之作(木昇戰紀)，就衝去影碟鋪購買1隻做測試之用！
每聲道都激活起嚟，空間被填得滿滿
小弟由入門級機種變用中階機嘅第一個感覺係相當夠力，好似張每聲道都激活起嚟咁，從前沒發覺我的喇叭原來可以更生動，令我可以即時投入電影裡，整個空間都被填得滿滿，真的很開心可以用自己的器材去試一部未買嘅擴音機，實在係夢想成真！
3D音效更能將電影嘅細節呈現
測試去到中後段時我發覺環繞聲變得有啲亂，可能係聆聽環境太細關係7.1.2可能真係大貪咗，唯有再試返5.1.2啦，奇怪地我覺得定位準咗包圍感仲好過之前，由其係從天而降的聲郊最為特出，另我發現原來除了多聲道玩法外，3D音效更能將電影嘅細節一一浮現出嚟，所以新世代嘅音郊制式張會牽起一番熱潮，令腦海裡即時閃出一連串’升級’行動大計。試完全景聲後當然要試下小弟最為喜愛嘅(狂野時速)用上平時已經十分滿意嘅DTS-HD MA去盡情地玩盡RZ800。
PCM 192kHz/24bit 高分析解碼，耐聽性提高
由於小弟都係聽廣東流行曲長大，所以對於藍牙傳輸功能對我極為方便，一部手機加部擴音機已經聽到最新嘅流行歌，可能此機支援PCM 192kHz/24bit高分析嘅解碼，耐聽性亦大大提高，再試埋一隻張惠妹嘅HDCD就覺得現時嘅多聲道擴音機進步了不少，從前聽歌只會諗起兩聲道，雖則不可直接作出比較，不過我用嚟聽下流行歌就已經相當足夠及方便。
Conclusion: 「高階技術下放，追求新音效制式玩家入門首選」
點解會選RZ800而唔係更強勁嘅RZ900，因為地方細和(留返比更有需要嘅玩家)及我鍾意追求全新制式多於力量方面，追換新款機種時亦唔會過於浪費及玩唔返轉頭，我地器材上嘅逐少逐少嘅變化，享受固中嘅滿足感同樂趣，沒有試過入門、怎樣知道旗艦擴音機嘅分別和實力呢(其實係冇錢買，給自己的藉口)但對於一般家庭嚟講安穚嘅定價及用料真係十分超值，現時更將高階型號技術下放到入門機種，對於我呢種追求新音郊制式玩家嚟講就更加實際，衷心祝Post76及Onkyo係市場上更上一步及新年快樂，多謝你地比我有機會講出讀者及用家心聲！
